ஸ்ரீநகர்: ஜம்மு காஷ்மீரில் கடும் பாதுகாப்புக்கு இடையே, 74வது குடியரசு தினம் கோலாகலமாக கொண்டாடப்பட்டது.



இந்தியாவின் 74வது குடியரசு தினம் நாடு முழுவதும் இன்று உற்சாகமாக கொண்டாடப்பட்டு வருகிறது. ஜம்முவின் நார்வலில் சமீபத்தில் இரட்டை குண்டு வெடிப்பு நடந்தது. இதையடுத்து பயங்கரவாதிகளின் நடமாட்டத்தைக் கண்காணிக்க ஜம்மு - காஷ்மீர் முழுதும் பாதுகாப்பு பலப்படுத்தப்பட்டுள்ளது.

இதற்காக போலீசார் மற்றும் பாதுகாப்புப் படையினர் தீவிர ரோந்து பணியில் ஈடுபட்டுள்ளனர். பல்வேறு இடங்களில் வாகன சோதனைகளை மேற்கொண்டு வருகின்றனர். இந்நிலையில் குடியரசு தினத்தை யொட்டி, ஜம்மு காஷமீரில் மேலும், பாதுகாப்பு பலப்படுத்தப்பட்டது. 74வது குடியரசு தினம் ஜம்மு காஷ்மீரில் கடும் பாதுக்காப்புக்கு இடையே கோலாகலமாக கொண்டாடப்பட்டது.