dinamalar telegram
Advertisement

ஏர் - இந்தியா நிர்வாக மாற்றம்: விமானங்களில் அறிவிப்பு

Share
Tamil News
புதுடில்லி : 'ஏர் - இந்தியா' விமானங்களில் புறப்பாடுக்கு முன்னதாக, அந்நிறுவனம், 'டாடா' குழுமத்தின் கட்டுப்பாட்டுக்குள் வந்த தகவல், விமானி வாயிலாக பயணியருக்கு அறிவிக்கப்பட்டது.


மத்திய அரசின் கட்டுப்பாட்டில் இருந்த, 'ஏர் - இந்தியா' நிறுவனத்தை, 'டாடா' குழுமத்தின் துணை நிறுவனமான, 'டாலெஸ் பிரைவேட் லிமிடெட்' 18 ஆயிரம் கோடி ரூபாய்க்கு கடந்த ஆண்டு ஏலத்தில் எடுத்தது.

இதையடுத்து, நிறுவனத்தை முறைப்படி ஒப்படைக்கும் பணி நேற்று முடிவடைந்தது; 69 ஆண்டுகளுக்குப் பின், ஏர் - இந்தியா மீண்டும் டாடா வசம் வந்தது.
இந்நிலையில் ஏர் - இந்தியா விமானங்களின் பயணத்தின் போது, இந்த நிர்வாக மாற்றம் தொடர்பான தகவல் பயணியருக்கு அறிவிக்கப்பட்டது. விமானங்கள் புறப்படுவதற்கு முன், விமானிகள் ஒலிபெருக்கி வாயிலாக இந்த தகவலை பயணியருடன் பகிர்ந்து கொண்டனர் அதன் விபரம்:

அன்பான பயணியருக்கு, நான் உங்கள் விமானி பேசுகிறேன். வரலாற்று சிறப்புமிக்க பயணத்திற்கு உங்களை வரவேற்கிறோம். 69 ஆண்டுகளுக்கு பின், ஏர் - இந்தியா நிறுவனம் மீண்டும் டாடா குழுமத்தின் வசம் வந்துள்ளது. ஒவ்வொரு ஏர் - இந்தியா விமானத்திலும் புதுப்பிக்கப்பட்ட சிறப்பான சேவையை உங்களுக்கு அளிக்க ஆர்வத்துடன் காத்திருக்கிறோம். ஏர் - இந்தியாவின் எதிர்காலத்திற்கு உங்களை வரவேற்கிறோம். மகிழ்ச்சியான பயணத்திற்கு வாழ்த்துக்கள். நன்றி.இவ்வாறு அறிவிக்கப்பட்டது.
Share
Advertisement
 

Home வாசகர் கருத்து (10)

  • ArGu - Chennai,இந்தியா

    இன்னும் எத்தனை நாட்களுக்கு தான் அரசாங்கம் தனது அரசு வேலையே விட்டுவிட்டு இந்த மாதிரி தொழில் நடத்திக்கொண்டிருக்கும் என்று தெரியவில்லை.

  • Manivasagam - Chennai,இந்தியா

    அடுத்தது எந்த நிறுவனம்? மக்களின் ஆதரவோடு இயங்கும் எல்ஐசி யா? விற்கும் பணம் எல்லாம் எங்கே போகிறது?

  • Sivanandham - Thanjai,இந்தியா

    இந்திய திருநாட்டை இந்த கொள்ளைக்கார கூட்டத்திடமிருந்து காப்பாற்று இறைவா....

  • Sivanandham - Thanjai,இந்தியா

    ……

  • Sivanandham - Thanjai,இந்தியா

    இனிமேல் என்ன பாக்கி இருக்கு? இஸ்ரோ, DRDO நிறுவனங்களையும் விற்று பாக்கெட்டில் போட்டுக்கொள்ளலாம். கேட்பதற்கு யாரும் இல்லையே. மக்கள் அடுத்த தேர்தலில் இவனுங்களை தூக்கியெறிந்தால்தான் நாடு உருப்படும்.

Advertisement
Headphone

வாசிக்க நேரம் இல்லையா?
செய்தியைக் கேளுங்கள்