dinamalar telegram
Advertisement

மகிந்த ராஜபக்சேவை கைது செய்யக்கோரி நீதிமன்றத்தில் வழக்கு

Share
Tamil News
கொழும்பு: அமைதியாக போராட்டம் நடத்தியவர்கள் மீது தாக்குதல் நடத்த சதித்திட்டம் தீட்டியதற்காக இலங்கை முன்னாள் பிரதமர் ராஜபக்சே உள்ளிட்ட 7 பேரை கைது செய்ய உத்தரவிட வேண்டும் எனக்கூறி கொழும்பு நீதிமன்றத்தில் வழக்கறிஞர் ஒருவர் வழக்கு தொடர்ந்துள்ளார்.

இலங்கையில் ஏற்பட்டுள்ள பொருளாதார நெருக்கடி காரணமாக, பொது மக்கள் போராட்டம் நடத்தி வருகின்றனர். அதிபர் கோத்தபயா, பிரதமராக இருந்த மகிந்த ராஜபக்சே பதவி விலகக்கோரி போராட்டம் நடந்தது. அப்போது, மக்கள் மீது ராஜபக்சே ஆதரவாளர்கள் தாக்குதல் நடத்தினர். இதற்கு மக்களும் பதிலடி கொடுக்க போராட்டம் வன்முறையாக மாறியது. மகிந்த உள்ளிட்ட ஆளுங்கட்சியினர் வீடுகளுக்கு தீவைக்கப்பட்டது. இதனையடுத்து மகிந்த பிரதமர் பதவியில் இருந்து விலகினார். அவர்களுக்கு எதிராக தொடரப்பட்ட வழக்கு ஒன்றில், மகிந்த ராஜபக்சே, அவரது மகன் நமல் உள்ளிட்ட சிலர் வெளிநாடுகளுக்கு செல்ல தடை விதித்து நீதிமன்றம் உத்தரவிட்டுள்ளது.

இந்நிலையில், டெம்பிள் ட்ரீஸ் மற்றும் கலே பகுதியில் அமைதியாக போராட்டம் நடத்தியவர்கள் மீது தாக்குதல் நடத்துவதற்காக சதித்திட்டம் தீட்டி குற்றச்செயலில் ஈடுபட்ட மகிந்த ராஜபக்சே உள்ளிட்ட 7 பேரை கைது செய்ய குற்றப்பிரிவு விசாரணை துறைக்கு உத்தரவிட வேண்டும் என வழக்கறிஞர் ஒருவர் கொழும்பு நீதிமன்றத்தில் வழக்கு தொடர்ந்துள்ளார்.
Share
Advertisement
 

Home வாசகர் கருத்து (6)

  • Ramesh Sargam - Currently in Cupertino, California.,இந்தியா

    தமிழகத்தில் இலவசங்களை பெற்று தகுதி இல்லாதவர்களை ஆட்சியில் அமர்த்தினர் தமிழக மக்கள். அங்கு, ராஜபக்சே ஒரு பெரிய திருடன் என்று தெரிந்தும், இலவசங்கள் எதுவும் பெறாமலேயே அவனை ஆட்சியில் அமர்த்தி தவறு செய்தனர் அங்குள்ள மக்கள்.

  • mindum vasantham - madurai,இந்தியா

    நம் நாட்டின் உளவு துறை சிறப்பாக செயல்பட்டு வீழ்த்தியுள்ளது இப்போ இவர் நியூஸ் எதுக்கு இப்ப ஒருத்தன் வந்து ப்ரபாரனுக்கே நான் தான் துப்பாக்கி பிடிக்க கத்து கொடுத்தேன் என்று அளந்து விடுவான்

  • raja - Cotonou,பெனின்

    கடவுள் இருக்கான் குமாரு.....கண்டிப்பா முள்ளிவாய்க்கால் படுகொலையும் விசாரித்து தண்டனை கொடுக்கணும்.......

    • Sanny - sydney,ஆஸ்திரேலியா

      ராஜபக்சேயை கைது செய்தால், பாராளுமன்றத்தில் அங்கம் வகித்த ஆளும் கட்சி உறுப்பினர் எல்லோருமே உள்ளேபோகவேண்டி வரும்.

  • ஆரூர் ரங் -

    தப்பானவர்களுக்கு ஓட்டு போட்டுவிட்டு😛 பிறகு தைதையெனக் குதிப்பதில் அர்த்தமில்லை . டாஸ்மாக் டுமீல்ஸ் செய்த தவறும் இதுதான்

  • Rafi - Riyadh,சவுதி அரேபியா

    திசை திருப்பி, வழக்கு பக்கம் சிந்தனையை கொண்டு சேர்க்க பார்க்கின்றார்கள். அதிபர் விலகாத வரை தீர்வு காண முடியாது என்பதே அம்மக்களின் வேண்டுகோளாக இருக்கு.

Advertisement