dinamalar telegram
Advertisement

ராஜ்யசபா எம்.பி.,தேர்தலில் அ.தி.மு.க.,வேட்பாளர்கள் யார் ?

Share
Tamil News
ஜூன் 10ம்தேதி நடைபெறவுள்ள ராஜ்யசபா தேர்தலில், அ.தி.மு.க.,வுக்கு கிடைக்கவுள்ள இரண்டு இடங்களுக்கு அக்கட்சியின் வேட்பாளர்கள் பட்டியலில் இடம் பெறுவதற்கு அக்கட்சியினர் மத்தியில் கடும் போட்டி உருவாகி உள்ளது. தமிழகம் உள்ளிட்ட 15 மாநிலங்களில், 57 ராஜ்யசபா எம்.பி.,க்களுக்கான இடங்கள் காலியாக உள்ளது. இதில், தமிழகத்தில் காலியாக உள்ள 6 இடங்களுக்கான தேர்தல் ஜூன் 10ம்தேதி நடைபெறவுள்ளது.

அ.தி.மு.க., சார்பில் எஸ்.ஆர்.பாலசுப்பிரமணியன், விஜயகுமார், நவநீதகிருஷ்ணன், தி.மு.க., சார்பில் டி.கே.எஸ்.இளங்கோவன், ஆர்.எஸ்.பாரதி, ராஜேஷ்குமார் ஆகிய 6 பேர் பதவி காலியாகிறது. தற்போது நடைபெறவுள்ள ராஜ்யசபா தேர்தலில் தி.மு.க.,வுக்கு 4 எம்.பி.,க்களும், அ.தி.மு.க., வுக்கு 2 எம்.பி.,க்களும் இடம் பெற உள்ளனர்.அ.தி.மு.க., சார்பில் கிடைக்கவுள்ள இரண்டு பதவிகளுக்கு, அக்கட்சியினர் மத்தியில் கடும் போட்டி நிலவுகிறது.

இரண்டு எம்.பி.,க்களின் இடங்களை தலா ஒருவருக்கு என, அ.தி.மு.க., ஒருங்கிணைப்பாளர் பன்னீர்செல்வம், இணை ஒருங்கிணைப்பாளர் பழனிசாமி ஆகியோர் பிரித்துக்கொள்ள முடிவு செய்துள்ளனர். இந்நிலையில் அவர்கள் இருவரின் வீட்டிற்கு அவர்களின் ஆதரவாளர்கள் சீட்டு கேட்டு படையெடுக்கின்றனர்.

முன்னாள் அமைச்சர்கள் ஜெயகுமார், பொன்னையன், சி.வி.சண்முகம், கோகுலஇந்திரா மற்றும் அமைப்பு செயலர் ஜே.சி.டி.பிரபாகரன், மருத்துவ அணி நிர்வாகி டாக்டர் அபரூபா சுனந்தனி, நடிகை விந்தியா போன்றவர்கள் எம்.பி., பதவி கேட்டு வருகின்றனர்.

தற்போது வன்னியர், யாதவர், கிறிஸ்துவர் சமுதாயத்திற்கு பிரதிநிதித்துவம் இல்லை என்ற நிலை நிலவுகிறது. எனவே, வன்னியர் சமுதாயத்தினர் மத்தியில் சி.வி.சண்முகம், ஜே.சி.டி., பிரபாகரன்; யாதவர் சமுதாயத்தினர் மத்தியில் கோகுல இந்திரா, டாக்டர் அபரூபா சுனந்தனி ஆகியோர் இடையே கடும் போட்டி நிலவுகிறது. கிறிஸ்துவர், யாதவர் என்ற இரண்டு தகுதி அடிப்படையில் டாக்டர் அபரூபா சுனந்தனிக்கு வாய்ப்பு வழங்க வேண்டும். இவர் அரசியலுக்கு வரும் முன் அரசு டாக்டராக பணியாற்றினார்.

மறைந்த முன்னாள் முதல்வர் ஜெயலலிதாவால் அரசியலுக்கு அழைக்கப்பட்டதால், அரசு டாக்டர் பதவியை ராஜினாமா செய்து விட்டு கட்சியில் இணைந்து பணியாற்றி வருவதால் அவருக்கு வாய்ப்பு தர வேண்டும் என, கட்சியின் இரட்டை தலைமையிடம் மருத்துவ அணி நிர்வாகிகள் தரப்பில் மனு வழங்கப்பட்டுள்ளது.

இதற்கிடையில் நடிகை விந்தியாவும், சட்டசபை தேர்தலில் தீவிர பிரசாரத்தில் ஈடுபட்டார். ஜெயலலிதா உயிரோடு இருந்த போது, அவருக்கு எந்த தேர்தலில் போட்டியிட வாய்ப்பு வழங்காததால், அவருக்கு இந்த முறை வாய்ப்பு வழங்கப்படுமா என்ற கேள்வியும் எழுந்துள்ளது.
Share
Advertisement
 

Home வாசகர் கருத்து (16)

  • jayvee - chennai,இந்தியா

    விந்தியாவிற்கு வாய்ப்பு வழங்கவேண்டும்.. மற்றவர்கள் எல்லாம் அதிமுகவில் ஜாதி அல்லது பணம் அல்லது ஆள்பலத்துடன் இருந்து வருபவர்கள் ..

    • ஜெய்ஹிந்த்புரம் - மதுரை,இந்தியா

      ஹா ஹா ..

    • sankar - new jersy,யூ.எஸ்.ஏ

      வித்யாவுக்கு வாய்ப்பு கொடுக்க வேண்டாம் அடுத்த ஏலகிஷனுக்கு அவரை பயன்பாடதி பிரசாரம் செய்து ஜெயித்தவுடன் அவரை அமைச்சராக்க வேண்டும்

  • Vijay D Ratnam - Chennai,இந்தியா

    அதிமுக சார்பாக ராஜ்யசபா எம்.பி பதவிக்கு தகுதியான நபரை அனுப்பவேண்டும். சும்மா பெஞ்சு தேய்க்குற ஆளை அனுப்ப கூடாது. டெல்லி பாலிடிக்ஸ்க்கு இந்த கோகுல இந்திரா, வளர்மதி போன்ற கோமாளிகளை அனுப்பக்கூடாது. மயிலாப்பூர் தொகுதியின் முன்னாள் சட்டமன்ற உறுப்பினரும், முன்னாள் தமிழக டிஜிபி யுமான, நேர்மையான அதிகாரியாக மனிதராக அறியப்பட்ட ஆர்.நடராஜ் ஐ.பி.எஸ் அவர்களை ராஜ்யசபா எம்.பி பதவிக்கு தேர்வு செய்து அனுப்பவேண்டும். பனி ஓய்வுக்குப்பின் ஜெயலலிதாவின் அழைப்பின் பேரில் அதிமுகவில் இணைந்தவர். தமிழ்நாடு பப்ளிக் சர்வீஸ் கமிஷன் தலைவராக பல சீர்திருத்தங்களை செய்து மிகச்சிறப்பாக பணியாற்றியவர், இரண்டு முறை ஜனாதிபதியின் தங்கப்பதக்கம் பெற்றவர், நான்கு ஆண்டுகள் அண்டை நாடான நேபாள தலைநகர் காத்மாண்டுவில் இந்தியன் ஹைகமிஷனராக பணியாற்றியவர். இவரை விட தகுதியானவர், பொருத்தமானவர் யாராவது தமிழக அரசியலில் இருக்கிறார்களா? ஆர்.நடராஜ் IPS அவர்களை அதிமுக சார்பாக ராஜ்யசபா எம்பி யாக தேர்வு செய்து அனுப்பவேண்டும். செய்வீர்களா நீங்கள் செய்வீர்களா.

  • ramesh - chennai,இந்தியா

    விந்தியாவுக்கு வாய்ப்பு வழங்கும் அளவுக்கு ஆதிமுக பலவீனம் ஆகி விட்டதா

    • ஜெய்ஹிந்த்புரம் - மதுரை,இந்தியா

      மார்க்கட்டு சரிந்து விட்டதா? ஹா ஹா ..

    • sankar - new jersy,யூ.எஸ்.ஏ

      தைர்யம் இருந்தால் ஸ்டைல் விந்தியாவுடன் ஒரேய மேடையில் உரையாட தயாரா

  • Mohan - Thanjavur ,இந்தியா

    வாய்ப்பு கொடுக்கலன்னா அபரூபம் சுயரூபம் எடுத்துடும், விந்தியா இந்தியாவ விட்டு கிளம்பிடும்.

  • SKANDH - Chennai,இந்தியா

    அன்னான் ஜெயக்குமாரை MP ஆக்குவது கட்சிக்கு நல்லது ஆனால் 2024 இல் சட்டசபை தேர்தல் நடக்கும் பட்சத்தில் ஜெயக்குமார், C V ஷண்முகம் ஆகியோர் இங்கு தேவைப்படுவார்கள். யார் MP ஆகிறாரோ இனி MLA பதவிக்காக ராஜினாமா கிடையாது. இந்த பதவி அலங்கார பதவி கிடையாது. நான் தேர்தெடுத்துவிட்டான், அண்ணன்கள் ஜெயக்குமார், C V ஷண்முகம் தான்.இந்த இரட்டையர் இல்லாவிட்டால் , பொன்னையன், விந்தியா அக்கா தான்.

Advertisement