ஸ்ரீபெரும்புதுார்:

ஸ்ரீபெரும்புதுார் வட்டார போக்குவரத்து அலுவலக எல்லையில், சாலை விதிமுறை மீறிய வாகனங்களிடம் இருந்து, கடந்த ஆறு மாதங்களில், ஒரு கோடியே 3 லட்சத்து 17 ஆயிரத்து 500 ரூபாய் அபராதம் விதிக்கப்பட்டுள்ளது.

சென்னை - பெங்களூர் தேசிய நெடுஞ்சாலையில், ஸ்ரீபெரும்புதுார் வழியே, தினமும் லட்சக்கணக்கான வாகனங்கள் செல்கின்றன.

ஸ்ரீபெரும்புதுார் சுற்றுப்புறத்தில், பல வாகனங்கள் அதிக சுமை ஏற்றி செல்வது, மொபைல் போன் பேசிக்கொண்டு வாகனம் ஓட்டுவது போன்ற விதிமீறல்களால் அடிக்கடி விபத்து நிகழ்கின்றன.

விபத்தை தடுக்கும் வகையில், ஸ்ரீபெரும்புதுார் வட்டார போக்குவரத்து அலுவலகம் சார்பில், வாகன சோதனையில் ஈடுபட்டு, போக்குவரத்து விதிமுறையை மீறிச் செல்லும் வாகன ஓட்டிகளுக்கு அபராதம் விதித்துள்ளனர்.