31 
உ.பி., மாநிலம் நொய்டா அருகே ஜிவாரில், நொய்டா சர்வதேச விமான நிலையத்திற்கு பிரதமர் நரேந்திர மோடி அடிக்கல் நாட்டினார். இந்த விமான நிலையம், ஆசியாவிலேயே மிகப்பெரிய விமான நிலையம் ஆகும். இந்த விழாவில் உ.பி., முதல்வர் யோகி ஆதித்யநாத் கலந்து கொண்டார்.
பின்னர் பிரதமர் நரேந்திர மோடி பேசியதாவது: முன்பு ஜிவார் உலக வரைபடத்தில் இடம்பெறவில்லை. டில்லி என்சிஆர், மேற்கு உ.பி.,யை சேர்ந்த கோடிக்கணக்கான மக்கள் பயன்பெறுவார்கள்.இந்த பகுதியை முந்தைய அரசு புறக்கணித்தது. மேற்கு உ.பி.,யின் வளர்ச்சியை முந்தைய அரசுகள் புறக்கணித்தன என்பதற்கு உதாரணமாக இந்த விமான நிலையம் அமைந்துள்ளது.
வட இந்தியாவின் நுழைவு வாயிலாக இந்த விமான நிலையம் அமைவதுடன், அந்த மாநிலங்களை இணைக்கும். விமான போக்குவரத்து துறை வேகமாக வளர்ச்சி பெறுகிறது. இந்த விமான நிலையம், மேற்கு உ.பி.,யை சேர்ந்த ஆயிரகணக்கானோருக்கு வேலைவாய்ப்பு ஏற்படுத்தி கொடுக்கும். கடந்த 7 தசாப்தங்களுக்கு பிறகு, உ.பி.,க்கு தேவையானது கிடைத்துள்ளது. இரட்டை என்ஜீன் கொண்ட அரசு காரணமாக, இந்தியாவில் அதிகம் இணைக்கப்பட்ட பகுதியாக உ.பி., திகழ்கிறது.
இந்த விமான நிலையத்தை, முந்தைய மத்திய மற்றும் மாநில அரசுகள் தடை ஏற்படுத்தியது. முக்கியத்துவம் கொடுக்கவில்லை. உள்கட்டமைப்பு என்பது அரசியல் அல்ல. அது தேசிய கொள்கையின் ஒரு அங்கம். நாங்கள் எந்த திட்டத்திற்கும் இடையூறு ஏற்படுத்தவில்லை. அதனை நிறைவேற்றுவதற்கு முக்கியத்துவம் அளித்தோம்.
முந்தைய அரசுகள் இருளில் வைத்திருந்த உ.பி., தற்போது தேசிய அளவில் மட்டுமல்லாமல், சர்வதேச அளவிலும் முத்திரை பதிக்கிறது. தற்போது சர்வதேச முதலீட்டாளர்களின் கவனத்தையும் உ.பி., ஈர்த்துள்ளது. இங்கு 5 சர்வதேச விமான நிலையங்கள் அமைந்துள்ளன. சர்வதேச நிறுவனங்களின் மையமாக அமைந்துள்ளது.
நமது நாட்டில் சில கட்சிகள் சுயநலனுக்கே முன்னுரிமை அளிக்கின்றன. அவர்களின் நலன், குடும்ப நலனை பற்றி மட்டுமே சிந்திக்கின்றனர். நாங்கள் நாட்டின் நலனுக்காக உழைக்கிறோம். இவ்வாறு பிரதமர் பேசினார்.
7 வருடமாக நாட்டுக்காக உழைத்து மக்களின் பொருளாதார நிலையை உயர்த்திவிட்டார் தெரியுமா ?
உண்மை அய்யா எதிர்க்கட்சிகள் எல்லோரும் தேச துரோகிகள்.
Please don't repeat the same comment
1.. ஹிட்லர் திருமணம் செய்துகொள்ளவில்லை, ஆனால் ஒரு காதலி இருந்தாள். 2. நாட்டில் ஒரு குறிப்பிட்ட சமுதாய மக்கள் எதிரியாக இருந்ததாக நினைத்தார் 3. ஹிட்லரின் ஆதரவாளர்கள் கண்மூடித்தனமாக ஹிட்லரை அவதார புருஷராக நம்பினார்கள், ஹிட்லர் பற்றிய உண்மைகளை, விமர்சனங்களை அவர்களால் ஏற்றுக்கொள்ள முடியவில்லை.. 4. ஹிட்லர் தனது சிறு வயதில் ஓவியங்களை வரைந்து விற்று சம்பாதித்தார்.. 5. ஹிட்லர் நாளிதழ், ஊடகங்கள் அனைத்தும் தன்னை பற்றிய செய்திகளை பதியுமாறு செய்தார்..ஊடகங்களும் அவ்வாறே ஹிட்லர் புகழ் பாடி செய்தி வெளியிட்டன... 6. உழைப்பாளர் சங்கங்கள் அனைத்தையும் ஒடுக்கினார்... 7. ஹிட்லர் தனக்கு எதிராக குரல் கொடுப்பவர்களை தேசவிரோதி என்று முத்திரை குத்தினார், நயவஞ்சகர்கள் என்று அழைத்தார்.. 8. ஹிட்லர், சாதாரண அடிப்படை தொண்டராக பா சிச நா ஜி படையில் சேர்ந்தார்... தனக்கு எதிரானவர்களுக்கு குழிகளை பறித்து பா சிச நா ஜி படைக்கு தலைமை பதவியை பிடித்தார்... 9. நாட்டின் அனைத்து பிரச்சினையும் ஒரு நொடியில், மிக துரிதமாக தீர்வு காண தன்னால் முடியும் என்று வாக்குறுதி கொடுத்து ஆட்சியை பிடித்தார். 10. ஆட்சி, அதிகாரத்திற்கு வந்த ஹிட்லரால் நாட்டின் சாதாரண ஒரு பிரச்சினைக்கு கூட தீர்வு காண முடியவில்லை... ஆனால் ஜெர்மனியை அதல பாதாளத்திற்கு கொண்டு சென்றார்.. 11. ''நாட்டிற்கு நல்ல காலம் வர போகிறது, நாடு வல்லரசு ஆக போகிறது'' என்பது தான் ஹிட்லரின் தேர்தல் ஸ்லோகமாக இருந்தது.. 12. ஹிட்லரின் நாஜி கட்சி வெற்றி பெற்று முதல் முறையாக பார்லிமென்றிக்கு ஹிட்லர் சென்ற போது அங்கு உணர்ச்சி மிகுதியால் அழுதார். 13. பொய்கள் மற்றும் வெறுப்புகளை மட்டுமே மக்கள் மத்தியில் பரப்பி ஹிட்லர் ஆட்சிக்கு வந்தார்.. 14. விலையுயர்ந்த ஆடைகள் அணிவதை ஹிட்லர் அதிகமாக விரும்பினார்... 15. ஹிட்லர் பொய்களை உண்மைகள் போலவும், உண்மைகளை பொய்கள் போலவும் பேச கலையை அறிந்தவர்...16. ஹிட்லர் தன்னை முதன்மை படுத்தி ''நான், எனது'' என்று மட்டும் தான் அனைத்து தருணத்திலும் பேசினார்...17. ஹிட்லர் ரேடியோவில் பேசுவதை மக்களுக்கு ஒலிப்பரப்புவதை அதிகம் விரும்பினார்.. 18. ஹிட்லருக்கு ரகசிய காதலி இருந்தால் அவளை உளவு பார்க்க தனிகுழு வைத்து இருந்தார்... 19. "நண்பர்களே, தோழர்களே'' என்ற வார்த்தையை தான் தனது பிரச்சாரங்களில் அதிகம் உபயோகம் செய்தார்... நீங்கள் யாரையோ நினைக்கிறீர்கள்
இந்த காலத்தில் வளர்ச்சி இல்லை எண்டால் முயற்சி இல்லை என்பது தான் அர்த்தம் எது எப்படியோ தென் இந்தியர்களின் உழைப்பையும் சேர்த்து அங்கு கொட்டுகிறீர்கள்...