Load Image
dinamalar telegram
Advertisement

நவ.,24: பெட்ரோல், டீசல் விலையில் இன்றும் மாற்றமில்லை

சென்னை: மத்திய அரசின் கலால் வரி குறைப்பால், தீபாவளிக்கு பெட்ரோல் விலை லிட்டருக்கு 5 ரூபாயும்; டீசல் 10 ரூபாயும் குறைந்த நிலையில், கடந்த 21 நாட்களாக அவற்றின் விலை மாற்றப்படாமல் உள்ளது.

Latest Tamil News


பொதுத்துறை எண்ணெய் நிறுவனங்கள், சர்வதேச சந்தையில் கச்சா எண்ணெய் விலை நிலவரத்திற்கு ஏற்ப, உள்நாட்டில் தினமும் பெட்ரோல், டீசல் விலையை நிர்ணயம் செய்கின்றன. கச்சா எண்ணெய் விலை அதிகரிப்பால், எப்போதும் இல்லாத வகையில், பெட்ரோல், டீசல் விலை உயர்ந்து, இரண்டும் லிட்டருக்கு தலா, 100 ரூபாயை தாண்டி விற்பனையானது. இதனால், வாகன ஓட்டிகள் கடும் அதிருப்தி அடைந்தனர். குறிப்பாக, டீசல் விலை உயர்வால், அத்தியாவசிய பொருட்களின் விலை உயர்ந்ததால், பொதுமக்கள் கடும் பாதிப்புக்கு உள்ளாயினர்.


தமிழகத்தில் இம்மாதம் 3ம் தேதி லிட்டர் பெட்ரோல் 106.66 ரூபாய்க்கும்; டீசல் 102.59 ரூபாய்க்கும் விற்பனையானது. அடுத்த நாள் தீபாவளி பண்டிகை கொண்டாடப்படுவதை முன்னிட்டு, மத்திய அரசு, 3ம் தேதி இரவு பெட்ரோல், டீசல் மீதான கலால் வரியை குறைத்து உத்தரவிட்டது. இதனால், 4ம் தேதி பெட்ரோல் லிட்டருக்கு 5 ரூபாயும்; டீசல் லிட்டருக்கு 10 ரூபாயும் குறைந்தது.
Latest Tamil News

அன்று தமிழகத்தில் லிட்டர் பெட்ரோல் 101.40 ரூபாய்க்கும்; டீசல் 91.43 ரூபாய்க்கும் விற்பனையாயின. இதுவரை 21 நாட்களாகியும், பெட்ரோல், டீசல் விலை மாற்றப்படாமல் உள்ளது. இது, வாகன ஓட்டிகளிடம் மகிழ்ச்சியை ஏற்படுத்தியுள்ளது.


வாசகர் கருத்து (3)

  • அப்புசாமி -

    50 லட்சம் பீப்பாய் எண்ணெய் ரிலீஸ் பண்ணா விலை குறையும்னாங்களே... அஞ்சு பைசா கூட குறையலயே...

  • selva - Chennai,இந்தியா

    நம்புறேன் கோக் கக்குவான்

  • பாமரன் - நம்மூர்தான்,இந்தியா

    புதிய இந்தியாவை உருவாக்கும் போட்டோஷூட் நடைபெற்றுக் கொண்டிருப்பதால் உலகம் பூராவும் நம்ம ஊர் ரெண்டு பீசுகளை கவனிச்சிக்கிட்டு இருக்கு... அதனால எரிபொருள் விலைகள் மூன்று வாரமா ஷாக்காகி அப்பிடியே இருக்கு... மத்தபடி எண்ணெய் கம்பெனிகள் சொதந்தரமாத்தான் இருக்கு (ஏய் சிரிக்காதீங்கப்பா..).. நம்பாதவன் ரத்தம் கக்கி சாவான்... அக்காங்..

உங்கள் கருத்தைப் பதிவு செய்ய
Login via Dinamalar:
New to Dinamalar ?
(Press Ctrl+g   to toggle between English and Tamil)
புதிய செய்திகளுக்கு தினமலர் சேனலை Subscribe செய்யுங்கள்
YouTube & Telegram
Advertisement
 
Advertisement