பா.ம.க.,வில் நாளை முதல் விருப்ப மனு

சென்னை-நகர்ப்புற உள்ளாட்சி தேர்தலில், போட்டியிட விரும்புவோர், நாளை முதல் விருப்ப மனு அளிக்கலாம் என பா.ம.க., தலைவர் ஜி.கே.மணி அறிவித்துள்ளார்.அவரது அறிக்கை:தமிழகத்தில், விரைவில் நடக்க உள்ள நகர்ப்புற உள்ளாட்சி தேர்தலில், பா.ம.க., சார்பில் போட்டியிட விரும்புவோரிடம், நாளை முதல் டிசம்பர், 3 வரை விருப்ப மனுக்கள் பெறப்படும்.கட்சியின் அமைப்பு ரீதியாக செயல்படும் மாவட்டங்களில், நகர்ப்புற உள்ளாட்சி தேர்தலில் போட்டியிட விரும்புவோர், மாவட்ட செயலர்களிடம் விருப்ப மனு அளிக்கலாம். விண்ணப்பதாரர்களிடம் உயர்நிலை குழு நேர்காணல் நடத்தி, வேட்பாளர்கள் அறிவிக்கப்படுவர்.இவ்வாறு அவர் தெரிவித்துள்ளார்.