Load Image
dinamalar telegram
Advertisement

பெட்ரோல், டீசல் வரி குறைப்பு மத்திய அரசை விட தமிழகத்திற்கு அதிக வருவாய்

சென்னை--மத்திய அரசு, லிட்டர் பெட்ரோலுக்கான கலால் வரியை, 8 ரூபாயும்; டீசலுக்கான வரியை, 6 ரூபாயும் குறைத்துள்ளது. இதனால், பெட்ரோல், டீசல் விற்பனையால் கிடைக்கும் வரி வருவாயில், மத்திய அரசை விட, தமிழக அரசின் பங்கு அதிகரித்து உள்ளது.

Latest Tamil News

பொதுத் துறையைச் சேர்ந்த இந்தியன் ஆயில், பாரத், ஹிந்துஸ்தான் பெட்ரோலியம் எண்ணெய் நிறுவனங்கள், சர்வதேச சந்தையில் நிலவும் கச்சா எண்ணெய் விலைக்கு ஏற்ப, உள்நாட்டில் தினமும் காலையில், பெட்ரோல், டீசல் விலையை நிர்ணயம் செய்கின்றன.

தாண்டியது



கொரோனா தொற்று உள்ளிட்ட காரணங்களால், 2021ல், சர்வதேச சந்தையில் கச்சா எண்ணெய் விலை அதிகரித்தது. அதன் காரணமாக, நாட்டில் பெட்ரோல், டீசல் விலை எப்போதும் இல்லாத வகையில், லிட்டர், 100 ரூபாயை தாண்டியது.இதனால், வாகன ஓட்டிகள் கடுமையாக பாதிக்கப்பட்டனர். டீசல் விலை உயர்வால், சரக்கு வாகனங்களின் கட்டணம் உயர்ந்து, பல பொருட்களின் விலை அதிகரித்தது. 2021 நவ., 3ல், தமிழகத்தில் லிட்டர் பெட்ரோல், 106.66 ரூபாய்; டீசல் 102.59 ரூபாய்க்கு விற்பனையாகின.மத்திய அரசு தீபாவளி பரிசாக, நவ., 3ல், பெட்ரோல் மீதான கலால் வரியை லிட்டருக்கு, 5 ரூபாயும்; டீசல் மீதான வரியை லிட்டருக்கு, 10 ரூபாயும் குறைத்தது.

அதிகரிப்பு



இதனால், மறுநாளான 4ம் தேதி, தமிழகத்தில் லிட்டர் பெட்ரோல் விலை, 101.40 ரூபாயாகவும்; டீசல் விலை, 91.43 ரூபாயாகவும் குறைந்தது.அதற்கு அடுத்த நாளில் இருந்து, உ.பி., உள்ளிட்ட ஐந்து மாநில சட்டசபை தேர்தலால், பெட்ரோல், டீசல் விலை மாற்றப்படவில்லை. நடப்பாண்டு பிப்ரவரியில், ரஷ்யா - உக்ரைன் நாடுகளுக்கு இடையில் ஏற்பட்ட போர் காரணமாக, சர்வதேச சந்தையில் கச்சா எண்ணெய் விலை மிகவும் அதிகரித்தது. இதனால், 137 நாட்களுக்கு பின், மார்ச் 22ல், நாட்டில் பெட்ரோல், டீசல் விலை உயர்த்தப்பட்டது.அன்று தமிழகத்தில் லிட்டர் பெட்ரோல், 102.16 ரூபாய்க்கும்; டீசல், 92.19 ரூபாய்க்கும் விற்பனையாகின. பின், அவற்றின் விலை தினமும் உயர்த்தப்பட்டு வந்த நிலையில், ஏப்., 6ல் பெட்ரோல், 110.85 ரூபாய்க்கும்; டீசல், 100.94 ரூபாய்க்கும் விற்பனையாகின. அன்று முதல் பெட்ரோல், டீசல் விலையில் மாற்றம் செய்யப்படவில்லை.


Latest Tamil News

கோரிக்கை



இந்நிலையில், நேற்று முன்தினம் இரவு மத்திய அரசு வெளியிட்ட அறிவிப்பில், லிட்டர் பெட்ரோலுக்கான கலால் வரி, 8 ரூபாயும்; டீசலுக்கான வரி, 6 ரூபாயும் குறைக்கப்பட்டது. இதையடுத்து, தமிழகத்தில் நேற்று லிட்டர் பெட்ரோல், 8.22 ரூபாய் குறைந்து, 102.63 ரூபாய்க்கும்; டீசல், 6.70 ரூபாய் குறைந்து 94.24 ரூபாய்க்கும் விற்பனையாகின.இதனால், மத்திய அரசுக்கு, லிட்டர் பெட்ரோல் மீது விதிக்கப்படும் கலால் வரியால் கிடைக்கும் வருவாய், 27.90லிருந்து, 19.90 ரூபாயாகவும்; டீசல் மீது விதிக்கப்படும் வரியால் கிடைக்கும் வருவாய், 21.80லிருந்து, 15.80 ரூபாயாகவும் குறைந்துள்ளது.அதேநேரத்தில், தமிழக அரசுக்கு, லிட்டர் பெட்ரோல் மீது விதிக்கப்படும் மதிப்பு கூட்டு வரியால் 21.95 ரூபாயும்; டீசல் மீதான மதிப்பு கூட்டு வரியால், 18.03 ரூபாயும் வருவாய் கிடைக்கிறது.


இதனால், பெட்ரோல், டீசல் மீதான விற்பனையால் கிடைக்கும் வரி வருவாயில், மத்திய அரசை விட, தமிழக அரசின் பங்கு அதிகரித்துள்ளது.தமிழக அரசுக்கு, பெட்ரோல், டீசல் மீது விதிக்கப்படும் மதிப்பு கூட்டு வரியால், 2021 -- 22ம் நிதியாண்டில், 23 ஆயிரம் கோடி ரூபாய் அளவுக்கு வருவாய் கிடைத்துள்ளது. மத்திய அரசை தொடர்ந்து, தி.மு.க.,வின் தேர்தல் வாக்குறுதியை நிறைவேற்றும் வகையில், பெட்ரோல் விலை லிட்டருக்கு மேலும் 2 ரூபாயும்; டீசல் விலையை லிட்டருக்கு 4 ரூபாயும் குறைக்குமாறு, வாகன ஓட்டிகள் தமிழக அரசுக்கு கோரிக்கை விடுத்துள்ளனர்


1,300/ 7.00-லிட்டர் பெட்ரோல் விலை நிர்ணயம் ரூபாயில்-அடிப்படை விலை - - 57.13சரக்கு கட்டணம் -௦௦.- 20 காசுமத்திய அரசு கலால் வரி -19.90டீலர் கமிஷன் --3.௪௫தமிழக அரசின் 'வாட்' - 21.95--விற்பனை விலை - - 102.63------------------------------------------------------------------------------லிட்டர் டீசல் விலை நிர்ணயம் - ரூபாயில்-----------------------------------------------------------------------------அடிப்படை விலை - - 57.92சரக்கு கட்டணம் ---- - ௦௦. 22 மத்திய அரசு கலால் வரி --- 15.80டீலர் கமிஷன் ---2.௨7தமிழக அரசின் 'வாட்' -- 18.03--விற்பனை விலை - - 94.24-தமிழகத்தில், பெட்ரோலின் அடிப்படை விலை, சரக்கு கட்டணம், மத்திய அரசின் கலால் வரி ஆகிய மூன்றையும் சேர்த்தால், எவ்வளவு தொகை வருகிறதோ, அதில், ௧௩ சதவீத தொகையும், அத்துடன், ௧௧.௫௨ ரூபாயும் சேர்த்து, 'வாட்' எனப்படும், மதிப்பு கூட்டு வரி விதிக்கப்படுகிறது. அதேபோல, டீசலின் அடிப்படை விலை, சரக்கு கட்டணம், மத்திய அரசின் கலால் வரி ஆகியவற்றின் கூட்டு தொகை மீது, 11 சதவீதமும், அதனுடன், 9.62 ரூபாயும் சேர்த்து, மதிப்பு கூட்டு வரி விதிக்கப்படுகிறது. தமிழகத்தில், பெட்ரோலின் அடிப்படை விலை, சரக்கு கட்டணம், மத்திய அரசின் கலால் வரி ஆகிய மூன்றையும் சேர்த்தால், எவ்வளவு தொகை வருகிறதோ, அதில் ௧௩ சதவீத தொகையும், அத்துடன் ௧௧.௫௨ ரூபாயும் சேர்த்து, 'வாட்' எனப்படும், மதிப்பு கூட்டு வரி விதிக்கப்படுகிறது. அதேபோல, டீசலின் அடிப்படை விலை, சரக்கு கட்டணம், மத்திய அரசின் கலால் வரி ஆகியவற்றின் கூட்டு தொகை மீது, 11 சதவீதமும், அதனுடன் 9.62 ரூபாயும் சேர்த்து, மதிப்பு கூட்டு வரி விதிக்கப்படுகிறது.






.

Telegram Banner

Dinamalar iPaper

Advertisement
 

Comment Here வாசகர் கருத்து (34)

  • M Ramachandran - Chennai,இந்தியா

    இங்கிலாந்தில் ஒரு லிட்டர் பெட்ரோல் விலை ரூபாய் நூற்றுஎழுபதி இரண்டு வரை விற்கிறார்கள் .நம் நாட்டில் ரூபாய் நூற்றி இரண்டு. மத்திய அரசய்ய குறைகூறுவதை விட்டு மாநில அரசுகளின் தண்ட செலவையை குறைக்க சொல்லுங்கள் .உருப்படியான வேலைய செய்வதாய் விட்டு ஒன்றியம் குன்றியம் என்றா ஆராய்ச்சி செய்யாமல் மக்களின் நலத்திற்கு உழைக்க சொல்லுங்கள்.

    • பாமரன் - நம்மூர்தான்,இந்தியா

      நீங்க இங்க பார்த்துகிட்டு இருக்கிற வேலைக்கு இங்கிலாந்துலேயும் அதே சம்பளம் குடுத்தா ஒத்துக்குவீங்களா

  • sankaseshan - mumbai,இந்தியா

    மத்திய அரசு வரியை தமிழக நிதி மந்திரியிடம் சொல்லி விட்டுத்தான் ஏற்ற வேண்டுமாம். டக்ளஸ் மத்திய அரசிடம் சொல்லிவிட்டு வரியை ஏற்றுகிறாரா அமெரிக்காவில் படித்து வேலை பார்த்து ஒரு இழவும் தெரியவில்லை

  • duruvasar - indraprastham,இந்தியா

    இரண்டு வாட்சிலும் லண்டன் மணியல்ல காட்டுது. பெண்டுலம் கடிகாரமும் இதே மாதிரி மலேசிய பணியல்ல காட்டுது.

  • Darmavan - Chennai,இந்தியா

    முன்பு மத்திய அரசை தூற்றியது இப்போது போற்றாது.கேவலம்

  • Suri - Chennai,இந்தியா

    விலைவாசி ஏற்றதினால் ரிசர்வ் வங்கி வட்டி விகிதத்தை மாற்றியது எதற்கு? அதன் மற்றோரு செயல் தான் இந்த விலை குரைப்பு. விலை குறைக்காமல் இருந்தால் ரிசர்வ் வாங்கி வட்டி விகிதத்தை மேலும் மாற்றி அமைக்கும். அதனால் ஏற்படும் பொருளாதார சுழற்சி எப்படிப்பட்ட பாதிப்பை ஏற்படுத்தும் என்று ஒன்றியத்துக்கு புத்தி வந்ததால் / சூடு பட்டதால் தான் இந்த விலை குறைப்பு. ஆனாலும் இந்த வரி குறைப்பு 2014 இல் இருந்ததை காட்டிலும் மிக மிக அதிகம் என்பதை பொதுமக்கள் அறிந்தே இருக்கிறார்கள்.

Advertisement
Headphone

வாசிக்க நேரம் இல்லையா?
செய்தியைக் கேளுங்கள்