வேலுார்: வேலுார் புதிய பஸ் ஸ்டாண்டில் 85 கடைகள் கட்டப்பட்டுள்ளது. இதில் வணிக நோக்கத்திற்காக 74 கடைகள் ஏலம் விட்டு வாடகை கட்டணம் நிர்ணயிக்க அதிகாரிகள் முடிவு செய்தனர். ஏற்கனவே நான்கு முறை ஏலம் தள்ளி வைக்கப்பட்டது. இந்நிலையில் இன்று ( 25) ம் தேதி காலை 10:00 மணிக்கு ஏலம் நடக்கும் என அறிவிக்கப்பட்டது.

ஆனால் ஏலம் ஐந்தாவது முறையாக தள்ளி வைக்கப்பட்டுள்ளது. இது குறித்து மாநகராட்சி அதிகாரிகளை கேட்டதற்கு, நிர்வாக காரணங்களுக்காக கடைகள் ஏலம் ரத்தாகி உள்ளது. வரும் 27 ம் தேதி ஏலம் நடைபெறும் என்று கூறினர்.