புதுடில்லி:நகர்ப்புறங்களில், 15 வயது மற்றும் அதற்கு மேற்பட்டவர்களுக்கான வேலையின்மை விகிதம், கடந்த ஜூலை- செப்டம்பர் காலாண்டில் 7.2 சதவீதமாக குறைந்துள்ளதாக, தேசிய புள்ளியியல் அலுவலகம் தெரிவித்து உள்ளது.

நாட்டின் வேலையின்மை விகிதம், கடந்த ஆண்டு செப்டம்பர் காலாண்டில், மிக அதிகமாக இருந்தது.

கொரோனா பரவல் காரணமாக விதிக்கப்பட்ட கட்டுப்பாடுகள் காரணமாக, வேலையின்மை விகிதம் இக் காலகட்டத்தில் அதிகரித்திருந்தது.

தற்போது கொரோனா பாதிப்புகளிலிருந்து பொருளாதாரம் மீண்டு, வளர்ச்சிப் பாதையில் செல்வதை அடுத்து, நடப்பு நிதியாண்டின் செப்டம்பர் காலாண்டில்,வேலையின்மை விகிதம் சரிவை கண்டுள்ளது.

செப்டம்பருக்கு முந்தைய ஜூன் காலாண்டில், நகர்புறத்தில் 15 வயதுக்கு மேற்பட்டவர்களுக்கான வேலையின்மை விகிதம் 7.6 சதவீதமாக இருந்தது. இந்நிலையில், செப்டம்பர் காலாண்டில் இது 7.2 சதவீதமாக குறைந்துள்ளது.

இது பொருளாதாரம் மீட்சியை இருப்பதாக, நிபுணர்கள் தெரிவிக்கின்றனர்.