விவசாயிகளுக்கு 1.5% வட்டி மானியம் வழங்க மத்திய அரசு முடிவு

புதுடில்லி: விவசாயிகளுக்கு 1.5% வட்டி மானியம் அளிக்க மத்திய அமைச்சரவை கூட்டத்தில் முடிவு எடுக்கப்பட்டுள்ளது.

இது குறித்து மத்திய அமைச்சர் அனுராக்தாக்கூர் கூறியதாவது: 3லட்சம் வரையிலான குறுகிய கால விவசாயக் கடன்களுக்கு 1.5% வட்டி மானியம் வழங்கப்படும். ரிசர்வ் வங்கி வட்டி விதங்களை அதிகரித்துள்ளது. எனவே இந்த ஆண்டு வட்டிக்கு மானியம் வழங்கப்படும்.

விவசாயத்துறையில் அதிகளவு கடன் தரும் நோக்கில் முடிவு எடுக்கப்பட்டுள்ளது. மீனவர்கள், கால்நடை விவசாயிகளுக்கும் இந்த மானியம் கிடைக்கும். விவசாயிகளுக்கு வட்டி மானியத்துக்கு ரூ.34,856 கோடி ஒதுக்கீடு செய்யப்பட்டுள்ளது. அனைத்து வகையான மானியங்களும் விவசாயிகளுக்கு தொடர்ந்து வழங்கப்படும். இவ்வாறு அவர் கூறினார்.