சென்னை: அ.தி.மு.க., பொருளாளராக திண்டுக்கல் சீனிவாசன் நியமனத்தை கரூர் வைஸ்யா வங்கி நிர்வாகம் ஏற்றுக்கொண்டுள்ளது.

இது குறித்து கூறப்படுவதாவது: கடந்த 11-ம் தேதி வானகரத்தில் நடைபெற்ற அ.தி.மு.க.,பொதுக்குழு கூட்டத்தில் கட்சியின் அதிகாரப்பூர்வ பொருளாளராக திண்டுக்கல் சீனிவாசன் நியமனம் செய்யப்பட்டார். தொடர்ந்து இது குறித்து முறையான அறிவிப்பு அ.தி.மு.க., கணக்கு வழக்குகளை நிர்வகித்து வரும் கரூர் வைஸ்யா வங்கிக்கு தெரிவிக்கப்பட்டது.


இதனிடையே முன்னாள் முதல்வர் பன்னீர் செல்வம் அ.தி.மு.க.வின் அதிகாரப்பூர்வ பொருளாளர் நான் தான் எனவும்.தன்னை கேட்காமல் வங்கி பரிவர்த்தனை எதையும் மேற்கொள்ள கூடாது வங்கிக்கு கடிதம் ஒன்றை எழுதி இருந்தார்.


இதனிடையே பொருளாளராக நியமனம் செய்யப்பட்ட திண்டுக்கல் சீனிவாசன் கையெழுத்திட்ட வங்கி காசோலைகளுக்கு கரூர் வைஸ்யா வங்கி நிர்வாகம் ஒப்புதல் அளித்துள்ளது. இதனையடுத்து அ.தி.மு.க., பொருளாளராக திண்டுக்கல் சீனிவாசன் நியமனத்தை கரூர் வைஸ்யா வங்கி நிர்வாகம் ஏற்றுக்கொண்டுள்ளது குறிப்பிடத்தக்கது.