Load Image
dinamalar telegram
Advertisement

வரக்கூடாது என நினைத்தது வந்தேவிட்டது: கர்நாடகாவில் 2 பேருக்கு ஒமைக்ரான் பாதிப்பு

Tamil News
ADVERTISEMENT
புதுடில்லி: தென் ஆப்ரிக்காவில் உருமாறிய கோவிட் வைரஸ் 'ஒமைக்ரான்' கர்நாடகாவில் 2 பேருக்கு பாதிப்பை ஏற்படுத்தி உள்ளதாக கண்டறியப்பட்டுள்ளது. இவர்கள் இருவரும் நேற்றிரவு (டிச.,01) தென் ஆப்ரிக்காவில் இருந்து பெங்களூரு வந்துள்ளதாக தெரியவந்துள்ளது.


இது தொடர்பாக மத்திய சுகாதாரத்துறை அமைச்சகத்தின் இணை செயலர் லாவ் அகர்வால் நிருபர்களிடம் கூறியதாவது: இந்தியாவில் 2 பேருக்கு 'ஒமைக்ரான்' கோவிட் உறுதி செய்யப்பட்டுள்ளது. தென் ஆப்ரிக்காவில் இருந்து பெங்களூரு வந்த 66 மற்றும் 46 வயதான ஆண்கள் 2 பேருக்கு முதலில் கோவிட் உறுதியானது. தொடர்ந்து, நடந்த பகுத்தாய்வு பரிசோதனையில் இருவரும் ஒமைக்ரான் வைரசால் பாதிக்கப்பட்டது தெரியவந்தது.

அவர்களுக்கு லேசான அறிகுறி மட்டுமே தென்படுகிறது. பாதிக்கப்பட்டவர்கள் தனிமைப்படுத்தப்பட்டுள்ளனர். அவர்களுடன் தொடர்பில் இருந்தவர்களையும் கண்டறியும் பணி தீவிரமாக நடந்து வருகிறது. அவர்களும் தனிமைப்படுத்தப்படுவார்கள். இதனால், யாரும் பீதியடைய தேவையில்லை.Latest Tamil News
ஒமைக்ரான் தொற்று 5 மடங்கு வேகமாக பரவக்கூடியது. மாஸ்க் அணிதல், சமூக இடைவெளியை கடைப்பிடித்தல், தடுப்பூசி செலுத்திக்கொள்ளுதல் உள்ளிட்ட தடுப்பு நடவடிக்கைகளை பின்பற்றி பொறுப்புடன் நடந்து கொள்ள வேண்டும். இந்தியாவில் ஒமைக்ரான் சூழ்நிலை குறித்து பிரதமருக்கு விளக்கம் அளிக்கப்பட்டுள்ளது. இந்த ஒமைக்ரான் வைரஸ், 29 நாடுகளில் 373 பேருக்கு பாதிப்பை ஏற்படுத்தி உள்ளது. இவ்வாறு அவர் கூறினார்.

ஒமைக்ரான் தொற்று கண்டறியப்பட்ட இருவரும் வெளிநாட்டினர் என்றும், அவர்கள் நேற்றிரவு தென் ஆப்ரிக்காவில் இருந்து பெங்களூரு வந்தது தெரியவந்துள்ளது.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
 

Comment Here வாசகர் கருத்து (11)

  • Samathuvan - chennai,இந்தியா

    நமது அண்டை மாநிலம் கர்நாடகா. அங்கே பாரதிய ஜனதா ஆட்சி நடக்கிறது. இன்று புதிதாக இரண்டு ஓமிகிரனை ஆப்பிரிக்காவிலிருந்து இறக்குமதி செய்து இருக்கிறது.

  • marimuthu - Tenkasi,இந்தியா

    வெளிநாட்டு காரனை ஏன் இங்க அனுமதித்தீர்கள்

  • தமிழன் - madurai,இந்தியா

    இது எப்பவோ தெரிஞ்ச மேட்டர். அடுத்து டில்லில ஒரு கேஸ் இருக்காமே?

  • Kumar - Madurai,இந்தியா

    அது அவர்கள் இல்லையே? வாழ்க வளமுடன்.வாழ்க வையகம்.

  • வந்தியதேவ வல்லவரையன் - பல்லவ நாடு,இந்தியா

    ////ஒமைக்ரான் தொற்று கண்டறியப்பட்ட இருவரும் வெளிநாட்டினர் என்றும், அவர்கள் நேற்றிரவு தென் ஆப்ரிக்காவில் இருந்து பெங்களூரு வந்தது தெரியவந்துள்ளது./// ஏய்யா... அவனுங்கள எல்லாம் எவன்யா... நாட்டுக்குள்ளார உள்ளே விடச் சொன்னான்...? அப்படியே அடிச்சு விரட்ட வேணாமய்யா... ஏற்கனவே சீனாகாரனுங்கள உள்ளாற விட்டுத்தான்... பாடாத பாடு பட்டோம்... அப்போகூட புத்தி வரலையா...? “கொரோனா”வைவிட காசு, பணம், பொருளாதாரம், வெளிநாட்டு நல்லுறவு... இதுதானாய்யா முக்கியம்...? அப்ப உள்நாட்டு மக்களான இந்தியர்களின் உயிர்கள் முக்கியம் இல்லையாயா...? “வேலியில மேயுற ஓணான, புடிச்சு வேட்டிக்குள்ளார விட்டுகிட்டு... குத்துது, குடையுது”..ன்னா என்னய்யா அர்த்தம்...? தென்னாப்பிரிக்காவிலிருந்து இந்த வைரஸ் பரவுது...ன்னு உலக சுகாதார அமைப்பு எச்சரித்த பின்பும், அந்நாட்டு மக்களை இந்தியாவுக்குள்ளார அனுமதிச்சா என்ன அர்த்தம்... தென்னாப்பிரிக்காகாரனுங்க உள்ள வரணும்... அந்த வைரசை பரப்பணும்... இந்திய நாட்டு மக்கள் பாதிப்படையனும்... அப்புறம் அதை சிகிச்சை என்ற பெயரில் சரி செய்யணும்... அதுதானே உங்களோட திட்டம்.... “செய்யுடங்கடா, செய்யுங்க...”... எப்படியோ இந்திய மக்களை முடிச்சுடணும்..னு முடிவு பண்ணிட்டீங்க...? 2020ல கல்கி அவதாரம் எடுத்துட்டாரு... மொத்தமா ஜோலிய முடிச்சுடுங்க....?

Advertisement