dinamalar telegram
Advertisement

தி.மு.க., எம்.எல்.ஏ., மீது போலீசில் சென்னை மாநகராட்சி புகார்

Share
Tamil News
சென்னை: மாநகராட்சி இளநிலை பொறியாளர் தாக்கப்பட்டது தொடர்பாக தி.மு.க., எம்.எல்.ஏ., சங்கர் மீது போலீசில் சென்னை மாநகராட்சி சார்பில் புகார் அளிக்கப்பட்டது.

நேற்று முன்தினம்(ஜன.,27) அதிகாலை சென்னை திருவொற்றியூர், 10வது வார்டு, நடராஜன் தோட்டம் பகுதியில், தார் சாலை போடும் பணி நடந்தது. அப்போது, எம்.எல்.ஏ., மற்றும் அவரது ஆதரவாளர்கள் அங்கு வந்துள்ளனர்.தார் சாலை தரம் குறித்து, கேள்வி எழுப்பியபோது, மாநகராட்சி அதிகாரிகள் - எம்.எல்.ஏ., மற்றும் அவரது ஆதரவாளர்களுடன் வாக்குவாதம் ஏற்பட்டுள்ளது. இதில், எம்.எல்.ஏ., மற்றும் அவரது ஆதரவாளர்கள், இளநிலை பொறியாளர், ஊழியர்களை தாக்கியதாக கூறப்படுகிறது. இந்த சம்பவம் வெளியாகி பரபரப்பை ஏற்படுத்தியது. இதனையடுத்து, சங்கரின் வகித்து வந்த திருவொற்றியூர் தி.மு.க., மேற்கு பகுதி செயலர் பதவியில் இருந்து நீக்கப்பட்டார்.

இந்நிலையில் சென்னை மாநகராட்சி கமிஷனர் ககன்தீப் சிங் பேடி, எம்.எல்.ஏ., சங்கர் மீது புகாரளித்து சென்னை போலீஸ் கமிஷனர் அலுவலகத்திற்கு அனுப்பப்பட்ட கடிதத்தில், இளநிலை பொறியாளர் தாக்கப்பட்ட சம்பவம் தொடர்பாக விசாரணை நடத்த வேண்டும் எனக்கூறப்பட்டுள்ளது.
Share
Advertisement
 

Home வாசகர் கருத்து (43)

  • konanki - Chennai,இந்தியா

    விடியல் அரசின் டிரெய்லர் தான் இது. இனிமேல் தான் மெயின் பிக்சர் வரும் தயாராக இரும்

  • meenakshisundaram - bangalore,இந்தியா

    உடனடியாக ஸ்டாலின் (முன்னாள் மேயர்) ஒரு 'ஆய்வு 'செயது குழு அமைத்து மகன் மேல் தேரோட்டி கன்றுக்கு நியாயம் வழங்கிய சோழ மன்னனை போல சமூக நீதி யை நிலை நாட்டுவார் என்று வாக்களித்த மக்கள் நினைப்பார்களாக

  • Barakat Ali - Medan,இந்தோனேசியா

    தி.மு.க., வில் மாவட்ட செயலாளர்கள் தரும் வேட்பாளர் பட்டியலில் உள்ளவர்களின் குற்றப்பின்னணியை ஆராய்ந்து வேட்பாளர்களை இறுதி செய்ய கட்சி தலைமை முடிவு செய்துள்ளது.

  • a natanasabapathy - vadalur,இந்தியா

    அப்ப பிக்ஷன் சிங்க் மாற்றப்படுவது உறுதி என்ன தைரியம் இருந்தால் ஆளும் கட்சி mla வுக்கு எதிராக புகார் அளிப்பார்

  • Anand - chennai,இந்தியா

    அடுத்த சில தினங்கள் கழித்து, அய்யா எங்களை யாரும் அடிக்கவில்லை, அடித்தது போல கனவு கண்டோம் என கூறினாலும் ஆச்சர்யப்படுவதற்கொன்றுமில்லை....... அப்படிப்பட்ட ஆட்சி.

Advertisement