Load Image
dinamalar telegram
Advertisement

மதுரையில் மல்லிகை பூ கிலோ ரூ.4,000: மக்கள் அதிர்ச்சி

Tamil News
ADVERTISEMENT
மதுரை: மதுரை மாட்டுத்தாவணி பூ மார்க்கெட்டில் ஒரு கிலோ மல்லிகை ரூ.4 ஆயிரத்துக்கு விற்பனையாவதால் வியாபாரிகள்,மக்கள் அதிர்ச்சி அடைந்துள்ளனர்.

மதுரை பகுதியில் அதிக அளவில் மல்லிகை பயிரிடப்பட்டு வருகிறது. மதுரை மாட்டுத்தாவணி பூ மார்க்கெட்டுக்கு சீசன் நாட்களில் ஐந்து டன் வரை பூக்கள் வரத்து இருக்கும். மதுரை மட்டுமல்லாமல் திண்டுக்கல், தேனி, சிவகங்கை, ராமநாதபுரம் போன்ற மாவட்ட வியாபாரிகள் இங்கு வந்து பூக்கள் வாங்கிச் செல்வது வழக்கம்.
Latest Tamil Newsதற்போது பெய்த தொடர் மழை காரணமாக பூக்கள் வரத்து மிகக்குறைவாகவே இருந்தது. இதனால் பூக்கள் விலை அதிகரித்து காணப்பட்டது. கனகாம்பரம் ரூ.2,000, முல்லைப்பூ ரூ.1,500, பிச்சிப்பூ ரூ.1,200, அரளி ரூ.400, பட்டன் ரோஸ் ரூ.300, சம்பங்கி ரூ,250, செவ்வந்தி ரூ.250, விற்கப்பட்ட பூக்களிலேயே மிக அதிக அளவாக மல்லிகைப்பூ கிலோ 4,000க்கு விற்பனையானது.

இதைக்கேட்டு வியாபாரிகளும், மக்களும் அதிர்ச்சி அடைந்தனர். வழக்கமாக 10 கிலோ, 20 கிலோ மல்லிகை வாங்குபவர்கள் 1 கிலோ, 2 கிலோ என்று வாங்கிச் சென்றனர். மல்லிகை பூ விலை உயர்வால் பெண்கள் மல்லிகை பூக்கள் வாங்க முடியாமல் சோகத்தில் உள்ளனர்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
 

Comment Here வாசகர் கருத்து (12)

  • Vittalanand -

    மல்லிகை பூவோ வேறு பூவோ உணவுப்பொருள் அல்ல. விலை ஏற்றினால் வாங்காமல் விடுங்கள். பூ கசந்து விடும். தன்னால் விலை குறைப்பார்கள்

  • S.kausalya - Chennai,இந்தியா

    பூ, காய்கறி பழங்கள் எல்லாமே ஹைபிரிட் வகைக்கு சென்றுவிட்டது.எந்த பூவிலும் இதற்குரிய வாசம் இல்லை ஆனால் பகட்டு உள்ளது எந்த காய்கறிகளிலும் ருசி இல்லை ஆனால் பளபளவென்று பகட்டாக உள்ளது ஒரு பூச்சி கூட இல்லை ஆனால் ருசிதான் இல்லை அதே போன்றுதான் கனி வகைகளும். மல்லிகை பூ கிலோ ₹ 4000 என்றாலும்,அதை எடுத்து முகர்ந்து பார்த்தால் கூட அந்த மல்லிகையின் வாசம் வருவதில்லை. இதற்கெல்லாம் காரணம் விவசாயிகளா? இடைத்தரகர்களா?விவசாயிகளின் பேராசை தான் அனைத்துக்கும் காரணம்.. குறுகிய காலத்தில் நிறைந்த வருமானம் ஈட்டிக் கொண்டு நிலத்தை பிளாட் போட்டு விற்பதற்கு கொடுத்துவிடுவது இதுதான் இவர்களின் எண்ணம். எப்படி ஊசி போட்டு மாடுகளிடம் இருந்து அதிக பால் கறக்க செய்கிறார்களோ அதே போன்றுதான் பூவினை அதன் இயற்கை தன்மைகளை நிராகரித்துவிட்டு கவர்ச்சியையும் பகட்டையும் காட்டியே நல்ல விலைக்கு விற்று பணம் சம்பாதிக்க நினைப்பவர்கள் தான் நம் விவசாயிகள். இல்லாவிட்டால் நாட்டுப்பசு நல்ல காளை மாடுகள் இனமே எப்படி அழிந்து போகும்? நம் மக்களுக்கும் இயற்கையான பொருட்கள் தேவை கிடையாது அது நமது உடலுக்கு நன்மை பயக்கக்கூடியது தானா என்பதையும் ஆராய்வதில்லை பார்க்க நன்றாக உள்ளது அழகாக உள்ளது அது தான் அவர்களுக்குத் தேவை.. முன்பெல்லாம் பூ மார்க்கெட் வழியாக சென்றால் அதன் வாசம் மனதிற்கு அவ்வளவு சந்தோஷம் தரும். இப்போதோ எடுத்து முகர்ந்தாள் கூட வாசம் கிடையாது.

  • HSR - MUMBAI,இந்தியா

    விலை ஏறல. மக்கள் வாங்கும் சக்தி அதிகரித்து விட்டது டி நகர் ரங்கநாதன் தெருவுக்கு போய் பாருங்க

  • செல்வம் - நியூயார்க்,யூ.எஸ்.ஏ

    மக்கள் அதிர்ச்சி// அட என்னங்க இது இதுக்கு மட்டுமா அதிர்ச்சி? எண்ணிக்கு விடியல் ஆட்சிப் பொறுப்பு ஏற்றாரோ அன்னையிலிருந்து எல்லாத்துக்கும் அதிர்ச்சிதான்

  • Duruvesan - Dharmapuri,இந்தியா

    விடியல் வாழ்க

Advertisement