கர்நாடகாவில் 2வது பெரிய விமான நிலையம்: திறந்து வைத்தார் பிரதமர் மோடி

மத்திய பட்ஜெட் தொலைதூர இடங்களையும் சென்றடைவதில் எவ்வாறு கவனம் கொண்டுள்ளது என்பது குறித்த இணைய கருத்தரங்கில் காணொலி வாயிலாக கலந்து கொண்டு பிரதமர் மோடி பேசுகையில், நாட்டிலுள்ள பழங்குடி மக்களின் திறமைகளை பாராட்ட வேண்டும்.

தொழில்நுட்பத்தின் உதவியுடன் அரசின் திட்டங்களில் வெளிப்படைத்தன்மை இருப்பதை உறுதி செய்வதோடு, அவை குறித்த நேரத்தில் நிறைவேற்றப்பட வேண்டும். இந்த ஆண்டு தாக்கல் செய்யப்பட்ட மத்திய பட்ஜெட் பழங்குடியின மக்களின் வளர்ச்சிக்காக அர்ப்பணிக்கப்பட்டுள்ளது.

ஊரகம் மற்றும் பழங்குடியின பகுதியை சார்ந்த கோடிக்கணக்கான குழந்தைகள் தடுப்பூசியை பெறுவதற்காக நீண்ட காலம் வரிசையில் காத்திருந்தனர். ஆனால் தற்போது மிஷன் இந்திர தனுஷ் திட்டத்தின் மூலம் பெருமளவில் தடுப்பூசி சென்றடைந்துள்ளது. இவ்வாறு அவர் பேசினார்.

விவசாயிகளுக்கு உதவும் வகையில், 'பிரதமர் கிசான் சம்மான் நிதி' திட்டத்தின் கீழ், ஆண்டுக்கு, 6,000 ரூபாய் உதவித் தொகை வழங்கப்படுகிறது. இது நான்கு மாத இடைவெளியில், மூன்று தவணைகளாக, விவசாயிகளின் வங்கிக் கணக்கில் நேரடியாக செலுத்தப்படுகிறது. கடந்த, 2019 பிப்.,ல் இந்த திட்டம் துவக்கி வைக்கப்பட்டது.

இதன்படி, 13வது தவணையாக எட்டு கோடிக்கும் மேற்பட்ட விவசாயிகளுக்கு, மொத்தம், 16 ஆயிரத்து 800 கோடி ரூபாயை பிரதமர் மோடி இன்று(பிப்.,27) வழங்கினார். இந்த நிகழ்ச்சியில், ஒரு லட்சத்துக்கும் மேற்பட்ட பயனாளியர் பங்கேற்றனர். இந்த திட்டத்தின் கீழ் இதுவரை, 2.25 லட்சம் கோடி ரூபாய் வழங்கப்பட்டுள்ளது.

நிகழ்ச்சியில் பிரதமர் மோடி பேசியதாவது: 'பிரதமர் கிசான் சம்மான் நிதி' திட்டத்தின் கீழ், , 2.5 லட்சம் கோடி ரூபாய்க்கு மேல் நாட்டில் உள்ள விவசாயிகளின் வங்கிக் கணக்கிற்கு மாற்றியுள்ளோம். குறிப்பாக பெண் விவசாயிகளுக்கு ரூ 50,000 கோடிக்கு மேல் வழங்கப்பட்டுள்ளது. இந்த தவணை ஹோலியின் வாழ்த்து. இந்தியாவின் அனைத்து விவசாயிகளும் இன்று பெலகாவி வந்துள்ளனர். இவ்வாறு அவர் பேசினார்.