Load Image
dinamalar telegram
Advertisement

தி.மு.க., ஆட்சி மீது மக்கள் கோபம்; எதிர்க்கட்சி தலைவர் பழனிசாமி குற்றச்சாட்டு

Tamil News
ADVERTISEMENT

பள்ளிபாளையம் : ''தி.மு.க., ஆட்சி மீது மக்கள் கோபத்தில் உள்ளனர்,'' என, எதிர்க்கட்சித் தலைவர் பழனிசாமி கூறினார்.நாமக்கல் மாவட்டம், பள்ளிப்பாளையத்தில், வெள்ளத்தால் பாதிக்கப்பட்டு, முகாம்களில் தங்கியுள்ள மக்களை, தமிழக சட்டசபை எதிர்க்கட்சி தலைவர் பழனிசாமி, நேற்று சந்தித்து நிவாரண உதவி வழங்கினார்.

அவர் கூறியதாவது:மழையால் மேட்டூர் அணை நிரம்பி, 2 லட்சம் கன அடி உபரிநீர் வெளியேறி, ஆற்றில் வெள்ளம் கரைபுரண்டு செல்கிறது. வருவாய் துறையினர் முன்னெச்சரிக்கை நடவடிக்கை எடுக்காததால், கரையோரம் வசிக்கும் மக்கள் பாதிக்கப்பட்டுள்ளனர்.
Latest Tamil News பாதுகாப்பு முகாமில் உள்ளவர்களுக்கு முறையான மருத்துவ வசதி இல்லை. அ.தி.மு.க., ஆட்சியில் வெள்ள பாதிப்பு ஏற்பட்டவுடன், உடனடி நடவடிக்கை எடுத்து, தேவையான நிவாரணம் கொடுத்தோம்.தற்போது, ஐந்து நாட்களாக, மக்களை பற்றி அரசு கண்டு கொள்ளவில்லை. தி.மு.க., ஆட்சி மீது, மக்கள் கடும் கோபத்தில் உள்ளனர்.


ஐந்து நாட்களாக, முன்னாள் அமைச்சர் தங்கமணி, பாதிக்கப்பட்ட மக்களை முகாம்களில் தங்க வைத்து, உணவு வழங்கி வருகிறார்.மேட்டூரில் இருந்து வரும் உபரி நீரை சேமிக்க, என் ஆட்சியில், இரண்டு கதவணை கட்டப்பட்டு, ஒவ்வொன்றிலும், 5 டி.எம்.சி., தண்ணீர் சேமிக்கும் வகையிலும், மேலும் மூன்று கதவணைகள் கட்டவும் திட்டமிடப்பட்டது.ஆட்சி மாற்றத்தால் இந்த திட்டம் கிடப்பில் போடப்பட்டுள்ளது.


மேட்டூர் உபரி நீரை, சேலம், சங்ககிரி, ஓமலுார், இடைப்பாடி தொகுதிகளில் உள்ள வறண்ட, 100 ஏரிகளில் நிரப்ப திட்டமிடப்பட்டது. அந்த திட்டமும் கிடப்பில் போடப்பட்டுள்ளது.ஆவின் பாக்கெட்டில் பால் குறைகிறது என, புகார் உள்ளது. தி.மு.க., விஞ்ஞானபூர்வ ஊழலுக்கு புகழ் பெற்றது. மக்களுக்கு விற்கக்கூடிய பாலில் கூட ஊழல் நடக்கிறது.வெள்ளத்தால் பாதிக்கப்பட்ட அனைவருக்கும் உரிய இழப்பீடை, அரசு போர்க்கால அடிப்படையில் வழங்க வேண்டும்.இவ்வாறு பழனிசாமி கூறினார்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
 

Comment Here வாசகர் கருத்து (4)

  • J. G. Muthuraj - bangalore,இந்தியா

    சார் என்ன செஞ்சிருப்பாருன்னா...முன்னெச்சரிக்கையா, ஆற்றின் இருபக்கமும் பத்தடி கரைய உயர்த்திட்டு தான் தண்ணிய திறந்து விட்டுருப்பாரு....வருவாய்துறைக்கு இதில் என்ன வேலை இருக்காம்?...அதிமுக ஆட்சிலயும் 'தேவையான நிவாரணம்' தான் மக்களுக்கு கொடுத்திருக்காங்க....அத அவரே சொல்றாரு... வேட்டிய முழங்காலுக்கு மேல ஒயத்தி கட்டி, கணுக்கால் அளவு தண்ணீல நின்னு போட்டோ ஷாட் எடுத்துட்டு....ஒரு அறிக்கையை விட்ர வேண்டியதுதான்..

  • Mani . V - Singapore,சிங்கப்பூர்

    ஆனா, உங்களுக்கு கோபம் இல்லை. ஏனென்றால் கட்டிங் சரியாக வந்து விடுகிறது.

  • ஜெய்ஹிந்த்புரம் - மதுரை,இந்தியா

    சம்பந்தி ஊழல், கொடநாடு கொலை வழக்கு இப்படி ஆயிரம் இருக்க, இன்னும் ஏன் உள்ளே போடல்லைன்னு மக்கள் காண்டா இருக்குறது என்னவோ உண்மை தான் பயணிசாமி அவர்களே.

  • John Miller - Hamilton,பெர்முடா

    பத்து வருடங்கள் பதவியில் இருந்தும் சம்பந்தி மூலம் சாலை போட்டதை தவிர ஏன் தடுப்பணைகளை கட்டவில்லை என்று இன்னமும் மக்கள் உங்கள் மீது காண்டாக இருக்கின்றார்கள்.

Advertisement
Headphone

வாசிக்க நேரம் இல்லையா?
செய்தியைக் கேளுங்கள்