dinamalar telegram
Advertisement

வடிகால் வசதியின்றி மூழ்கிய பயிர்கள்: இனியாவது விழிக்குமா அரசு நிர்வாகம்?

Share
தஞ்சாவூர்: வடிகால் வசதி ஏற்படுத்தும் பணியில் பொதுப்பணித் துறையினர் அலட்சியம் காட்டியதே, டெல்டா மாவட்டங்களில் சம்பா பயிர்கள் மழை நீரில் மிதக்க முக்கிய காரணம் என்ற குற்றச்சாட்டு எழுந்துள்ளது.


காவிரி டெல்டா மாவட்டங்களில் ஆண்டுதோறும் மேட்டூர் அணை பாசனத்தையும், வடகிழக்கு பருவ மழையையும் நம்பி, 3.50 லட்சம் ஏக்கரில் குறுவை; 10 லட்சம் ஏக்கரில் சம்பா சாகுபடி நடக்கிறது.அக்டோபர் 26ம் தேதி முதல் பெய்து வரும் வடகிழக்கு பருவ மழையால், டெல்டா மாவட்டங்களில், நேரடி விதைப்பு மற்றும் இயந்திர நடவு மூலம் மேற்கொள்ளப்பட்ட சம்பா பயிர்கள், 1.50 லட்சம் ஏக்கரில் பாதிக்கப்பட்டன.


டெல்டா மாவட்டங்களில் கிளை ஆறுகள், கால்வாய், வாய்க்கால்கள், குடிமராமத்து பணிகளில், சில ஆண்டுகளாக துார் வாரப்பட்டன. ஆயினும், வடிகால் வசதிக் கான கட்டமைப்புகளை பொதுப்பணி துறையினர் முறையாக பராமரிக்காமல் விட்டு விட்டதால், சம்பா பயிர்கள், தண்ணீரில் மூழ்க காரணமாக அமைந்து விட்டது.


இது குறித்து, விவசாயிகள் கூறியதாவது: டெல்டா மாவட்டங்களில் பொதுவாகவே பல இடங்களில் வாய்க்கால்கள் முறையாக துார்வாராமல் இருப்பதால், மேட்டூரில் இருந்து திறக்கப்படும் தண்ணீர் கடைமடைப் பகுதிகளுக்கு முறையாக வருவதில்லை என்ற குற்றச்சாட்டு பல ஆண்டுகளாக உள்ளது.இதையடுத்து, மறைந்த முன்னாள் முதல்வர் ஜெயலலிதாவால் குடிமராமத்து திட்டம் துவங்கப்பட்டு வாய்க்கால்கள், ஆறுகள் துார் வாரும் பணிகள் தற்போது வரை நடந்து வருகிறது. ஆனால், இதுநாள் வரை முறையாக பணிகள் நடக்கவில்லை.




இதுமட்டுமின்றி மழையால் தேங்கும் வெள்ளநீர் வடிய தேவையான கட்டமைப்பு வசதிகள் இல்லை. கால்வாய்கள், வாய்க்கால்களை சீரமைத்து, வடிகால் வசதியை ஏற்படுத்தி, டெல்டா மாவட்ட பாசன கட்டமைப்பு மேம்பாட்டு பணிகளையும் துவங்க வேண்டும். தற்போதைய மழை பாதிப்புக்கு பின், அவசர கதியில் சில இடங்களில் வடிகால்கள் துார்வாரப்படுகின்றன.டெல்டா மாவட்டங்களில் வடிகால் பகுதிகள் பல இடங்களில் ஆக்கிரமிப்பு, கட்டடம் போன்றவையால் மூடப்பட்டுள்ளன.


பழைய வடிகால் வரைபடத்தை கொண்டு, தற்போது அந்த வடிகால் தடங்களை கணக்கு எடுத்து, மாற்று வடிகால் வசதியை ஏற்படுத்த, அரசு இனியாவது நடவடிக்கை எடுக்க வேண்டும். இவ்வாறு அவர்கள் கூறினர்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து (3)

  • Priyan Vadanad - Madurai,இந்தியா

    எதற்கு விழிக்கவேண்டும்? பெருமழை வரவேண்டும் கூடவே நிவாரணமும் தரவேண்டும் என்று செயல்படும் அரசியலாளர்கள் தூங்குவதுபோல் நடிப்பார்களே தவிர ஒருபோது விழிப்பதுபோல் கூட நடிக்கமாட்டார்கள்

  • Ramesh Sargam - Bangalore,இந்தியா

    எந்த அதிகாரி என்னைக்கு தான் வாங்கும் சம்பளத்துக்கு மனசாட்சி விரோதமில்லாமல் பணிபுரிஞ்சிருக்கிறான். லட்சத்தில் ஒருவரோ அல்லது இருவரோ உண்மையாக, மனசாட்சிக்கு பயந்து வேலை செய்கிறார்கள். மீதமுள்ளவர்கள் எல்லாம் திருட்டு பசங்கள். லஞ்சம் வாங்கும் அதிகாரிகள் கடுமையாக தண்டிக்கப்படவேண்டும். அப்பத்தான் இதுபோன்ற அவலங்கள் தடுக்கப்படும்.

  • selva - Chennai,இந்தியா

    பத்து வருடமா...............

Advertisement