dinamalar telegram
Advertisement

திருவாரூர் மாடல் போராட்டங்கள்! தி.மு.க., அரசுக்கு எதிராக பா.ஜ., திட்டம்

Share
Tamil News
சென்னை: ''கருணாநிதி பிறந்த மண்ணிலேயே, தி.மு.க., அரசுக்கு எவ்வளவு எதிர்ப்பு இருக்கிறது என்பதை காட்டிய ஒரு நிகழ்வு தான், திருவாரூரில் பா.ஜ., நடத்திய ஆர்ப்பாட்டம். மக்கள் எழுச்சியோடு திரண்டதால் இனி, இதே மாடலில் தான், பா.ஜ., தன் போராட்டங்களை முன்னெடுத்து செல்லும்,'' என்கிறார், தமிழக பா.ஜ., தலைவர் அண்ணாமலை.

அவர் அளித்த பேட்டி:



திருவாரூர் ஆன்மிக பூமி. தியாகராஜர் கோவில் அங்கே பிரதானம். கோவிலை சுற்றிலும் இருக்கும் பிரதான வீதிகளில், ஆசியாவிலேயே மிகப் பெரிய தேரோட்டம் நடக்கிறது. அந்த வீதிகளில், தியாகராஜரே நடந்து சென்றதாக ஐதீகம். மக்களின் நம்பிக்கையும் அது தான்.அப்படிப்பட்ட வீதிகளில் ஒன்று தான், அங்கிருக்கும் தெற்கு வீதி. அதாவது, தெற்கு ரத வீதி. அந்த வீதியின் பெயரை, தற்போதைய தி.மு.க., ஆட்சியில், 'கலைஞர் கருணாநிதி வீதி' என, மாற்றியுள்ளனர். நகரசபையில் தீர்மானம் போட்டு, தெற்கு வீதிக்கு பெயர் மாற்றம் செய்துள்ளனர்.

அரசுக்கு எதிராக...யார் யோசனையில் அப்படி செய்தனர் என்பது தேவையில்லை. ஆனால், அதை அங்கிருக்கும் மக்கள் ஏற்கவில்லை. இத்தனை ஆண்டு காலம், 'தெற்கு வீதி' என்ற பெயரில் இயங்கி வந்த வீதிக்கு, பகுத்தறிவு அரசியல் செய்தவரின் பெயர் சூட்டியதை, அங்கிருக்கும் மக்கள் ஏற்கவில்லை.

இதையடுத்தே, அங்கு போராட்டம் அறிவிக்கப்பட்டது. குறுகிய கால ஏற்பாடு தான் என்றாலும், திருவாரூர் மற்றும் மயிலாடுதுறை மாவட்டங்களுக்கு, புதிதாக நியமிக்கப்பட்டுள்ள பாஸ்கர் மற்றும் அகோரம் ஆகிய இருவரும் மிகச் சிறப்பாக பணியாற்றி, எழுச்சியோடு மக்களை பங்கேற்க வைத்துள்ளனர்.இனி, தமிழகம் முழுதும் இந்த, 'திருவாரூர் மாடல்' போராட்டங்கள், அரசுக்கு எதிராக எழுச்சியோடு நடத்தப்படும்.
இத்தனை ஆண்டு காலமும், 'டெல்டா மாவட்டங்களில் எங்களை யாரும் அசைக்க முடியாது' என்று கூறி வந்த தி.மு.க.,வினர், பா.ஜ., போராட்டத்துக்கு வந்த மக்கள் எழுச்சியை கண்டு, மிரண்டு உள்ளனர்.உழைக்கும் தலைவர்கள்டெல்டா மாவட்டங்களில், தங்கள் ஆதிக்கத்தை மக்கள் விரும்பவில்லை என்பதை உணர்ந்து கலங்கி உள்ளனர். பா.ஜ.,வை தேடி மக்கள் ஆர்வத்தோடு வரத் துவங்கி விட்டனர் என்பது தான், இந்த போராட்டம் சொல்லும் விஷயம்.

பா.ஜ.,வின் கட்டமைப்பு கொஞ்சம் கொஞ்சமாக வலுப்பெற்று வருகிறது என்பதற்கு, இந்த போராட்ட வெற்றி எடுத்துக்காட்டு.சமீபத்தில் தான், பா.ஜ., நிர்வாக கட்டமைப்பில் மாற்றம் செய்யப்பட்டது. ஒவ்வொரு மாவட்டத்துக்கும், தலைவரை பார்த்து பார்த்து நியமித்திருக்கிறோம். பா.ஜ., சார்பில் ஒரு நிகழ்ச்சி என்றால், மற்ற பிரதான கட்சி நிர்வாகிகளை போல, எழுச்சியோடு மக்களை திரட்டி வர வைக்கும் வல்லமை கொண்டவர்களாக நியமித்திருக்கிறோம்.

ஒவ்வொருவரும் தங்கள் தகுதியை தலைமைக்கு நிரூபித்து வருகின்றனர். பா.ஜ., தேசிய தலைமை, மாநில தலைவர்களிடம் என்னவெல்லாம் எதிர்பார்க்கிறதோ, அதை மாநில தலைமை, மாவட்ட தலைவர்களிடம் எதிர்பார்க்கிறது.தகுதியோடு தான் இருக்கிறோம் என்பதை நிரூபிக்க, மாவட்ட தலைவர்கள் ஓடோடி உழைக்கின்றனர்.இலக்கை நோக்கிஇனி, உழைத்தால் மட்டுமே பா.ஜ.,வில் பொறுப்பில் இருக்க முடியும் என்பதை எல்லாரும் உணர்ந்துள்ளனர்.

சொல்லப் போனால் கட்சியில், அது எல்லாருக்குமான பொது விதியாகி விட்டது. அதனால், பா.ஜ., முழு வேகத்தில் இலக்கை நோக்கி பயணிக்கிறது.பா.ஜ., செல்லும் வேகத்தை முழுதுமாக விரும்பும் மக்கள், இன்றைக்கு லோக்சபா தேர்தல் வைத்தால் கூட, குறைந்தபட்சம், 10 தொகுதிகளில் கட்சியை வெற்றி பெற வைக்க தயாராக உள்ளனர்.

பா.ஜ., போராட்டத்துக்காக திருவாரூரில் திரண்ட மக்கள் வெள்ளத்தை பார்த்து, அங்கிருக்கும் தி.மு.க., கம்யூனிஸ்ட், விடுதலை சிறுத்தைகள், காங்கிரஸ் கட்சியினர் என ஆளும் கூட்டணியினர் கதிகலங்கி உள்ளனர். டெல்டா மாவட்டங்கள், பா.ஜ., வசமாகும் என்பது உறுதியாகி விட்டது.அதிர்ச்சிதிருவாரூரில் தியாகராஜர் தேர் ஓடும் தெற்கு வீதி, தெற்கு வீதியாகவே தொடர, பா.ஜ., தொடர்ந்து போராடும்.

நகரசபை தீர்மானத்தை வாபஸ் வாங்க வேண்டும். இனி, மக்கள் விரும்பாத விஷயங்களை, தி.மு.க., அரசு தொடர்ந்து செய்ய முடியாது.திருவாரூரில் பா.ஜ., போராட்டத்துக்கு மக்கள் பெரு வெள்ளமாக கூடுவர் என, ஆளும் கட்சியினர் எதிர்பார்க்கவில்லை. மக்கள் கூட்டத்தை பார்த்து, அதிர்ச்சி அடைந்துள்ளனர். அதனால், திருவாரூர் போராட்ட புகைப்படங்களை, சித்தரிக்கப்பட்ட படம் என, 'புருடா' விட்டு கொண்டிருக்கின்றனர். அவர்களின் நிலை, இப்படி ஆகி விட்டது! இவ்வாறு அண்ணாமலை கூறினார்.
Share
Advertisement
 

Home வாசகர் கருத்து (76)

  • sankar - london,யுனைடெட் கிங்டம்

    ஒரு திட்டம் போட்டு இறங்கினால்... இப்படி கவுத்து போட்டு விட்டார்.. தேர் ஓடும் வீதிகள் நான்கு முதலில் இப்போது கருணாநிதி பெயர் வைத்து விட்டால்? பின்னர் திராவிட மாடல்? வழிப்படி.. மனைவி பெயர்.. துணைவி பெயர்.. அப்புறம் இணைவி பெயர் எப்படி எங்க திராவிட கொள்கை..

  • Indian - Vellore,இந்தியா

    பணம் வாரி இறைத்தால் ஆயிரக்கணக்கில் என்ன லட்சக்கணக்கில் மக்களை திரட்டலாம்

  • bal - chennai,இந்தியா

    இந்த கூட்டத்தை நம்பாதீங்க..ட்ரைன்ல டிக்கெட் இல்லாம வந்தவன் குடும்பம் ஐம்பது வருடத்தில் எத்தனை ஆயிரம் கோடி சொத்துக்கு அதிபதி..இப்போது கூட இவர்கள் திமுகவுக்கு குவாட்டர், பிரியாணி மற்றும் துட்டுக்குதான் வோட்டு போட்டனர்...இவர்கள் திருந்த மாட்டார்கள்..காமராஜரையே கவுதவர்கள்.

  • Rajarajan - Thanjavur,இந்தியா

    பா.ஜ.க. இரண்டு வேலைகளை தமிழகத்தில் முக்கியமாக செய்தால், மிகவும் புண்ணியமாக போகும். ஒன்று, இலங்கையில் ராஜபக்ஷேவின் சொத்து விவரங்களை அம்பலப்படுத்தியதுபோல, தமிழ்நாட்டில் தி.மு.க. தலை முதல் வால் வரை உள்ள அதிகாரங்களின் சொத்து விவரத்தை ஆதாரத்தோடு, பொதுமக்களிடத்தில் வெளியிடவேண்டும். இரண்டாவது, ராமாசாமியின் அறக்கட்டளையை அரசுடைமையாக்க வேண்டும். பிறகு பாருங்கள், மொத்த தமிழகமும் உங்களுக்கு ஆதரவாக ஒன்று திரள்வதை. இதைவிட, எளிமையாக வெல்ல உங்களுக்கு யாரும் எந்த வழியும் காட்ட மாட்டார்கள். கையில் வெண்ணை, நெய்யாய் உருக்குங்கள் அதிரடியாக மற்றும் விரைவாக. இரண்டாவது வேண்டுமானால் நேரம் பிடிக்கும். ஆனால், முதலில் சொன்னது, அதிவிரைவாக செய்து முடிக்க முடியும். தமிழகத்தில் அதன் பின்னர், ஏற்படும் எழுச்சியை பாருங்கள்.

  • PUSHYA PUTHTHIRN - chennai,இந்தியா

    இங்கே டீம்காவுக்கு ஜெயலலிதா இருந்த போது எப்படி சிம்ம சொப்பனமாக விளங்கினாரோ அந்த இடத்தில் இப்போ அண்ணாமலை வந்து கர்ஜிக்கிறார்-..இது டீம்கா எதிரே பாக்காத ஒன்று-.....உபிசுக்கும் கைத்தடிகளுக்கும், 200 ரூபாய் வெத்து வேட்டுகளுக்கும் தூக்கம் போச்சு......

Advertisement
Headphone

வாசிக்க நேரம் இல்லையா?
செய்தியைக் கேளுங்கள்