Load Image
dinamalar telegram
Advertisement

சைபர் கிரைம் மோசடி:ரூ.32.49 லட்சம் மீட்பு

திருப்பூர்;திருப்பூர் மாவட்டத்தில், கடந்த, 20 நாட்களில் பல்வேறு 'சைபர் கிரைம்' மோசடி தொடர்பாக, 32 லட்சத்து, 49 ஆயிரத்து, 599 ரூபாயை போலீசார் மீட்டு, உரியவர்களிடம் ஒப்படைத்தனர்.திருப்பூர் மாவட்ட சைபர் கிரைம் போலீஸ் ஸ்டேஷனில், ஆன்லைன் மோசடி மற்றும் பல்வேறு வகையான மோசடிகளில் இழந்த பணம் தொடர்பாக புகார்கள் பெறப்பட்டது.அவ்வகையில், கிரிப்டோ கரன்சி முதலீட்டில் ஜன்னத் என்பவர் 32 லட்சம் ரூபாய், ஊத்துக்குளியை சேர்ந்த பாலாஜி என்பவர் டிரேடிங்கில் 36 ஆயிரத்து, 500 ரூபாய், பல்லடத்தை சேர்ந்த மோகன் என்பவர் விளம்பரத்தை பார்த்து பணம் செலுத்தி 7 ஆயிரத்து, 999 ரூபாய் மற்றும் இணையவழி வேலைவாய்ப்பில் உடுமலையை சேர்ந்த விசாலி என்பவர், 5 ஆயிரத்து, 100 ரூபாய் இழந்தனர். இதுதொடர்பாக, தனிப்படை போலீசார் விசாரணை நடத்தி, நான்கு வழக்குகளில், மொபைல் போன் எண்களை கண்டறிந்து, மோசடி நபர்களின் வங்கி கணக்குகளை முடக்கியும், பணத்தை மீட்டு, உரியவர்களிடம் ஒப்படைக்கப்பட்டது.
புதிய செய்திகளுக்கு தினமலர் சேனலை Subscribe செய்யுங்கள்
YouTube & Telegram

Dinamalar iPaper

Advertisement
 

Comment Here வாசகர் கருத்து

    முதல் நபராக கருத்து தெரிவியுங்கள்!
Advertisement