Load Image
dinamalar telegram
Advertisement

பன்னீர்செல்வம் அதிமுக ஒருங்கிணைப்பாளரே இல்லை: பழனிசாமி பளீச்

Tamil News
ADVERTISEMENT
சென்னை: கடந்த 2021 டிசம்பர் 1ல் கொண்டு வந்த சட்ட திருத்தங்கள் ஜூன் 23ல் நடந்த பொதுக்குழுவில் அங்கீகரிக்கப்படாததால் அந்த சட்ட திருத்தங்கள் காலாவதியாகிவிட்டது. எனவே அதிமுக ஒருங்கிணைப்பாளர் என ஓ.பன்னீர்செல்வம் எழுதிய கடிதம் செல்லாது' என பழனிசாமி தெரிவித்துள்ளார். இதனால், ஓபிஎஸ் தற்போது அதிமுக.,வின் ஒருங்கிணைப்பாளர் இல்லை என்பதை பழனிசாமி தெளிவுப்படுத்தியுள்ளார்.

அதிமுக.,வில் ஒற்றை தலைமை விவகாரத்தில் ஓ.பன்னீர்செல்வம், எடப்பாடி பழனிசாமி இடையே கருத்து வேறுபாடு இருந்து வருகிறது. இதற்கிடையே தமிழகத்தில் காலியாக உள்ள உள்ளாட்சி அமைப்புகளுக்கான இடைத்தேர்தலில் அதிமுக சார்பில் போட்டியிடும் வேட்பாளர்களின் வேட்புமனுவில் ஏ மற்றும் பி என்ற இரு படிவங்களில் அதிமுக தலைமை சார்பில் கையெழுத்திட்டு சமர்பிக்க வேண்டும். இல்லாதபட்சத்தில், வேட்பாளர்களுக்கு சுயேச்சை சின்னங்கள் ஒதுக்கப்படும் என மாநில தேர்தல் ஆணையம் தெரிவித்திருந்தது. இந்த நிலையில், ஒருங்கிணைப்பாளர் பன்னீர்செல்வம், இணை ஒருங்கிணைப்பாளர் பழனிசாமிக்கு நேற்று (ஜூன் 29) எழுதிய கடிதத்தில், ‛அதிமுக வேட்பாளர்கள் இரட்டை இலை சின்னத்தில் போட்டியிட ஏதுவாக படிவம் ஏ, பி ஆகியவற்றை எனக்கு அனுப்பி வைக்குமாறு' குறிப்பிட்டு கடிதம் எழுதியிருந்தார்.
Latest Tamil News
இக்கடிதத்திற்கு பதிலளிக்கும் விதமாக ஓபிஎஸ்.,க்கு பழனிசாமி கடிதம் எழுதியுள்ளார். அதில் அதிமுக பொருளாளர் ஓ.பன்னீர்செல்வம் எனவும், தலைமை நிலையச் செயலாளர் எடப்பாடி பழனிசாமி என்றும் குறிப்பிட்டுள்ளார். கடிதத்தில், ‛கடந்த 2021 டிசம்பர் 1ல் கொண்டு வந்த சட்ட திருத்தங்கள் ஜூன் 23ல் நடந்த பொதுக்குழுவில் அங்கீகரிக்கப்படவில்லை. அந்த சட்ட திட்ட திருத்தங்கள் காலாவதி ஆகிவிட்டது. எனவே, அதிமுக ஒருங்கிணைப்பாளர் என்ற உணர்வில் தாங்கள் எழுதியுள்ள கடிதம் செல்லாது. உள்ளாட்சி இடைத்தேர்தலுக்கான வேட்பு மனு தாக்கல் செய்வதற்கு ஜூன் 27 கடைசி நாள் முடிவுற்ற நிலையில், இத்தனை நாள் பொறுத்திருந்து, அதிமுக வேட்பாளர்களை அதிகாரப்பூர்வமாக அறிவிக்காத கூட்டத்திற்கு தாங்கள் (ஓபிஎஸ்) உட்பட அனைவருக்கும் முறையாக தகவல் தெரிவிக்கப்பட்டும் அந்த கூட்டத்தை புறக்கணித்துவிட்டு தற்போதைய தங்களின் கடிதம் ஏற்புடையதாக இல்லை.
Latest Tamil Newsஅதேபோல், நாம் இருவரும் கூட்டாக அழைப்பு விடுத்த அதிமுக பொதுக்குழுவை நடத்தவிடாமல் தடுத்து நிறுத்துவதற்காக போலீஸ் கமிஷனருக்கு கடிதம் மூலம் புகார் அளித்ததும், நீதிமன்றங்களின் மூலம் வழக்குகளை தாக்கல் செய்தும், அதிமுக.,வை செயல்படாத நிலைக்கு கொண்டு செல்வதற்கான அனைத்து பணிகளையும் செய்துவிட்டு, தற்போது இப்படி ஒரு கடிதத்தை எனக்கு அனுப்புவது ஏற்புடையதாக இல்லை.' இவ்வாறு அதில் குறிபிட்டுள்ளார்.

திமுக.,வும், அதிமுக.,வும் பங்காளிகள்



இதற்கிடையே பழனிசாமியின் ஆதரவாளரும் எம்எல்ஏ.,வுமான கே.பி.முனுசாமி கிருஷ்ணகிரியில் நிருபர்களிடம் கூறியதாவது: தமிழகத்தில் காலியாக உள்ள உள்ளாட்சி தேர்தலில் ஏ மற்றும் பி படிவங்களில் கையெழுத்திடும் தார்மீக உரிமையை ஓ.பன்னீர்செல்வம் இழந்துவிட்டார். கட்சிக்கு எதிராக நீதிமன்றத்திற்கு செல்பவர்கள் கட்சியில் இருந்து நீக்கப்பட வேண்டும் என்பது விதி. இங்கு பொதுக்குழுவை தள்ளி வைக்க வேண்டும் என்று கட்சி தலைவரே நீதிமன்றத்திற்கு செல்கிறார். அதிமுக.,வை பொருத்தவரை ஒற்றை தலைமை வேண்டும் என நிர்வாகிகள் உறுதியாக உள்ளனர். கட்சிக்கு தலைவராக இருந்தவர், மூன்று முறை முதல்வராக இருந்தவர், தற்போதைய நிலைமையை புரிந்து கொண்டு எங்களோடு இணைந்து செயல்பட வேண்டும்.
Latest Tamil Newsதமிழகத்தை பொருத்தவரை அதிமுக, திமுக இரு கட்சிகளும் பங்காளிகள். எங்களுக்குள் பகைமை இருக்கும் ஆனால் வேறு கட்சிகள் உள்ளே நுழைய முடியாது. ஆனால் இந்த நிலைமையை நீர்த்துப்போக செய்யும் வேலைகளில் பன்னீர்செல்வம் இறங்கியுள்ளார். 50 ஆண்டு காலமாக பீடு நடை போட்டு வரும் அதிமுகவை 2026ல் தமிழகத்தில் ஆட்சிக்கு கொண்டு வர வேண்டும். எங்களுக்கு யாரும் எதிரி கிடையாது; கட்சியை கபளீகரம் செய்ய முயற்சிப்பவர்கள் மட்டுமே எதிரிகள். கட்சிக்கு குந்தகம் விளைவிப்பவர்கள் யாராக இருந்தாலும் அவர்களையும் நாங்கள் எதிர்ப்போம். இவ்வாறு அவர் கூறினார்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement
 

Comment Here வாசகர் கருத்து (21)

  • Velayutharaja Raja - Thirupputhur,இந்தியா

    பழனிச்சாமியின் அகங்காரம் நாளுக்கு நாள் கூடிக் கொண்டே செல்கிறது...

  • தமிழ்வேள் - திருவள்ளூர்-தொண்டைமண்டலம்-தமிழகம்,இந்தியா

    இந்த பங்காளிகளை ஒட்டுமொத்தமாக ஒழித்து ஊற்றி மூடினால்தான் தமிழகம் உருப்படும் ......."ஒரே குட்டையில் ஊறிய மட்டைகள் " என்று ஐயா காமராஜர் சொன்னது எவ்வளவு தீர்க்கதரிசனமான ஒன்று -என்று இவர்கள் வாயாலேயே வெளிவந்து விட்டது .....இனி , இரண்டு முட்டைகளையும் ஒதுக்கி ஓரம்கட்டி தேசிய நீரோட்டத்தில் இணைந்தால்தான் தமிழனுக்கு , தமிழுக்கு , தமிழனுக்கு கதி மோட்சம் ...இல்லையேல் அதோகதி தான் ......

  • sankar - சென்னை,இந்தியா

    முந்தா நாள் வரையிலும் நமது அம்மாவில் பன்னீர் பெயர் இருந்துதே. அந்த பதவியே எப்பவும் இல்லாத மாதிரி பேசறீங்களே. முத்துப் பல்லழகர் இனி அதோ கதி தான்.

  • சீனி - Bangalore,இந்தியா

    சின்னம்மாவை வைத்து அதிமுகவை சின்னபின்னமாக்குவது தான் திமுகவின் திட்டம், என்பதை கடந்த தேர்தலில் திமுக வெற்றியடைந்ததும் எழுதி வந்தேன், அந்தக்கட்டம் வந்துவிட்டது. பன்னீர் ஒரு பகடைக்காய் தான், ஆட்டம் முடிந்ததும் தூர எறிந்துவிடுவார்கள். பன்னீர் விட்டுக்கொடுத்தால், பழனிச்சாமி குறைந்தது பன்னீருக்கு மந்திரி பதவியாவது கொடுப்பார்., திட்டம் வெற்றியாகி சின்னம்மா இரட்டை இலையை கைப்பற்றினால், கூலிக்கு பணியாற்றும் பன்னீரை, சின்னம்மா, தினகரன் முன் தரையில் கூட அமர அனுமதிக்கமாட்டார்கள், அந்தளவுக்கு சுயமரியாதையோடு நடத்துவார்கள்.

  • ஆரூர் ரங் -

    முனுசாமி. திமுக தான் அதிமுக வின் நிரந்தர பகையாளி. கருணாநிதி தமிழர் நலனுக்கு பெரிய விரோதி என எம்ஜியார் ஜெயா கூறியது மறந்து😇 விட்டதா? இல்லை திமுக வை ஒழிக்க காங்கிரஸ் பிஜெபி யுடன் பல முறை கூட்டு😛 வைத்தது மறந்து போச்சா?

Advertisement
Headphone

வாசிக்க நேரம் இல்லையா?
செய்தியைக் கேளுங்கள்