dinamalar telegram
Advertisement

தமிழக அரசு போட்டித் தேர்வுகளில் தமிழ் மொழித்தாள் கட்டாயம்: அரசாணை வெளியீடு

Share
சென்னை: தமிழக அரசு போட்டித்தேர்வுகளில் தமிழ் மொழித்தாள் கட்டாயமாக்கப்படுவதற்கான அரசாணை இன்று (டிச.,03) வெளியிடப்பட்டது.

தமிழக அரசு பணியிடங்களுக்கான போட்டித்தேர்வுகளில் தமிழ் மொழி பாடத்தாள் கட்டாயமாக்கப்படும் என கடந்த செப்டம்பர் மாதம் தமிழக சட்டசபையில் அறிவிக்கப்பட்டது. இந்நிலையில், தமிழக அரசு துறைகளில் உள்ள பணியிடங்கள் அனைத்திலும் தமிழக இளைஞர்களை 100 சதவீதம் நியமனம் செய்யும் பொருட்டு, தேர்வு முகமைகளால் நடத்தப்படும் அனைத்து போட்டித் தேர்வுகளிலும் கட்டாயத் தமிழ் மொழித் தகுதித் தாளினை அறிமுகம் செய்வதற்கான அரசாணை இன்று வெளியிடப்பட்டது.
அரசாணையில் கூறப்பட்டுள்ளதாவது;
* அனைத்து போட்டித் தேர்வுகளிலும் தமிழ் மொழி பாடத்தாள் கட்டாயம்.
* தற்போது நடைமுறையிலுள்ள பொதுத்தமிழ்/ பொது ஆங்கிலம் உள்ள தேர்வுகளில், பொது ஆங்கிலத்தாள் நீக்கப்பட்டு, பொது தமிழ் தாள் மட்டுமே மதிப்பீட்டுத் தேர்வாக அமைக்கப்படும்.
* தமிழ் மொழித் தகுதித் தேர்வுக்கான பாடத்திட்டம் பத்தாம் வகுப்பு தரத்தில் நிர்ணயம் செய்யப்படுகிறது.
* கட்டாய தமிழ்மொழித் தாளில் குறைந்தபட்சம் 40 சதவீத மதிப்பெண் தேர்ச்சி கட்டாயமாக்கப்படுகிறது. தேர்ச்சி பெறாதவர்களின் இதர தேர்வுத்தாள் மதிப்பீடு செய்யப்படமாட்டாது.
இவ்வாறு அதில் கூறப்பட்டுள்ளது.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து (25)

  • Parthasarathy Badrinarayanan - jakarta,இந்தோனேசியா

    முட்டாள்தனமான அரசாணை. தமிழின் பெரால் பிழைப்பு நடத்தும் திராவிடக் கூட்டம் திருந்தவே திருந்தாது

  • Saai Sundharamurthy A.V.K -

    அரசு வேலைகளில் திறமையானவர்கள் கிடைப்பது அரிதாகி விடும். ஹிந்தி தான் வேண்டாம் என்று சொல்லி விட்டார்கள். பின் ஏன் ஆங்கிலத்தை புறக்கணிக்க வேண்டும்? அண்டை மாநில தொழிலாளர்கள் கூட மூன்று மொழிகளில் சக்கை போடு போடுகிறார்கள். இங்கு வரும் காலத்தில் தமிழக அரசு ஊழியர்கள் டுபாக்கூர் ஊழியர்களாக வலம் வருவார்கள். நிச்சயம் எழுதிக் கொள்ளுங்கள்.

  • appaatakkar - kosavapatti,இந்தியா

    இது தமிழ்நாட்டில் உள்ள அரசு பணிகளுக்கு மட்டும் தான் என்பதை புரிந்து கொள்ள வேண்டும். மற்றபடி வேறு மொழி பேசும் மக்களுக்கு எதிரானது இல்லை. அரசு பணிகளில் தமிழ் தெரியாமல் இருந்தால் அதை ஏற்க முடியாது.

  • rasa -

    வெளி நாட்டினாருக்கோ அல்லது வெளி மாநிலத்திரக்கோ இங்கு வேலை இல்லை என சொல்லவில்லை. ஆறு மாதமோ அல்லது ஓரு வருடமோ தமிழ் படித்து விட்டு தேர்வு எழுதட்டும். இதில் என்ன தவறு இருக்கிறது

  • sankaseshan - mumbai,இந்தியா

    தமிழை மட்டும் கற்று உள்ளூரில் வேலை பார்க்கலாம் கிடைத்தால் ? அதாவது குண்டுசட்டியில் குதிரை ஓட்டலாம்

    • Saai Sundharamurthy A.V.K - ,

      சரியாக சொன்னீர்கள் !👍👍👍👌👌👌

Advertisement