dinamalar telegram
Advertisement

டாக்டராக வயது ஒரு தடையில்லை: 61 வயதில் நீட் தேர்வில் வெற்றி பெற்ற ஆசிரியர்

Share
Tamil News
ADVERTISEMENT
சென்னை: தர்மபுரியை சேர்ந்த 61 வயதான ஓய்வுப்பெற்ற ஆசிரியர் ஒருவர் நீட் தேர்வில் வெற்றிப்பெற்று, மருத்துவ கவுன்சிலிங்கில் பங்கேற்க வந்துள்ளது ஆச்சரியத்தில் ஆழ்த்தியுள்ளது.

மருத்துவப் படிப்பில், மாற்றுத் திறனாளிகள், முன்னாள் ராணுவ வீரர்களின் வாரிசுகள், விளையாட்டு பிரிவினர் ஆகியோருக்கான சிறப்பு பிரிவு கவுன்சிலிங், சென்னை, ஓமந்துாரார் அரசு பல்நோக்கு மருத்துவமனையில், நேற்று நடந்தது. இதில், அரசு மருத்துவ கல்லுாரிகளில், 71 எம்.பி.பி.எஸ்., - இரண்டு பி.டி.எஸ்., என, 73 இடங்கள் நிரம்பியுள்ளன. அரசு பள்ளி மாணவர்களுக்கான, 7.5 சதவீத உள்ஒதுக்கீட்டுக்கு, இன்று (ஜன.,28) கவுன்சிலிங் துவங்கியது.
இன்றும், நாளையும், 436 எம்.பி.பி.எஸ்., - 97 பி.டி.எஸ்., என, 533 இடங்களுக்கு, கவுன்சிலிங் நடைபெறுகிறது. இதில் 61 வயதான ஓய்வுப்பெற்ற ஆசிரியர் ஒருவரும் பங்கேற்றுள்ளது பலரையும் ஆச்சரியத்தில் ஆழ்த்தியுள்ளது. தர்மபுரியை சேர்ந்த 61 வயதான சிவபிரகாசம் என்பவர், ஓய்வுப்பெற்றாலும், அரசுப் பள்ளிகளில் நீட் பயிற்சி அளித்து வருகிறார். இவர் கடந்தாண்டு நடந்த நீட் தேர்வு எழுதி வெற்றியும் பெற்று அசத்தியுள்ளார். இதனையடுத்து அவர் இன்றைய கவுன்சிலிங்கில் பங்கேற்றுள்ளார்.

விட்டுக்கொடுத்தார்




அரசு பள்ளி மாணவர்களுக்கான, 7.5 சதவீத உள்ஒதுக்கீட்டில் சிவபிரகாசம் 249வது இடத்தில் இருப்பதால், அவருக்கு மருத்துவ இடம் எளிதாக கிடைக்கும் எனக் கூறப்பட்டது. ஆனால், ஆசிரியர் சிவப்பிரகாசம் கவுன்சிலிங்கில் எம்.பி.பி.எஸ் சீட்டை விட்டுக்கொடுத்துள்ளார்.

கன்னியாகுமரி மருத்துவக் கல்லூரியில் முதுகலை மருத்துவப் படிப்பு படித்துவரும் சிவப்பிரகாசத்தின் மகன், தான் மருத்துவரானால் 10 முதல் 15 ஆண்டுகள் மட்டுமே பணியாற்ற முடியும் எனவும், இதுவே இளம் மாணவருக்கு அந்த வாய்ப்பு கிடைத்தால், 40 ஆண்டுகளுக்கு மேல் மருத்துவராக பணியாற்ற முடியும் என்றும் கூறி தனது தந்தையை கவுன்சிலிங்கில் கலந்து கொள்ள வேண்டாம் என அறிவுறுத்தியுள்ளார்.

தன்னால் ஒரு மாணவரின் வாய்ப்பு பறிபோய் விடுமோ என எண்ணிய சிவப்பிரகாசம், கவுன்சிலிங்கில் எந்த கல்லூரியையும் தேர்வு செய்யாமல் எம்.பி.பி.எஸ்., சீட்டை விட்டுக்கொடுத்தார்.

Share
Advertisement
 

Home வாசகர் கருத்து (27)

  • SHANTHAKUMAR - ajman,ஐக்கிய அரபு நாடுகள்

    நீட் படிப்புக்கு வயது தடை இல்லையென்றால், அரசாங்கம் வைக்கும் தேர்வுக்கு மட்டும் வயது அடிப்படை எதற்கு இதில் என்ன நியாயம் இருக்கு . அரசாங்கம் தேர்வில் மட்டும் குறைந்தபட்சம் நாற்பது வயது மட்டுமே . இதனால் எத்தனையோ பட்டதாரிகள் மனஅழுத்ததில் உள்ளனர் . இதற்க்கு எடுத்துக்காட்டு ஆசிரியர் தேர்வில் கூட இந்த வயது முறை பாகுபாடு .உண்மையாக இந்த அரசாங்கம் எந்த வழி முறையை பின்பற்றுகிறார்கள் தெரியவில்லை .வயதானவர்கள் நீட் தேர்வூக்கு போட்டியிட்டால் மாணவர்கள் நலன் பெரிதும் பாதிக்கப்பட்டும் ஏனென்றால் வயதானவர்கள் இவர்களை விட எல்லா விதத்திலும் அனுபவம் உள்ளவர்கள் .நீட் தேர்வுக்கு வயது வரம்பு தேவை.

  • Girija - Chennai,இந்தியா

    ஆனால் அரசு தரப்பில் சொன்னது என்ன ? இவரிடம் பி யூ சி சான்றிதழ் இல்லையாம் ? அரசு ஆசிரியரிடமுமே இப்படி சித்து வேலை காட்டும் அதிகாரிகள் நீட் என்ற ஒன்றே இல்லாதபோது எப்படியெல்லாம் பூந்து விளையாடி இருப்பர் ?

  • venkatan - Puducherry,இந்தியா

    This teacher has taken the practical class,he is a forerunner of his coaching class to have his students like him can win.Its a novel advertising strategy,because of his practicality,that said he is a booster for anyone,NEET is an effort to imbibe and prune the inherited talent in human resources and not a dogma as prescribed by Ante-NEET political bandwagon.Still there are potential talent in every individual can be quarried and harvested. Long grow his effort.

  • RaajaRaja Cholan - Montpellier,பிரான்ஸ்

    பருவத்தே பயிர் செய் என்று ஒரு பழமொழி தமிழில் உண்டு

  • RaajaRaja Cholan - Montpellier,பிரான்ஸ்

    திறமைக்கு வாழ்த்துக்கள் , இன்னும் ஐந்து ஆறு வருடங்கள் படிப்பு, பிறகு இவரது வயது மருத்துவராக பனி தொடரும் பொழுது,. ஒரு இளம் மாணவனுக்கு கிடைக்கும் வாய்ப்பு . ஒரு இளம் மாணவனின் அடுத்த ஐம்பது ஆண்டு வாழ்க்கை , பாத்திரம் அறிந்து யாசகம் இடுவது போல ,இதற்க்கு ஒரு வயது வரம்பு தேவை , அரசு வேலைக்கு தகுதி பெரும் வயத்தயாவது வைத்து இருக்கலாம் . பேருக்கு பெருமை பேசலாம் , பயன் ?

Advertisement
Headphone

வாசிக்க நேரம் இல்லையா?
செய்தியைக் கேளுங்கள்