9:12 AM IST

8 ஆயிரத்தை நெருங்கியது பலி

நிலநடுக்கத்தால், பெரும் பாதிப்பை சந்தித்துள்ள துருக்கி, சிரியா நாடுகளில் பலி எண்ணிக்கை 8 ஆயிரத்தை தாண்டியது. பலர் மருத்துவமனையில் சிகிச்சை பெறுவதால், பலி எண்ணிக்கை அதிகரிக்கும் என அஞ்சப்படுகிறது.

9:09 AM IST

மீட்பு படையினர் விரைவு

12:59 PM IST

பலி 5 ஆயிரத்துத்தை தொடுகிறது

நிலநடுக்கத்தால் துருக்கி, சிரியா நாடுகள் பெரும் சேதத்தை சந்தித்துள்ளது. இதுவரை கிடைத்த தகவல் படி 4800 பேர் உயிரிழந்துள்ளனர். விரைவில் பலி எண்ணிக்கை 5 ஆயிரத்தை தொடும் என மீட்பு படையினர் தகவல் தெரிவித்துள்ளனர்.

9:34 AM IST

துருக்கியில் இன்று மீண்டும் நிலநடுக்கம்

அங்காரா: துருக்கியில் இன்று (பிப்-7) மீண்டும் நிலநடுக்கம் ஏற்பட்டது. மத்திய துருக்கி பகுதியில் நிலநடுக்கம் ரிக்டர் அளவில் 5. 6 ஆக பதிவாகி உள்ளது. ஏற்கனவே நேற்று 3 முறை துருக்கியை நிலநடுக்கம் குலுக்கியதில் பல மாடி கட்டடங்கள் சரிந்தன. 4 ஆயிரத்திற்கும் மேலாக உயிர்ப்பலி அதிகரித்து வருகிறது. இதற்கிடையில் துருக்கிக்கு இந்தியா உள்ளிட்ட பல்வேறு நாடுகள் நிவாரண உதவி வழங்கி வருகிறது.

8:28 PM IST

பலி 2,300 ஐ தாண்டியது

துருக்கி மற்றும் சிரியாவில் ஏற்பட்ட நிலநடுக்கத்தில் சிக்கி உயிரிழந்தவர்களின் எண்ணிக்கை 2,300 ஆக உயர்ந்தது. இதில் துருக்கியில் 1,500 பேரும் சிரியாவில் 800 பேரும் அடங்குவர்.

7:04 PM IST

3வது முறையாக மீண்டும் நிலநடுக்கம்

துருக்கியில் 3வது முறையாக மீண்டும் நிலநடுக்கம் ஏற்பட்டுள்ளது. ரிக்டர் அளவுகோலில் 6.0 ஆக பதிவாகி உள்ளது.

5:16 PM IST

இந்தியா உதவ தயார்

இந்திய பிரதமர் மோடி கூறியதாவது: துருக்கியைத் தாக்கிய அழிவுகரமான நிலநடுக்கத்தை நாம் அனைவரும் பார்த்துக் கொண்டிருக்கிறோம். பலரின் இறப்புகள் மற்றும் சேதங்கள் பற்றிய செய்திகள் வந்தவாறு உள்ளன. துருக்கிக்கு அருகிலுள்ள நாடுகளில் கூட சேதங்கள் ஏற்பட்டிருப்பதாக சந்தேகிக்கப்படுகின்றன. நிலநடுக்கத்தால் பாதிக்கப்பட்ட மக்களுக்கு அனைத்து உதவிகளையும் செய்ய இந்தியா தயாராக உள்ளது. இவ்வாறு அவர் கூறினார்.

5:15 PM IST

விரைவில் கடந்து செல்வோம்

நிலநடுக்கம் குறித்து துருக்கி அதிபர் எர்டோகன் கூறுகையில், ‛நிலநடுக்கத்தால் பாதிக்கப்பட்ட பகுதிகளுக்கு மீட்பு குழுக்கள் உடனடியாக அனுப்பப்பட்டன. இந்த பேரழிவை நாங்கள் கூடிய விரைவில் கடந்து செல்வோம் நம்புகிறோம்' என்று தெரிவித்துள்ளார்.

4:54 PM IST

மீண்டும் நிலநடுக்கம்

துருக்கி - சிரியா எல்லையில் நிலநடுக்கம் ஏற்பட்டு மிகப்பெரிய பாதிப்பையை ஏற்படுத்திய நிலையில், தெற்கு துருக்கியில் மீண்டும் சக்திவாய்ந்த நிலநடுக்கம் ஏற்பட்டுள்ளது. இது ரிக்டர் அளவுகோலில் 7.6 ஆக பதிவானது. நிலநடுக்கம் காரணமாக இதுவரை துருக்கியில் 912 பேரும், சிரியாவில் 700 பேரும் உயிரிழந்துள்ளனர்.

4:35 PM IST

பலி 1500ஐ தாண்டியது

துருக்கி மற்றும் சிரியாவில் ஏற்பட்ட நிலநடுக்கத்தால் உயிரிழந்தவர்களின் எண்ணிக்கை 1,500ஐ தாண்டியது. மேலும் பலர் இடிபாடுகளில் சிக்கி இருப்பதால், பலி எண்ணிக்கை கூடுதலாகும் என அஞ்சப்படுகிறது.

2:27 PM IST

பலி 600ஆக உயர்வு

துருக்கி மற்றும் சிரியாவில் ஏற்பட்ட சக்திவாய்ந்த நிலநடுக்கத்தில் உயிரிழந்தோரின் எண்ணிக்கை 600 ஆக உயர்ந்துள்ளது.

12:53 PM IST

பலி 500யை தாண்டியது

துருக்கி, சிரியாவில் பலி எண்ணிக்கை இதுவரை கிடைத்த தகவல்படி,பலி எண்ணிக்கை 500யை தாண்டியுள்ளது. இது இரு நாடுகளுக்கும் பெரும் சேதத்தை ஏற்படுத்தியுள்ளது.

12:16 PM IST

பிரதமர் மோடி இரங்கல்:

துருக்கி, சிரியாவில் நிலநடுக்கத்தால் உயிரிழப்பு ஏற்பட்டு, உடைமைகள் சேதமடைந்துள்ளது வேதனை தருகிறது என பிரதமர் மோடி இரங்கல் தெரிவித்துள்ளார்.

12:05 PM IST

பலி 300யை தாண்டியது

துருக்கி, சிரியாவில் ஏற்பட்ட நிலநடுக்கத்தில் பலி எண்ணிக்கை உச்சக் கட்டத்தை தொட்டு வருகிறது. இதுவரை சிரியாவில் 230 பேர் உயிரிழந்துள்ளனர். துருக்கியில் 100 பேர் உயிரிழந்துள்ளனர். மொத்த பலி எண்ணிக்கை 300யை தாண்டியது.

11:38 AM IST

பலி 180 ஆக உயர்வு

இதுவரை கிடைத்த தகவல் படி, 180 பேர் உயிரிழந்துள்ளனர்.

10:32 AM IST

சிரியாவிலும் நிலநடுக்கம்:

துருக்கியைத் தொடர்ந்து, சிரியாவிலும் நிலநடுக்கம் ஏற்பட்டுள்ளது. பல்வேறு கட்டடங்கள் இடிந்து தரைமட்டமாகியுள்ளன. அதேபோல் இத்தாலியிலும் நில அதிர்வுகள் உணரப்பட்டுள்ளன.

10:20 AM IST

பலி 100ஆக உயர்வு

நிலநடுக்கத்தால் சேதமடைந்த பகுதிகளில் மீட்பு பணி தீவிரமாக நடந்து வருகிறது. இதுவரை 100 பேர் உயிரிழந்தனர். மேலும் பலி எண்ணிக்கை அதிகரிக்க வாய்ப்புள்ளது.

10:16 AM IST

சுனாமி எச்சரிக்கை

துருக்கி நிலநடுக்கத்தை அடுத்து இத்தாலி அரசு சார்பாக சுனாமி எச்சரிக்கை விடுக்கப்பட்டுள்ளது.

9:19 AM IST

பலி 15ஆக உயர்வு

கட்டடங்கள் இடிந்து சேதமாகியுள்ள பகுதியில் மீட்பு பணி நடந்து வருகிறது. அதன் படி, இதுவரை 15 பேர் உயிரிழந்துள்ளனர்.

8:47 AM IST

கட்டடங்கள் பயங்கர சேதம்

துருக்கியில் உள்ள பல்வேறு கட்டடங்கள் இடிந்து சேதமாகியுள்ளது. அதேபோல் மக்கள் குடியிருப்பு பகுதியிலும் கட்டடங்கள் அதிகமாக சேதம் அடைந்துள்ளது.

8:45 AM IST

5 பேர் பலி

சக்திவாய்ந்த நிலநடுக்கம் என்பதால் சேதம் அதிகமாகும் என அஞ்சப்படுகிறது. இதுவரை கிடைத்த தகவல் படி, 5 பேர் உயிரிழந்துள்ளனர்.