பைக்கில் சென்றவர் மயங்கி விழுந்து சாவு

செஞ்சி-செஞ்சி அருகே பைக்கில் சென்றவர் மயக்கமடைந்து இறந்தார்.விழுப்புரம் அடுத்த ஏழுசெம்பொன் கிராமத்தைச் சேர்ந்தவர் ராமமூர்த்தி, 64; இவர், கடந்த 3ம் தேதி காலை பைக்கில் சென்று கொண்டிருந்தார். அன்னியூர் ஏரிக்கரை அருகே சென்றபோது, திடீரென மயக்கமடைந்து கீழே விழுந்தார்.தலையில் படுகாயமடைந்த அவர், சென்னை ராஜிவ்காந்தி அரசு மருத்துவமனையில் சேர்க்கப்பட்டு, நேற்று முன்தினம் இரவு இறந்தார்.கஞ்சனுார் போலீசார் வழக்குப்பதிந்து விசாரித்து வருகின்றனர்.