ஆக்கிரமிப்பில் இருந்த முதன்மை செயலர் அபூர்வாவின் தாய் வீடு அகற்றம்

நீர்நிலை புறம்போக்கு நிலத்தை ஆக்கிரமித்து வீடு கட்டியிருந்த முதன்மை செயலர் அபூர்வாவின் தாய் வீடு திருத்தணி வருவாய் துறையினரால் இடித்து அகற்றப்பட்டது. தவிர ஊராட்சி தலைவரின் வீடு உட்பட மொத்தம் 11 கட்டடங்கள் இடிக்கப்பட்டன.

திருவள்ளூர் மாவட்டம் திருவாலங்காடு ஒன்றியம் தொழுதாவூர் ஊராட்சியில் வெள்ளை குட்டை 6 ஏக்கரில்அமைந்துள்ளது.வருவாய் துறையினரால் குட்டை நிலம் எனவகைப்படுத்தப்பட்ட நீர்நிலை புறம்போக்கு நிலத்தை ஆக்கிரமித்து எட்டு வீடுகள் ஒரு கடை கட்டப்பட்டிருந்தன.நீர்நிலையில் உள்ள ஆக்கிரமிப்பை அகற்ற கோரி அதே கிராமத்தைச் சேர்ந்த ரேணுகா 45 என்பவர் சென்னை உயர் நீதிமன்றத்தில் 2020ல் வழக்கு தொடர்ந்தார்.

நீர்நிலை என்பது உறுதி செய்யப்பட்டதால் ஆக்கிரமிப்பை அகற்ற நீதிமன்றம் உத்தரவிட்டது.இதையடுத்து திருத்தணி வருவாய் கோட்டாட்சியர் ஹசரத்பேகம் தலைமையிலான வருவாய் துறையினர் மண் அள்ளும் இயந்திரத்துடன் அங்கு சென்று ஆக்கிரமிப்பு கட்டடங்களை இடித்து அகற்றினர்.திருத்தணி தாசில்தார்வெண்ணிலா கூறியதாவது:நீதிமன்ற உத்தரவின்படி ஆக்கிரமிப்பு கட்டடங்கள் அகற்றப்படுகின்றன. இதுவரை ஆக்கிரமிப்பாளருக்கு மாற்று நிலம் ஒதுக்குவது பற்றி எந்த முடிவும் எடுக்கப்படவில்லை. நீதிமன்ற உத்தரவிலும் அது தொடர்பாக குறிப்பிடப்படவில்லை.இவ்வாறு அவர் கூறினார்.