Load Image
dinamalar telegram
Advertisement

அக்னி வீரர்களுக்கு எனது ஓய்வூதியத்தை விட்டுக்கொடுக்க தயார்: வருண்

Tamil News
ADVERTISEMENT
புதுடில்லி: அக்னி வீரர்களுக்கு ஓய்வூதியம் பெற உரிமை இல்லை எனில், தனது சொந்த ஓய்வூதியத்தை விட்டுக்கொடுக்க தயார் என பா.ஜ., எம்.பி., வருண் தெரிவித்துள்ளார்.

நம் ராணுவத்தில் 'அக்னி வீரர்'கள் என்ற பெயரில் புதிய வேலைவாய்ப்பு திட்டத்தை மத்திய அரசு அறிவித்து உள்ளது. 'அக்னிபத்' என பெயரிடப்பட்டுள்ள இத்திட்டத்தின் கீழ், நான்கு ஆண்டு கால ஒப்பந்தத்தில், ஆண்டுக்கு 60 ஆயிரம் வீரர்கள் வரை நியமிக்கப்பட உள்ளனர். நான்கு ஆண்டுக்குப் பின், இவர்களில் 25 சதவீதம் பேர் முப்படைகளில் சேர்த்து கொள்ளப்படுவர். மீதமுள்ள 75 சதவீதம் பேர் வெளியேறுவர். ராணுவத்தில் இருந்து திரும்பும் அக்னிவீரர்களுக்கு சான்றுகள் மற்றும் சேவை நிதியாக சுமார் ரூ.12 லட்சம் வழங்கப்படும். இதற்கு வரி விலக்கு உண்டு. ஆனால் இவர்களுக்கு ஓய்வூதியம் கிடைக்காது.
Latest Tamil Newsஇது தொடர்பாக பா.ஜ., எம்.பி., வருண் தெரிவித்துள்ளதாவது: அக்னி வீரருக்கு ஓய்வூதியம் கிடைக்காத நிலையில், மக்கள் பிரதிநிதிகளுக்கு ஏன் இந்த 'வசதி'? அக்னி வீரர்களுக்கு ஓய்வூதியம் பெற உரிமை இல்லை என்றால், எனது சொந்த ஓய்வூதியத்தை விட்டுக்கொடுக்கவும் தயாராக உள்ளேன். எம்.எல்.ஏ.,க்கள், எம்.பி.க்கள் ஓய்வூதியத்தை விட்டுவிட்டு அக்னிவீரர்களுக்கு ஓய்வூதியம் கிடைப்பதை உறுதி செய்ய முடியாதா?. இவ்வாறு அவர் தெரிவித்துள்ளார்.
Telegram Banner
Advertisement
 

Comment Here வாசகர் கருத்து (21)

  • ஆனந்தன் -

    உலகமகா நடிப்புடா சாமி..

  • Ramesh Sargam - Back in Bengaluru, India.,இந்தியா

    இதுபோன்ற முடிவுகளை எதிர்க்கட்சி எம்பிக்கள் எடுப்பார்களா? எடுத்துட்டாலும்... ஓய்வு அடைந்த அந்த அக்னி வீரர்களிடமிருந்து பிடிங்கி தின்னாமல் இருந்தால் அதுவே எவ்வளவோ மேல்...

  • rajasekaran - neyveli,இந்தியா

    வருணுக்கு இதுதான் கடைசி போஸ்ட்.

  • vadivelu - thenkaasi,இந்தியா

    நான்கு வருடங்களுக்கு பின் பொரியியல் பட்டதாரிக்கு பென்சன் கிடைக்காது.அவர் படித்த படிப்புக்கு வேலைதான் கிடைக்கும்.அதேபோல் இந்த அக்னிபத் வீரர்களுக்கும் பென்ஷன் கிடைக்காது, ஆனால் வங்கி கணக்கில் 15 லட்சம் குறைந்தது இருக்கும், வேலை மாநில, மத்திய அரசுகளில் , தனியார் துறைகளில் முன்னுரிமை கிடைக்கும்.இந்த திட்டத்தில் சகல வசதி படைத்தவர்கள் சேர மாட்டார்கள்.குடும்ப நலனை காக்க வேண்டிய சூழ்நிலையில் உள்ள கண்மணிகளே அதிகம் சேர்வார்கள்.அவர்களுக்கு மேற்படிப்பு படிக்க பெரும்பாலும் வசதியும் இருக்காது.ஆகவே நான்கு வருடங்கள் குடும்பத்திற்க்காகவும், வருங்காலத்தில் நாட்டுக்காகவும் , சிறிது வருவாய் ஈட்டி குடும்பத்தை காப்பாற்றுவார்கள்.

  • அப்புசாமி -

    ஆம். இவரது ஓய்வூதியத்தை வெச்சு அக்னி வீரர்களுக்கு ஆளுக்கு 15 லட்சம் போட்டுரலாம் போல.

Advertisement
Headphone

வாசிக்க நேரம் இல்லையா?
செய்தியைக் கேளுங்கள்