செஸ் ஒலிம்பியாட் நிறைவு விழா: டிரம்ஸ் வாசித்த ஸ்டாலின்

சென்னை :சர்வதேச 'செஸ் ஒலிம்பியாட்' போட்டி நிறைவு விழா, இன்று துவங்கியது.
சர்வதேச செஸ் ஒலிம்பியாட் போட்டிகள், துவக்க விழா, ஜூலை 28ல், மாமல்லபுரத்தில் நடந்தது. சென்னை நேரு உள்விளையாட்டு அரங்கில் கோலாகலமாக நடந்தது. இதில், பிரதமர் மோடி, முதல்வர் ஸ்டாலின் உள்ளிட்டோர் பங்கேற்றனர். பிரமாண்ட கலை நிகழ்ச்சிகளும் நடத்தப்பட்டன.


போட்டியின் நிறைவு விழா, இன்று மாலை நேரு உள்விளையாட்டு அரங்கில் மாலை 6:00 மணிக்கு வண்ணமயமான கலை நிகழ்ச்சிகளுடன் துவங்கியது. . இசை நிகழ்ச்சியில் டிரம்ஸ் சிவமணி, வீணை இசைக் கலைஞர் ராஜேஷ் வைத்தியா, கீ போர்டு ஸ்டீபன் தேவசி, புல்லாங்குழல் இசைக் கலைஞர் நவீன் ஆகியோர் இணைந்து பல பாடல்களை இசைத்தனர். அப்போது முதல்வர் ஸ்டாலின், டிரம்ஸ் சிவமணியுடன் இணைந்து டிரம்ஸ் வாசித்தார்.

விழாவில் கவர்னர் ரவி, அமைச்சர்கள் உயரதிகாரிகள் மட்டுமின்றி செஸ் பிரபலங்கள், சினிமா பிரபலங்கள் பலரும், நிறைவு விழாவில் பங்கேற்றனர்.. இதையொட்டி, நேரு உள்விளையாட்டு அரங்கிற்கு பலத்த போலீஸ் பாதுகாப்பு போடப்பட்டுள்ளது.