Load Image
dinamalar telegram
Advertisement

ஒரே நபர், நாலு பதவி, நாலு முகவரி... சமூக ஊடகங்களில் கிழியும் திமுக வின் சமூகநீதி முகத்திரை

திருப்பூர்:திருப்பூர் வடக்கு மாவட்ட திமுக பொறுப்பாளரான இல.பத்மநாபன் தெற்கு மாவட்ட செயலாளராக தேர்ந்தெடுக்கப்படுவதாக வெளியான தகவலையடுத்து திமுக வட்டாரத்தில் எதிர்ப்பு அலை வீச துவங்கியுள்ளது.
Latest Tamil News

திருப்பூர் தெற்கு மாவட்ட செயலாளராக இருந்தவர் மு.பெ.சாமிநாதன். இவர் மாநில இளைஞரணி செயலாளராக நியமிக்கப்பட்டார். அவரது பரிந்துரையின் அடிப்படையில் தெற்கு மாவட்ட பொறுப்பாளர் பதவிக்கு இல.பத்மநாபன் நியமிக்கப்பட்டார். இந்நிலையில் திமுகவின் சமூகநீதி வாரிசு அரசியலில் உதயநிதி களமிறங்கவே மு.பெ.சாமிநாதனின் பதவி பறிக்கப்பட்டது. இதையடுத்து திருப்பூர் மாவட்டம் 4 ஆக பிரிக்கப்பட்டு தாராபுரம், காங்கேயம் சட்டமன்ற தொகுதிகளை உள்ளடக்கிய கிழக்கு மாவட்ட பொறுப்பாளராக மு.பெ.சாமிநானும், அவிநாசி, பல்லடம் சட்டமன்ற தொகுதிகளை உள்ளடக்கிய வடக்கு மாவட்ட பொறுப்பாளராக இல.பத்மநாபனும் அறிவிக்கப்பட்டனர்.பத்மநாபனுக்கு திருப்பூர் கிழக்கு மாவட்டத்திற்குட்பட்ட மூலனூர் சொந்த ஊராகும்.
ஆனால் தற்போதைய அமைச்சர் மு.பெ.சாமிநாதனுக்கு தலைமையில் இருந்த நெருக்கத்தால் அவர் வடக்கு மாவட்ட பொறுப்பாளராக நியமிக்கப்பட்டார். இதையடுத்து தனது முகவரியை பல்லடம் பகுதிக்கு மாற்றினார். கடந்த சட்டமன்ற தேர்தலில் பல்லடம் சட்டமன்ற தொகுதியில் போட்டியிட பத்மநாபன் முயற்சி மேற்கொண்டிருந்தார். ஆனால் கூட்டணி கட்சியான மதிமுகவிற்கு தொகுதி ஒதுக்கப்பட்டது. பின்னர் திருப்பூர் மாநகராட்சி மேயர் பதவியை குறிவைத்து 41 வது வார்டு கவுன்சிலருக்கு போட்டியிட்டார். இதற்காக அவர் திருப்பூருக்கு குடி பெயர்ந்தார்.
மேயர் பதவி மாநகர செயலாளர் தினேஷ்குமாருக்கு ஒதுக்கப்பட்டதால் இவரின் மேயர் கனவும் கலைந்தது. இருந்தும் அமைச்சரின் செல்வாக்கால் மண்டல தலைவர், டி.டி.சி.பி கமிட்டி உறுப்பினர் ஆகிய பொறுப்புகளை வசப்படுத்தினார். வடக்கு மாவட்ட பொறுப்பாளராக இருந்தாலும் கிழக்கு மாவட்டத்திலும் அமைச்சர் சாமிநாதனுக்கு உதவியாக கட்சி பணிகளை செய்து வந்தார்.
மண் திருட்டு, பார் வசூல் போன்ற பிரச்சனைகளில் இவரது பெயர் தொடர்ந்து அடிபட்டே வந்தது. தற்போது திமுக வில் உடுமலை, மடத்துகுளம், காங்கேயம், தாராபுரம் தொகுதிகளை இணைத்து திருப்பூர் தெற்கு மாவட்டமாக அறிவிக்கப்பட்டுள்ளது. அதேபோல திமுக தலைமை கழகத்தில் துணை பொது செயலாளர் பதவிகளுக்கு கூடுதலாக நிர்வாகிகளை நியமிக்க முடிவு செய்யப்பட்டுள்ளதாக தெரிகிறது.
மாவட்டத்தில் அமைச்சர் மு.பெ.சாமிநாதன் மீதான அதிருப்தி அதிகரித்துள்ளது. சட்டமன்ற தேர்தலில் அவருக்காக பம்பரம் போல சுழன்று வேலை செய்தவர்கள் கூட தற்போது அவருக்கு எதிரான மனநிலையில் உள்ளனர். இதனால் மாவட்ட செயலாளர் தேர்தலில் போட்டியிடாமல் மாநில துணை செயலாளர் பொறுப்பிற்கு தாவ முடிவு செய்துள்ளார்.
அமைச்சரின் ஆதரவோடு மாவட்ட செயலாளர் பதவிக்கு இல.பத்மநாபன் களமிறக்கப்பட்டு உள்ளார். இதையொட்டி பத்மநாபன் தனது இருப்பிடத்தை காங்கேயத்திற்கு மாற்ற முடிவு செய்துள்ளதாக தெரிகிறது. இந்நிலையில் பத்மநாபனுக்கு எதிராக அமைச்சரின் எதிரணி திமுக வினர் சமூக ஊடகங்களில் காரசாரமாக விமர்சனங்களை பதிவிட்டு வருகின்றனர். எல்லா பதவிகளையும் ஒருவருக்கே கொடுப்பது குறித்து கிண்டலான மீம்களை வாட்ஸ் ஆப், பேஸ்புக் உள்ளிட்ட சமூக ஊடகங்களில் பதிவிடுகின்றனர். அமைச்சர் ஆதரவு தரப்பிலோ பத்மநாபன் மாவட்ட செயலாளராக தேர்தெடுக்கப்பட்டதாக கூறி வாழ்த்து தெரிவித்து வருகின்றனர்.
Latest Tamil News
திருப்பூர் தெற்கு மாவட்டத்திற்கான தேர்தல் இன்று நடக்க இருப்பதாக திமுக தலைமை அறிவித்துள்ள நிலையில் தேர்தெடுக்கப்பட்டதாக வாழ்த்து செய்தி பதிவுகள் எதிரணியினரை உட்சபட்ச கொதிப்பில் ஆழ்த்தியுள்ளது. இந்நிலையில் திமுக நிழல் தலைவராக செயல்படும் ஒருவருக்கு 10 ஸ்வீட் பாக்ஸ்கள் பத்மநாபன் தரப்பில் தரப்படுள்ளதாகவும் கட்சியினர் மத்தியில் பேச்சு அடிபடுகிறது. இதற்கு முன் காங்கேயம் ஒன்றிய நகர தேர்தலில் 50 குட்டி ஸ்வீட் பாக்ஸ்கள் கொடுத்து பதவி வாங்கப்பட்டதாக பேச்சு அடிபட்டதும் குறிப்பிட தக்கது. சமூக நீதி கட்சியின்னா சும்மாவா.. என மாற்று கட்சியினர் விமர்சித்து வருகின்றனர்.
புதிய செய்திகளுக்கு தினமலர் சேனலை Subscribe செய்யுங்கள்
YouTube & Telegram

Dinamalar iPaper

Advertisement
 

Comment Here வாசகர் கருத்து (17)

  • D.Ambujavalli - Bengaluru,இந்தியா

    சமூக நீதியாவது, எல்லாம் வாய் ஜாலம் தான் பேசுவது ஸ்வீட் பாக்ஸ் ஆனால் நாலு என்ன, நாற்பது பதவிகூட வாங்கலாம்

  • Ramaswami V - Petaling Jaya,மலேஷியா

    இரண்டேஇரண்டு பதங்கள் இங்கு எதற்கும் எந்த எதிர் கேள்வியும் கேட்க முடியாமல் பதில் சொல்லலாம் திராவிட மாடல், சமூக நீதி.....

  • Bhaskaran - Chennai,இந்தியா

    இப்படி ஸ்வீட் பாக்ஸ் கொடுத்து பதவி வாங்கினால் தானே நாளைக்கு எம்பி பதவி வாங்கலாம் .சாமானியன் அமைச்சராக வந்தது அதிமுகவில் மட்டுமே .இவனுக சமூக நீதி எல்லாம் வெளிவேஷம் .ஆனால் இதெல்லாம் தெரிந்தும் கேவலமான ஊடகங்கள் இவனுக கொடுக்கும் எச்ச காசுக்கு ஆசைப்பட்டு இவனுகளை தூக்கிப்பிடிச்சுக்கிட்டு இருக்கானுவ .விடுதலைக்கு பாடுபட்டதாக சொல்லிக்கொள்ளும் பெரும் ஆங்கில ஊடகங்களும் இந்த இழிநிலைக்கு சென்றதுதான் வருத்தம் .சிவாஜி அந்தமான் காதலி படத்தில் சொல்லும் வசனம்தான் நினைவுக்கு வருது பணம் இந்த உலகத்தை குத்தகைக்கு எடுத்திருக்கும் மொத்த வியாபார சந்தை அதில் விலை போகாதது எதுவுமே இல்லை .இந்த சூழ்நிலையிலும் ஒண்டிப்புலியாக விலை போகாமல் நடுநிலையாக செய்திகளை தரும் தினமலருக்கு வாழ்த்துக்கள் தொடரட்டும் உங்கள் பனி

  • Siva - Aruvankadu,இந்தியா

    கலியுகத்தில் உதாரணம். பெருந்தலைவர் காமராஜர் அவர்களின் ஆட்சிக்கு பிறகு எந்த அரசியல் வாதியாவது வாழ்வாங்கு வாழ்ந்தார் என்று ஒரே ஒரு ஆளை சொல்லுங்கள் பார்க்கலாம்.

  • S.kausalya - Chennai,இந்தியா

    இன்னும். 3 வருடங்கள் 8 மாதத்திற்கு இவர்களை எதுவும் செய்ய முடியாது. எதிரில் சரியாக யாரும் இல்லாவிட்டால் அதாவது இவர்கள் ஓட்டுக்கு 500 ரூபாய் கொடுத்தால் எதிராள் ₹ 1000 கொடுக்கும் நிலையில் இருந்தால் ஆட்சி மாற்றம் ஏற்படலாம். இல்லையெனில் மீண்டும் இவர்கள் தான். அப்புறம் எதற்காக இந்த விமர்சனம் பற்றிய கவலை தலைமக்கும் தேவை இல்லை. தொண்டனுக்கும் தேவை இல்லை.

Advertisement