Load Image
dinamalar telegram
Advertisement

அச்சம் தவிர்... ஆங்கிலம் பேசு!

Tamil News
ADVERTISEMENT
மொழியை விட சிறந்த கண்டுபிடிப்பு உலகில் வேறு இல்லை என்பார்கள் வரலாற்று ஆய்வாளர்கள். பேச்சே ஓர் ஆயுதம். இன்றும் தமிழ்வழி கல்வியில் படித்து, முழுமையாக புரிந்தாலும், ஆங்கிலத்திலேயே தொடர்ச்சியாக பேச முடியாமல் பலர் சிரமப்படுகின்றனர்.


ஆனால் அரசு பள்ளி மாணவர்களின் அச்சம் தவிர்த்து, கூச்சம் போக்கி, ஆங்கிலத்தில் சரளமாக பேச வைக்கிறார் ஆசிரியை குமரேஸ்வரி.அய்யன்காளிபாளையம், வி.கே.அரசு மேல்நிலைப்பள்ளி பட்டதாரி ஆசிரியையான இவர், தமது அனுபவத்தை நம்மிடைய பகிர்ந்த போது:

தமிழ்வழி கல்வியில் படித்த பலரும் கல்லுாரில் ஆங்கிலத்திலேயே படிப்பது கடும் சிரமத்தை கொடுத்தது. தட்டுத்தடுமாறி தேர்வுகளை முடிக்கின்றனர். நிறைய ஆங்கில சொற்களை கற்றுக்கொண்டாலும், பேசுவதில் தடை, தயக்கம், பயம் இருப்பது உண்மை.ஓய்வு நேரங்களில் ஆங்கில மொழி குறித்த ஆய்வில் இறங்கினேன்.


பள்ளிகளில் ஆங்கில பாட வகுப்புகளில் அவற்றை அப்படியே தமிழுக்கு மொழிபெயர்த்து சொல்லி கொடுக்கின்றனர்.பாடங்களை மனனம் செய்ய வைக்கின்றனர். இதனால் ஆங்கில அறிவோ, பேசும் திறனோ அதிகம் வளர்வதில்லை என்பது புரிந்தது. மாணவர்களை அச்சடிக்கப்பட்ட வார்த்தைகளை வாசிக்க வைப்பதில் ஆர்வம் காட்டாமல், ஆங்கில உரையாடலை வளர்க்க முடிவெடுத்தேன்.

சொந்த செலவில் ஆங்கில நாளிதழ்களை வாங்கி தந்து மாணவர்களை படிக்க வைக்கிறேன். என் ஆர்வத்தால் பள்ளியின் ஆசிரியர் பிரதிநிதியாக தேர்வானேன். என்.சி.ஆர்.டி., தீக் ஷா, என்ற இரு செயலியில், நான் தயாரித்த பாட பகுதிகள் மாணவர்களுக்கும், ஆசிரியர்களுக்கும் உதவியாக உள்ளது.

கடந்த, 2016-17ம் கல்வியாண்டில், மாவட்ட அளவில், 'எலைட்' வகுப்பில் பங்கேற்ற மாணவர்களுக்கு பயிற்சி அளித்து அதிக மதிப்பெண் பெற வைத்தது மறக்க முடியாது. தமிழக அரசின் புத்தாக்க பயிற்சியல் முதன்மை கருத்தாளராக பங்கேற்று, மாவட்ட அளவில் அனைத்து ஆசிரியர்களுக்கும் பயிற்சி அளித்துள்ளேன்.கூகுள் நிறுவனத்துடன் தமிழக பள்ளிகல்வித்துறை புரிந்துணர்வு ஒப்பந்தம் செய்துள்ளது.


அதன்படி, Google read Along என்ற செயலியை பயன்படுத்தி, மாணவர்கள் எளிதாக ஆங்கிலத்தை கற்க, பேச முடியும். இக்குழுவில் நானும் ஓர் உறுப்பினர். அரசு பள்ளி மாணவர்கள் தனியார் பள்ளி மாணவர்களுக்கு சளைத்தவர்கள் இல்லை என்பதே என் லட்சியம்.என்ற குமரேஸ்வரி, சமீபத்தில் தான் டாக்டர். ராதாகிருஷ்ணன் விருது பெற்றது குறிப்பிடத்தக்கது.

வித்யார்த்தி விக்யான் மந்தன் அறிவியல் திறன் போட்டிகளுக்கான புத்தகங்களை ஆங்கிலத்தில் மட்டுமே இருந்த நிலையில் அதனை மொழிப்பெயர்த்துள்ளேன். சீர்மிகு ஆசிரியர், மாண்புமிகு மகளிர் விருது, மொழி பெயர்ப்பாளர் விருது, போன்ற விருதுகள் பெற்றுள்ளேன்.


வாசகர் கருத்து (7)

  • Siva - Aruvankadu,இந்தியா

    வாழ்க வளமுடன். உங்கள் சேவை தொடர வாழ்த்துக்கள்.

  • Duruvesan - Dharmapuri,இந்தியா

    நமக்கு தமிழ் ராலேது, english🥱

  • அப்புசாமி -

    அன்னைத் தமிழ் வாழ்க்கைக்கு. ஆங்கிலம் வாழ்வாதாரத்திற்கு. இந்தி வடக்கே குப்பை கொட்ட.. இந்தி திணிப்பு வேண்டாம் போ..

  • Yogeshananda - Erode,இந்தியா

    முதலில் தமிழை தமிலாக பேசாமல் தமிழை தமிழாக பேசட்டும்.... அதற்கு யாராவது முயற்சி செய்யுங்கள்

  • Girija - Chennai,இந்தியா

    ஆமா அலைபேசி கை பேசி தரை பேசி மின் தூக்கி என்று சம்பந்தம் இல்லாமல் தமில்லாக்கம் செய்து தமிழை தினியுங்கள் குழந்தைகளுக்கு ஆங்கிலம் ரொம்ப நன்றாக பேச வரும். ஏற்கனவே இவர்களுக்கு ல ழ பிரச்சனை அதேபோல் ஆங்கிலத்தில் P F போன்ற எழுத்துக்களுக்கு சோ அவர்கள் சொன்ன மாற்று தமிழை திராவிட அரசு ஏற்கவில்லை ஆனால் தெலுங்கன் சொன்ன தமிழை ஏற்றுக்கொண்டது.

உங்கள் கருத்தைப் பதிவு செய்ய
Login via Dinamalar:
New to Dinamalar ?
(Press Ctrl+g   to toggle between English and Tamil)
புதிய செய்திகளுக்கு தினமலர் சேனலை Subscribe செய்யுங்கள்
Advertisement
 
Advertisement
Headphone

வாசிக்க நேரம் இல்லையா?
செய்தியைக் கேளுங்கள்