'ஏஐ' எனும் செயற்கை நுண்ணறிவு மூலம் வரையப்படும் படங்கள் தற்போது இணையத்தில் ட்ரெண்டிங்கில் உள்ளது. குறிப்பாக இன்ஸ்டாகிராமில் ஜெயேஷ் சச்தேவ் என்பவர் ஏஐ மூலம் வடிவமைக்கும் படங்கள் பார்வையாளர்கள் மத்தியில் பெரும் வரவேற்பை பெற்றுள்ளது.


இவர் நாய்கள், குரங்குகள், பூனைகள், பச்சோந்திகள் போன்ற பல வகையான உயிரினங்கள் இந்திய கலாசாரத்தை பின்பற்றினால் எப்படி இருக்கும் என ஏஐ-யை வைத்துக் கொண்டு கற்பனையில் விளையாடியுள்ளார். அதில் ஒன்று தான் மேலே உள்ள பூனையார் குடும்பம்.

இந்தப் புகைப்படங்களை தனது இன்ஸ்டாகிராம் பக்கத்திலும் அவரது ப்ரொபஷனல் பக்கமான, 'குயிர்க் பாக்ஸ்' (Quirk box) என்ற இன்ஸ்டாகிராம் பக்கத்திலும் ஜெயஷ் வெளியிட்டு வருகிறார். ஏஐயை பயன்படுத்தி கற்பனையாக விண்வெளி வீராங்கனைகளை மணக்கோலத்தில் வடிவமைத்து இதில் குறிப்பிடும்படியானது ஆகும்.


அதில் அவர் விவரித்த வெள்ளை நிற பூக்கள், விண்வெளி வீரர்கள் பயன்படுத்தும் ஹெல்மெட், இந்தியாவின் பாரம்பரிய நகைகள், போன்றவை அவரது படைப்பாற்றலை அடுத்த கட்டத்திற்கு கொண்டு செல்கிறது. மேலும் மிக்கி மவுஸிற்கு இந்தியாவில் திருமணம் நடந்தால் எவ்வாறு இருக்கும் என்பதை தத்ரூபமாக வடிவமைத்துள்ளார். இதைக்கண்ட பல வெளிநாட்டு கலைஞர்கள் ஆச்சரியத்திற்குள்ளாகினர். இதுபோன்ற வடிவமைப்புகள் மிகச்சிறப்பாக உள்ளதாக பாராட்டி வருகின்றனர். புதிய அனுபவமாக அமையும் இப்புகைப்படங்கள் இன்ஸ்டாவில் லைக்ஸ் குவிக்கின்றன.