அழகிரியை அசைக்க முடியாது

புதுடில்லி: காங்கிரசின் தேசிய தலைவரைத் தேர்ந்தெடுக்க நாளை தேர்தல் நடைபெற உள்ளது. காங்., மூத்த தலைவர் மல்லிகார்ஜுன கார்கேயும், லோக்சபா எம்.பி., சசி தரூரும் போட்டியிடுகின்றனர். காங்., இடைக்கால தலைவர் சோனியா, ராகுல் ஆசி பெற்ற கார்கே தான் தலைவர் என்பது அனைவருக்குமே தெரியும்.
சோனியா குடும்பத்தினர் சொல்வதைத்தான் கேட்பேன் என கார்கேயும் ஒரு பேட்டியில் சொல்லியுள்ளார்.




இந்நிலையில் ஒற்றுமை யாத்திரை மேற்கொண்டுள்ள ராகுல், தமிழக காங்., தலைவர் கே.எஸ்.அழகிரி குறித்து கார்கேயுடன் ஆலோசனை நடத்தியுள்ளார்.
இங்குள்ள தலைவர்கள் பலர் அழகிரியை மாற்ற வேண்டும் என விரும்பினாலும், ராகுலுக்கு இதில் விருப்பம் இல்லையாம்.




அழகிரி, தமிழக காங்கிரசை நல்ல முறையில் வழி நடத்துவதோடு, கூட்டணி கட்சிகளையும் அனுசரித்து போகிறார். எனவே, அழகிரியே தமிழக தலைவராக நீடிக்க வேண்டும் என ராகுல், கார்கேக்கு உத்தரவிட்டுள்ளாராம்.


அழகிரியை மாற்ற வேண்டும் என்பதற்காக புதுடில்லியில் முகாமிட்டு, சீனியர் தலைவர்களைச் சந்தித்து வரும் முன்னாள் மாநில தலைவர் தங்கபாலு மற்றும் லோக்சபா எம்.பி., கார்த்திக்கு இது பெரிய பின்னடைவு தான்.