தே.ஜ. கூட்டணி துணை ஜனாதிபதி வேட்பாளர் ஜக்தீப் தங்கார்

பா.ஜ., தலைமையிலான தே.ஜ. கூட்டணி துணை ஜனாதிபதி வேட்பாளராக மேற்குவங்க கவர்னர் ஜக்தீப் தங்கர் அறிவிக்கப்பட்டுள்ளார்.


@1br வரும் ஆகஸ்ட் 6-ல், துணை ஜனாதிபதி தேர்தல் நடைபெறவுள்ளது. அதற்கான வேட்புமனு தாக்கல், ஜூலை 5-ல் துவங்கியது; வரும் 19ல் முடிகிறது. இன்னும் மூன்று நாட்களே இருக்கும் நிலையில், ஆளும் பா.ஜ., கூட்டணி தன் வேட்பாளரை அறிவிக்கவில்லை.


ஜனாதிபதி பதவிக்கு பழங்குடியினத்தைச் சேர்ந்த திரவுபதி முர்முவை நிறுத்தியுள்ள பா.ஜ., தலைமை, துணை ஜனாதிபதி பதவிக்கு முஸ்லிம் சமுதாயத்தைச் சேர்ந்த ஒருவருக்கு வாய்ப்பளிக்க முடிவு செய்துள்ளதாக கூறப்பட்டது. கேரள கவர்னர் ஆரிப் முகமது கான், மத்திய அமைச்சர் முக்தார் அப்பாஸ் நக்வி உள்ளிட்டோரின் பெயர்கள் அடிபட்டன.

இந்நிலையில் துணை ஜனாதிபதி வேட்பாளரை அறிவிப்பது தொடர்பாக டில்லியில் இன்று பா.ஜ., பார்லிமென்ட் குழு கூட்டம் பிரதமர் மோடி தலைமையில் கூடியது.
இதில் துணை ஜனாதிபதி பதவிக்கான வேட்பாளராக மேற்குவங்க கவர்னர் ஜக்தீப் தங்கார் பெயரை பா.ஜ. தேசிய தலைவர் நட்டா அறிவித்தார்.