Load Image
dinamalar telegram
Advertisement

மனநலம் பாதித்த மகள் வாயில் விஷம் ஊற்றி கொலை; தம்பதிக்கு ஆயுள் தண்டனை

Tamil News
ADVERTISEMENT

ஸ்ரீவில்லிபுத்தூர் : மனநலம் பாதித்த ஒன்பது வயது மகளின் வாயில் விஷம் ஊற்றி கொலை செய்த ஸ்ரீவில்லிபுத்துார் இன்ஜினியரிங் பட்டதாரி தம்பதி முனீஸ்வரன், ரேவதிக்கு ஆயுள் தண்டனை விதித்து ஸ்ரீவில்லிபுத்துார் மகிளா விரைவு நீதிமன்றம் தீர்ப்பளித்தது.

விருதுநகர் மாவட்டம் ஸ்ரீவில்லிபுத்துார் வாழைக்குளம் தெருவை சேர்ந்தவர் முனீஸ்வரன், 45. இன்ஜினியரிங் பட்டதாரியான இவர் சென்னையில் தனியார் நிறுவனத்தில் பணியாற்றினார். இவரது மனைவி ரேவதி 38, இன்ஜினியரிங் பட்டதாரியான இவரும், தனியார் கல்லுாரி பேராசிரியராக பணியாற்றினார்.

Latest Tamil News இத்தம்பதியினருக்கு மனநலம் பாதித்த ஒன்பது வயது பெண் குழந்தை இருந்தது.2018 அக்.,1ல் மகளுடன் தம்பதியர் ஸ்ரீவில்லிபுத்துார் நாகபாளையத்தில் உள்ள காத்தப்பசாமி குலதெய்வ கோவிலுக்கு வந்தனர். சுவாமி கும்பிட்ட பின் இருவரும் நீண்ட நேரம் கோயில் பின்புறம் உட்கார்ந்து இருந்தனர்.இந்நிலையில் சிறுமியின் அழுகை சத்தம் கேட்டு கோயில் பொறுப்பாளர் காளிமுத்து அங்கு சென்று பார்த்தபோது, தங்கள் மடியில் சிறுமியை படுக்கவைத்து வாயில் ஒரு திரவத்தினை ஊற்றியுள்ளனர். காளிமுத்து அதனை தட்டி விட்டார். அது விஷம் என்பது தெரியவந்தது.


சிறுமி மதுரை அரசு மருத்துவமனையில் அனுமதிக்கப்பட்டு சிகிச்சை பலனின்றி இறந்தார். முனீஸ்வரன், ரேவதி மீது மல்லி போலீசார் கொலை வழக்கு பதிவு செய்தனர். ஸ்ரீவில்லிபுத்துார் மகிளா விரைவு நீதிமன்றத்தில் வழக்கு விசாரணை நடந்தது. இதில் இருவருக்கும் ஆயுள் தண்டனை, ரூ. 7 ஆயிரம் அபராதம் விதித்து நீதிபதி பகவதி அம்மாள் தீர்ப்பளித்தார்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
 

Comment Here வாசகர் கருத்து (3)

  • Thalaivar Rasigan - CHENNAI,இந்தியா

    நீதியை நிலைநாட்டி விட்டனர். 25 - 30 கொலைகளை செய்தவர்கள் மறுபடியும் மறுபடியும் ஜாமின் பெற்று குற்றங்கள் செய்கின்றனர்.

  • HONDA -

    தம்பதிகளை தூக்கில் போட்டிருக்க வேண்டும்

  • அப்புசாமி -

    அந்தக் குழந்தை உயிருடன் இருந்தால் அது ஒரு வகை ஆயுள் தண்டனை. குழந்தைக்கும் ஆயுள் தண்டனை. இப்போ குழந்தையைக் கொன்றதால் குழந்தைக்கு விடுதலை. பெற்றவர்களுக்கு இந்த ஆயுள் தண்டனை அவ்வளவு வலிக்காது. மஹிளா கோர்ட் நியாயத்தை மட்டும் பார்க்கும். தர்மத்தை பார்க்காது. அந்த மனநிலை குறைந்த சிறுமி உயிருடன் இருந்தால் அதை சரியாக்கவோ, காப்பாற்றவோ எந்த நீதிமன்றம் முன் வரும்?

Advertisement
Headphone

வாசிக்க நேரம் இல்லையா?
செய்தியைக் கேளுங்கள்