Load Image
dinamalar telegram
Advertisement

ஏரி திட்டங்களில் கட்டிய வீடுகளுக்கு பட்டா வழங்க வாரியம் ஆலோசனை

Tamil News
ADVERTISEMENT
சென்னை: 'ஏரி திட்டம்' என்ற பெயரில் நீர்நிலை புறம்போக்கு நிலங்களில் செயல்படுத்தப்பட்ட குடியிருப்பு திட்டங்களுக்கு, பட்டா பெறுவதற்கான வழிமுறைகளை வீட்டுவசதி வாரியம் ஆராய்ந்து வருகிறது.


தமிழகத்தில் பல்வேறு மாவட்டங்களில், வீட்டுவசதி வாரியம் சார்பில் குடியிருப்பு திட்டங்கள் செயல்படுத்தப்படுகின்றன. இவற்றில், பெரும்பாலான பகுதிகளில் பல்வேறு அரசு துறைகள், பயன்படுத்தாமல் வைத்திருந்த நிலங்கள், வீட்டுவசதி வாரிய திட்டங்களுக்காக கையகப்படுத்தப்பட்டன.இந்த நிலங்கள் முழுமையாக பயன்படுத்தப்பட்ட நிலையில், புதிய திட்டங்களுக்கு நிலம் தேவைப்படுகிறது.

Latest Tamil News
இதனால், சென்னை போன்ற நகரங்களின் புறநகர் பகுதிகளில், வருவாய் துறையின் புறம்போக்கு நிலங்கள் வாரிய திட்டங்களுக்கு ஒதுக்கப்பட்டன. குறிப்பாக, பல ஆண்டுகளாக நீர் தேக்கப்படாத நீர் நிலைகளை ஒட்டிய நிலங்கள் வீட்டுவசதி திட்டங்களுக்கு பயன்படுத்தப்பட்டன.இந்த வகையில் முகப்பேர் ஏரி திட்டம், அயப்பாக்கம் ஏரி திட்டம் போன்ற பெயர்களில், பல்வேறு இடங்களில் குடியிருப்பு திட்டங்கள் செயல்படுத்தப்பட்டன. இத்திட்டங்களில் நிலங்கள் நகரமைப்பு சட்ட விதிகளுக்கு ஏற்ப மேம்படுத்தப்பட்டு, மனைப்பிரிவுகளாக உருவாக்கப்பட்டன.


இருப்பினும், இத்திட்டங்களில் விற்பனை செய்யப்பட்ட மனைகளுக்கு பட்டா வழங்க, வருவாய் துறை தொடர்ந்து மறுத்து வருவதாக கூறப்படுகிறது.இது குறித்து, வீட்டுவசதி வாரிய அதிகாரிகள் கூறியதாவது:ஏரி திட்டம் உள்ளிட்ட குறிப்பிட்ட சில திட்ட பகுதிகளில் உள்ள நிலங்கள், நகரமைப்பு சட்டப்படி மனைப்பிரிவாக அங்கீகாரம் பெறப்பட்டுள்ளன. ஆனால், வருவாய் துறையினர் இந்நிலங்ளை குடியிருப்பாக அங்கீகரித்து, பட்டா வழங்குவதில் தாமதம் ஏற்பட்டுஉள்ளது.


அடிப்படையில் சில பகுதிகள் நீர்நிலை என ஆவணங்களில் குறிப்பிடப்பட்டு உள்ளதால், பட்டா வழங்குவதில் சிக்கல் ஏற்பட்டுள்ளது.இது குறித்து, வருவாய் துறை உயரதிகாரிகளுடன் பேசி, விரைவில் நல்ல முடிவு எட்டப்படும்.இவ்வாறு அவர்கள் கூறினர்.
Telegram Banner
Advertisement
 

Comment Here வாசகர் கருத்து (8)

  • Ramesh Sargam - Back in Bengaluru, India.,இந்தியா

    நீர்நிலைகளை ஆக்கிரமித்து கட்டப்பட்டுள்ள வீடுகளுக்கு பட்டாவா...? இனி எல்லாம் நாசம்.

  • jayvee - chennai,இந்தியா

    நீதிமன்றம் தானாக முன்வந்து இந்த வழக்கை பதிவுசெய்து உரிய தடுப்பு நடவடக்கைகளை எடுக்குமா.. மதுரை நீதிமன்றமும் நீர்நிலையை தூர்த்து கட்டப்பட்டது என்று தெரியுமா ?

  • அம்பி ஐயர் - நங்கநல்லூர்,இந்தியா

    அடிச்சது லக்கி பிரைஸ்... அதிகாரிகளுக்கு அமோக வேட்டை தான்...அவங்க காட்டுல அடை மழை தான்.. தமிழகம் முழுவதும் ஏரி... குளம்...குட்டை ஆறு போன்ற நீர் நிலைகளை ஆக்கிரமித்துக் கட்டப்பட்ட அனைத்து வீடுகள் மற்றும் பள்ளி கல்லூரி... வணிக வளாகங்கள்.... போன்றவற்றுக்கு பெரும் அளவில் லஞ்சம் வாங்கிக் கொண்டு அனுமதி கொடுத்துவிட்டு பட்டா கொடுத்துவிடலாம்.... ஆஹா.... அங்க என்னடான்னா ஒரு யோகி ஆக்கிரமிப்பு வீடுகளை புல்டோசர் மூலம் இடித்துத் தள்ளுகிறார்...... இங்கயோ..... எங்கும் பணம்..... விடியல் ஆட்சியின் சாதனை.....

  • Lion Drsekar - Chennai ,இந்தியா

    '"ஏரி திட்டம்' என்ற பெயரில் நீர்நிலை புறம்போக்கு நிலங்களில் செயல்படுத்தப்பட்ட குடியிருப்பு திட்டங்களுக்கு, பட்டா பெறுவதற்கான வழிமுறைகளை வீட்டுவசதி வாரியம் ஆராய்ந்து வருகிறது." தமிழ் எவ்வளவு அழகாக விளையாடுகிறது பாருங்கள் செயல்படுத்தப்பட்ட குடியிருப்பு ??? பிறகு எதற்கு கோவில்களை இடிக்கவேண்டும்? வந்தே மாதரம்

  • தமிழன் - madurai,இந்தியா

    இனிமே யாரும் ஏரி குட்டைய ஆட்டைய போட்றதா சொல்ல முடியாது. ஏன்னா அதுக்கு சட்டம் வந்தாச்சு. காசுக்கு காசு, ஓட்டுக்கு ஒட்டு. அடுத்து அட்வான்சா பட்டா குடுக்குறத பத்தி யோசிக்க வேண்டியது தான். மடியல் மாடல்னா சும்மாவா? கொள்ளையடிக்குறதே யாருக்கும் தெரியாது, ஆனா எப்பவோ கொள்ளை நடந்து முடிஞ்சிருக்கும். பாக்குற வேலையில அவ்வளவு சுத்தம். கடவுளே, சாரி.. இயற்கையே.. முடிஞ்சா தமிழனுக்கு நல்ல புத்தி குடுத்து அடுத்தா முறையாவது நல்ல தலைமையை தேர்வு செய்ய வச்சு தமிழ் நாட்டை காப்பாத்து.

Advertisement