Load Image
dinamalar telegram
Advertisement

பிளஸ் 1 பொதுத்தேர்வு முடிவுகள் வெளியீடு: மாணவர்களை விட மாணவிகள் 10% அதிக தேர்ச்சி

Tamil News
ADVERTISEMENT
சென்னை: பள்ளிக்கல்வி பாடத் திட்டத்தில், பிளஸ் 1 பொது தேர்வு முடிவுகள் இன்று (ஜூன் 27) வெளியானது. இதில் மாணவர்கள் 84.86 சதவீதமும், மாணவிகள் 94.99 சதவீதம் பேரும் தேர்ச்சி அடைந்துள்ளனர்.

பிளஸ் 1 தேர்வு முடிவுகள் அடுத்த மாதம் 7ம் தேதி வெளியிடப்படும் என, ஏற்கனவே அறிவிக்கப் பட்டிருந்தது. ஆனால், முன்கூட்டியே விடை திருத்த பணிகள் முடிந்து விட்டன. இதைத் தொடர்ந்து, பிளஸ் 1 பொது தேர்வு முடிவுகள் இன்று காலை வெளியானது. தேர்வு முடிவுகளை www.tnresults.nic.in, www.dge.tn.gov.in ஆகிய இணையதளங்களில், தெரிந்து கொள்ளலாம். மாணவர்கள் தங்களின் பதிவு எண் மற்றும் பிறந்த தேதியை பயன்படுத்தி, மதிப்பெண்களை பார்க்கலாம். மாணவர்கள் பள்ளியில் பதிவு செய்த மொபைல் போன் எண்ணுக்கும் பிளஸ் 1 மதிப்பெண்கள் அனுப்பப்படும். மாவட்ட, மைய மற்றும் கிளை நுாலகங்கள், மாவட்ட கலெக்டர் அலுவலக தேசிய தகவலியல் மையங்களிலும் தெரிந்து கொள்ளலாம்.
Latest Tamil Newsதேர்வு முடிவுகளில் மாணவிகள் 94.99 சதவீதம் பேரும், மாணவர்கள் 84.86 சதவீதம் பேரும் தேர்ச்சி அடைந்துள்ளனர். மாணவர்களை விட மாணவிகள் 10.13 சதவீதம் அதிகமாக தேர்ச்சி அடைந்துள்ளனர். தமிழக அளவில் அதிக தேர்ச்சி விகிதத்தை (95.56 சதவீதம்) கொண்ட மாவட்டங்களில் பெரம்பலூர் முதலிடத்தில் உள்ளது. அடுத்த இடங்களில் விருதுநகர் (95.44 சதவீதம்), மதுரை (95.25 சதவீதம்) மாவட்டங்கள் உள்ளன. தேர்வு எழுதிய 8.3 லட்சம் மாணவர்களில் 7.59 லட்சம் பேர் தேர்ச்சி ஐடந்துள்ளனர், 41,376 மாணவர்கள் தேர்வு எழுதவில்லை என பள்ளிக்கல்வித்துறை தெரிவித்துள்ளது.


வாசகர் கருத்து (2)

  • Narasimhan - Manama,பஹ்ரைன்

    காலாகாலமாக நடக்கிற விஷயம்தானே. விட்டுக்கொடுக்கும் மனப்பான்மையை மாணவர்கள் பள்ளி காலத்திலேயே பெற்றவர்கள் என்பதுதான்.

  • Ramesh Sargam - Back in Bengaluru, India.,இந்தியா

    மாணவிகள் 10% அதிக தேர்ச்சி பெற்றது மிகவும் மகிழ்ச்சி அளிக்கிறது. அதேநேரத்தில், மாணவர்களை விட அதிகம் 'சரக்கு அடிப்பதிலும்' மாணவிகள் அதிக வளர்ச்சி அடைந்திருப்பது, மிகவும் மனவருத்தத்தை அளிக்கிறது.

உங்கள் கருத்தைப் பதிவு செய்ய
Login via Dinamalar:
New to Dinamalar ?
(Press Ctrl+g   to toggle between English and Tamil)
புதிய செய்திகளுக்கு தினமலர் சேனலை Subscribe செய்யுங்கள்
Advertisement
 
Advertisement
Headphone

வாசிக்க நேரம் இல்லையா?
செய்தியைக் கேளுங்கள்