Load Image
dinamalar telegram
Advertisement

நிலக்கரி உற்பத்தி குறைவு: மின் தடை ஏற்படும் அபாயம்

புதுடில்லி,-செப்டம்பருடன் முடியும் இரண்டாவது காலாண்டில், நிலக்கரி உற்பத்தி குறையும் என்பதால், மின் தடை ஏற்படும் அபாயம் உள்ளதாக அதிகாரிகள் தெரிவித்துள்ளனர்.Latest Tamil News

கோடை காலம் துவங்கியதையடுத்து, நாட்டில் மின் தேவை அதிகரித்துள்ளது. ஆனால், மின் உற்பத்திக்கு தேவையான நிலக்கரியை உற்பத்தி செய்வதில் பாதிப்பு ஏற்பட்டதால், இந்தமாத துவக்கத்தில் பல மாநிலங்களில் மின் தடை ஏற்பட்டது. இதையடுத்து, மத்திய அரசு நிலக்கரி இறக்குமதியை அதிகரித்து, நிலைமையை ஓரளவுக்கு சமாளித்து வருகிறது. இதற்கிடையே, ரஷ்யா - உக்ரைன் போரால் நிலக்கரி விலை அதிகரித்து, இறக்குமதியும் பாதிக்கப்பட்டுள்ளது.Latest Tamil News
இந்நிலையில், மத்திய மின் துறை அமைச்சர் ராஜ்குமார் சிங், நிலக்கரித் துறை அமைச்சர் பிரஹலாத் ஜோஷி ஆகியோர், மாநில மின் மற்றும் நிலக்கரி துறை உயர் அதிகாரிகளுடன், 'வீடியோ கான்பரன்ஸ்' வழியாக ஆலோசனை நடத்தினர். அப்போது, நடப்பு நிதியாண்டின் இரண்டாவது காலாண்டில், நிலக்கரி உற்பத்தி பாதிக்கும் அபாயம் உள்ளதாக அதிகாரிகள் தெரிவித்தனர்.இதனால், நிலக்கரி இறக்குமதியை மேற்கொள்ள, மாநில அரசுகளுக்கு உடனடியாக அனுமதி வழங்க வேண்டும் என தெரிவிக்கப்பட்டது. இதுபற்றி விரைவில் பரிசீலிப்பதாக, மத்திய மின் மற்றும் நிலக்கரி துறை அமைச்சர்கள் உறுதியளித்துள்ளனர்.
Telegram Banner

Dinamalar iPaper

Advertisement
 

Comment Here வாசகர் கருத்து (5)

  • Neutral Umpire - Chennai ,இந்தியா

    சோலார் விளக்குகள் நிறைய கிடைக்கின்றன ...பகலில் வெய்யிலில் கிடக்கட்டும் ..இரவில் வீட்டுக்குள் அல்லது வீட்டு முகப்புகளில் பயன்படுத்தலாம் ..கிராமங்களில் வரி சலுகை கொடுத்து மக்களை உபயோகிக்க ஊக்கப்படுத்தலாம் ..சோலார் சுடுநீர் எல்லா வீடுகளிலும் கட்டாயப்படுத்தலாம்

  • रजा -

    தடை ஏற்பட்டு விட்டது சார், விடியா அரசின் பவர்கட் சாதனை. நங்கநல்லூர் 19வது தெரு மற்றும் சுற்றியுள்ள பகுதிகளில் இன்று மாலை 6 மணி முதல் 6.45 வரை POWER CUT தற்போது இரவு 10:20க்கு போன மின்சாரம் இந்த நேரம் வரை வரவில்லை. மணி இரவு 11:41 EB அலுவலக தொலை பேசி கிடைக்கவில்லை. கடும் வெப்பத்தில் குழந்தைகள் நோயாளிகள் அவதிப்படுகிறார்கள். எல்லார் வீட்டிலுமா இன்வெர்ட்டர் உள்ளது. விடியாத தூங்கு மூஞ்சி திராவிட மாடல் அரசின் சாதனை

    • राजा -

      அதிகாலை 2.40 க்குத்தான் சப்ளை வந்தது. தற்போது மறுபடியும் போய் விட்டது. எப்ப வருமோ ஆண்டவனுக்கும் தெரியாது.

    • virgo - Chennai

      நங்கநல்லூர் மட்டும் இல்லை, மடிப்பாக்கம், கீழ்கட்டளை போன்ற பகுதிகளிலும் இதே நிலைதான். நேற்று இரவு கிட்டத்தட்ட மூன்று மணி நேரம் சிறுகுழந்தைகள், பெரியவர்கள் உட்பட அனைவரும் மிகவும் அவதிப்பட்டார்கள். இவர்கள் ஆட்சி வந்தாலே மின்தடை வருவது என்பது புதியதல்ல

    • Sridhar - Jakarta

      வோட்டு போட்டீங்களா? யாருக்கு போட்டீங்க?

Advertisement
Headphone

வாசிக்க நேரம் இல்லையா?
செய்தியைக் கேளுங்கள்