தேனி ஒன்றியத்தில் ரோடுகள் மோசம்: ஒன்றிய கூட்டத்தில் தலைவர் ஒப்புதல்

தேனி -''தேனி ஒன்றியத்தில் 18 ஊராட்சிகளில் உள்ள கிராமபுற ரோடுகள் சீரமைக்காததால் மோசமாக உள்ளன'', என ஒன்றிய கூட்டத்தில் தலைவர் சக்கரவர்த்தி தெரிவித்தார்.தேனி ஒன்றிய கூட்டம் தலைவர் சக்கரவர்த்தி (தி.மு.க.,)தலைமையில் நடந்தது. பி.டி.ஓ.,க்கள் ரவிச்சந்திரன், ஞானதிருப்பதி முன்னிலை வகித்தனர். கூட்டத்தில் கவுன்சிலர்கள் பேசியதாவது: தனலட்சுமி (தி.மு.க.) : சீலையம்பட்டி ஊராட்சியில் சிமென்ட் ரோடுகள் குண்டும் குழியுமாக உள்ளது. மக்கள் நடந்து செல்ல முடியவில்லை. டூவீலரில் செல்வோர் விபத்தில் சிக்குகின்றனர்.மாலா (தி.மு.க.) : கோட்டூர் இந்திரா காலனியில் சாக்கடை வசதி இன்றி கழிவுநீர் ரோட்டில் செல்வதால் சுகாதார சீர்கேடு நிலவுகிறது. இதுகுறித்து பலமுறை முறையிட்டும் நடவடிக்கை இல்லை.சங்கீதா (அ.தி.மு.க.,): ஸ்ரீரங்காபுரத்தில் மேல்நிலை தண்ணீர் தொட்டி அமைத்து இரு ஆண்டுகள் ஆகியும் பயன்பாடின்றி உள்ளது. ஒராண்டாக நிதி ஒதுக்கீடு செய்யாததால், அடிப்படை வசதிகளை ஏற்படுத்த முடியவில்லை.தலைவர்: மத்திய அரசு நிதி வந்தவுடன், கவுன்சிலர்களுக்கு நிதி ஒதுக்கீடு செய்யப்படும். இந்திரா நகரில் சாக்கடை வசதி ஏற்படுத்தப்படும். தேனி ஒன்றியத்தில் 18 ஊராட்சிகளிலும் ரோடு மோசமாக உள்ளது. ஒப்பந்ததாரர்கள் முறையாக பராமரிப்பு பணி செய்வதில்லை என்றார். கூட்டத்தில் 33 தீர்மானங்கள் நிறைவேற்றப்பட்டன