Load Image
dinamalar telegram
Advertisement

பின் வாங்கினார் பிரஷாந்த் கிஷோர்: காங்கிரசில் சேர மறுப்பு

Tamil News
ADVERTISEMENT
புதுடில்லி: பிரபல தேர்தல் வியூக நிபுணர் பிரசாந்த் கிஷோர், காங்கிரசில் இணைய மறுத்து விட்டார்.
தேர்தல் வியூக நிபுணரான பிரசாந்த் கிஷோர், தன்னுடைய 'ஐ - பேக்' என்ற நிறுவனம் வாயிலாக, பல்வேறு கட்சிகளுக்கு அரசியல் ஆலோசனைகளை வழங்கி வருகிறார். இதற்கிடையே, காங்கிரஸ் கட்சிக்கு புத்துயிர் அளித்து, அக்கட்சியை மீண்டும் ஆட்சியில் அமர செய்ய தன்னிடம் திட்டங்கள் இருப்பதாக கடந்த ஆண்டு தெரிவித்த அவர், அக்கட்சியில் தன்னை இணைத்துக் கொள்ளவும் விருப்பம் தெரிவித்தார்.
இதற்காக, காங்., தலைமையுடன் பிரசாந்த் கிஷோர் தொடர்ந்து பேச்சு நடத்தி வந்தார். தேர்தல் வியூக நிபுணர் பிரசாந்த் கிஷோரை கட்சியில் சேர்ப்பது குறித்து நடந்த ஆலோசனை கூட்டத்தில், இறுதி முடிவு எடுக்க முடியாமல் காங்கிரஸ் திணறியது.

மறுப்பு



இந்நிலையில், காங்கிரஸ் கட்சியின் ரன்தீப் சுர்ஜிவாலா வெளியிட்ட அறிக்கையில் கூறியதாவது: பிரசாந்த் கிஷோருடனான நீண்ட ஆலோசனைக்கு பிறகு, அதிகாரம்மிக்க குழு ஒன்றை அமைத்த காங்கிரஸ் தலைவர் சோனியா, அக்குழுவின் ஒரு பகுதியாக கட்சியில் சேர அவருக்கு அழைப்பு விடுத்தார். ஆனால், அதனை ஏற்க பிரசாந்த் கிஷோர் மறுத்துவிட்டார். இவ்வாறு அந்த அறிக்கையில் கூறியுள்ளார்.

தலைமை தேவை



Latest Tamil Newsஇது தொடர்பாக பிரசாந்த் கிஷோர் வெளியிட்ட அறிக்கையில், கட்சியில் இணைய வேண்டும் என்ற காங்கிரசின் மிகச்சிறந்த வாய்ப்பை நிராகரித்துவிட்டேன். எனது தாழ்மையான கருத்துப்படி, கட்சிக்கு என்னை விட, சீர்திருத்தங்கள் மூலம் ஆழமாக வேரூன்றியுள்ள உள்கட்டமைப்பு பிரச்னைகளை தீர்க்கும் தலைமை மற்றும் ஒட்டுமொத்தமான பொறுப்பு தேவை. இவ்வாறு அவர் கூறியுள்ளார்.

Telegram Banner
Advertisement
 

Comment Here வாசகர் கருத்து (29)

  • வீரா -

    தன்னிச்சையாக செயல்பட்டு காங்கிரஸ் கட்சியின் தேர்தல் பட்ஜெட் பணத்தை தன் கிளை நிறுவனங்களுக்கு திருப்பி விட்டு ஆயிரம் கோடியாவது கொள்ளை அடிக்க திட்டமிட்டான். இவன் சிறிய முதலை ஆனால் காங்கிரஸ் ஒரு அனகோண்டா. இந்தியா முழுதும் வேலை செய்ய காங்கிரஸ்ஸிடம் மொத்தமாக பணம் வாங்கிவிட்டு பாதி மாநிலங்களில் காங்கிரசுக்கு எதிராக மாநில கட்சிகளுக்கு வேலை பார்ப்பேன் என்றால் என்ன நியாயம்.இந்திரா, நரசிம்மராவ் மாதிரி தலைமையிருந்தால் பி கே வை அருகில் கூட அனுமதித்து இருக்கமாட்டார்கள்.

  • Lion Drsekar - Chennai ,இந்தியா

    போகிற போக்கைப்பார்த்தால் ஒரு நடத்துதரகரை பிரதமராக்காமல் விடமாட்டார்கள் போல் இருக்கிறது .மக்களுக்காக என்று இயங்கும் இயக்கங்கள் எல்லாம் தங்கள் குடும்பத்துக்கு என்றானதால் செய்ததை கூறமுடியாமல் ஒரு வியாபாரியிடம் தங்களது இயக்கங்களை வாடகைக்கு விட்டு , பிழைப்பு நடத்தவேண்டிய ஒரு நிலை, வந்தே மாதரம்

  • Ramesh Sargam - Back in Bengaluru, India.,இந்தியா

    நான் அன்றே கூறினேன். இந்த பிரசாந்த் கிஷோறை நம்பி எந்தவொரு கட்சியும் எந்தவொரு வேளையிலும் ஈடுபடக்கூடாது என்று. இவர் ஒரு குழப்பவாதி. No steady mind set. How people call him பிரபல தேர்தல் வியூக நிபுணர் என்று?

  • Davamani Arumuga Gounder - Namakkal,இந்தியா

    காங்கிரஸ் கட்சிக்கு ...., சீர்திருத்தங்கள் மூலம் ஆழமாக வேரூன்றியுள்ள உள்கட்டமைப்பு பிரச்னைகளை தீர்க்கும் தலைமை மற்றும் ஒட்டுமொத்தமான பொறுப்பு தேவை.

  • கு.ரா.பிரேம் குமார் பெங்களூர் -

    137 வருடங்களை கடந்த காங்கிரஸ் கட்சியில் எந்த முடிவையும் தைரியமாக தனியாகவே அல்லது கூட்டாக சேர்ந்தோ எடுக்கும் தலைவர்கள் இல்லை என்பதை அரசியல் வியாபாரி பிரசாந்த் கிஷோரை கட்சியில் சேர்ப்பதில் நீடித்த குழப்பத்திலிருந்தும் அவருக்கு கட்சியில் சேர விருப்பமில்லை என கட்சி தலைமையே அறிக்கை விட வேண்டிய நிலையிலிருந்தும் நமக்கு தெளிவாகிறது. ஒரு பரிதாபமான நிலையை பிரசாந்த் கிஷோர் காங்கிரஸ் கட்சிக்கும் அதன் தலைவர்களுக்கும் ஏற்படுத்தி, கட்சிக்கு மேலும் ஒரு சறுக்கலையும் சோர்வையையும் ஒரே நேரத்தில் உண்டாக்கி விட்டார்.

Advertisement
Headphone

வாசிக்க நேரம் இல்லையா?
செய்தியைக் கேளுங்கள்