100 பேரை மீட்டது ராணுவம்

ஜம்மு : ஜம்மு - காஷ்மீரில் ஆற்றில் ஏற்பட்ட வெள்ளப்பெருக்கில் மரப்பாலம் அடித்துச் செல்லப்பட்டது. இதனால், மறுகரையில் சிக்கித் தவித்த, நுாற்றுக்கும் மேற்பட்டோரை ராணுவம் மீட்டது.

ஜம்மு - காஷ்மீரில் உள்ள சிசோட்டி கிராமத்தில், 12ம் தேதி மாலை திடீரென வெள்ளப் பெருக்கு ஏற்பட்டது. ஆற்றில் குறுக்கே இருந்த மரப்பாலம் வெள்ளத்தில் அடித்துச் செல்லப்பட்டது. இதனால், மறுகரையில் நுாற்றுக்கும் மேற்பட்டோர் சிக்கித் தவித்தனர். தகவல் அறிந்து வந்த ராணுவ வீரர்கள் அங்கிருந்த பொருட்களை பயன்படுத்தி தற்காலிக பாலம் அமைத்து, கிராம மக்களை பாதுகாப்பாக மீட்டனர். அங்கு, நிரந்தர பாலம் கட்டும் -பணி ஏற்கனவே நடந்து வருகிறது.