கீழக்கரை:ராமநாதபுரம் மாவட்டம் வாலிநோக்கம் மன்னார் வளைகுடாவில் வலையில் சிக்கிய இரண்டு டால்பின்களை மீனவர்கள் மீட்டு பாதுகாப்பாக கடலுக்குள் விட்டனர்.

இக்கடலில் மீனவர்கள் கரைவலை தொழிலில் ஈடுபடுகின்றனர்.

நேற்று முன்தினம் வலை இழுத்த போது 4 மற்றும் 6 வயது அரிய வகை டால்பின்கள் சிக்கி உயிருக்கு போராடின. டால்பின்களை மீட்டு மீனவர்கள் கடலுக்குள் சென்று விட்டனர்.

கீழக்கரை வனச்சரகர் செந்தில்குமார் கூறியதாவது:

மன்னார் வளைகுடா கடல் பகுதி டால்பின்களின் வசிப்பிடமாக உள்ளது. அழிந்து வரும் அரிய வகை இனமான டால்பின்களை பாதுகாப்பது மீனவர்களின் கடமை. இது போன்ற நிகழ்விற்காக சம்பந்தப்பட்ட மீனவர்களுக்கு அரசு சார்பில் பாராட்டு சான்றிதழ் வழங்கப்படும்.

இவ்வாறு அவர் கூறினார்.