dinamalar telegram
Advertisement

டிஜிட்டல் கடன் நிறுவனங்கள் வங்கிகளுக்கு போட்டியல்ல; யூனியன் பேங்க் ஆப் இந்தியா தலைமை செயல் அதிகாரி

Share
புதுடில்லி : வங்கிகளால் வழங்கப்படும் சில்லரை கடன்கள் மற்றும் குறு,சிறு, நடுத்தர நிறுவனங்களுக்கான கடன்களில் 50 சதவீதம், அடுத்த 2 -3 ஆண்டுகளில் டிஜிட்டல் கடன் வழங்கும் தளங்களுக்கு மாறும் என 'யூனியன் பேங்க் ஆப் இந்தியா'வின் நிர்வாக இயக்குனர் மற்றும் தலைமை செயல் அதிகாரியுமான ராஜ்கிரண் ராய் கூறியுள்ளார்.


இது குறித்து அவர் மேலும் கூறியுள்ளதாவது:டிஜிட்டல் துறையில் ஏற்பட்டிருக்கும் முன்னேற்றங்கள் வங்கிகளின் கடன் வழங்கும் செயல்பாட்டை பெரிதும் மாற்றி உள்ளது. இன்னும் இரண்டு அல்லது மூன்று ஆண்டுகளில், சில்லரை கடன்கள் மற்றும் தொழில்களுக்கு வழங்கும் கடன்களில் 50 சதவீதம், டிஜிட்டல் வாயிலாக கடன் வழங்கும் தளத்துக்கு மாறிவிடும் என எதிர்பார்க்கிறேன். தற்போது வாடிக்கையாளர்கள் டிஜிட்டல் கடன் வழங்கும் தளங்களை விரும்புகிறார்கள். எனவே ஆன்லைனில் சேவைகளை வழங்கக்கூடிய தயாரிப்புகளை வங்கிகள் உருவாக்க வேண்டும்.


துவக்கத்தில் நிதிதொழில்நுட்ப நிறுவனங்கள் வங்கிகளுக்கு போட்டியாக இருக்கும் என்றுதான் நினைத்தேன். ஆனால், அவை இப்போது வங்கிகளுக்கு உதவுவதாக இருக்கிறது. இனி அவர்கள் நமக்கு போட்டியாளர்கள் அல்ல. அவர்களுடன் நாம் கூட்டு வைத்துக் கொள்ள வேண்டும். நிதிதொழில்நுட்ப நிறுவனங்கள், நிறைய தயாரிப்புகளை வங்கிகளுடன் சேர்ந்து உருவாக்கி உள்ளன.பொதுத்துறை வங்கிகள் தொழில்நுட்பம் மற்றும் புதுமைகளை கொண்டு வரக்கூடிய புதிய திறமைகளை இந்த அமைப்பில் இருந்து பெற வேண்டும்.இவ்வாறு அவர் கூறியுள்ளார்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து (2)

  • சம்பத் குமார் -

    1). டிஜிட்டல் தொழில் நுட்பம் வரவேற்கத்தக்கது. 2). CIBIL வந்தபிறகு லோன் பெறுவது எளிதாகிறது. CIBILல் அதேசமயம் Controversial opinion உள்ளது.3). அதாவது ஏதாவது ஒரு சமயத்தில் CIBIL குறைவாக ( ஏதாவது உண்மையான காரணத்தால் அவருக்கு பாதிப்பு)உள்ள ஒரு நபர் லோன் கிடைக்க சிரமம் பட வேண்டிய இருக்கிறது.4). இத்தனை நாள் அனுபவத்தின் அடிப்படையில் CIBIL விதிமுறைகளை மாற்றம் செய்ய வேண்டும். இதில் RBI மற்றும் நீதிமன்றம் தலையிட்டு நடவடிக்கை எடுக்க வேண்டும்.5). அதேசமயம் Credit card, Personal loan போன்றவை தொழிலாளர்களின் இரத்ததை வட்டி, லேட் சார்ஜ், பெனால்டி சார்ஜ் என்ற பெயரில் உறுஞ்சி குடிக்கின்றனர். ரிசர்வ் பேங்க் ஆஃப் இந்தியா இது சம்பந்தமாக தீர்க்கமான முடிவை எடுக்க வேண்டும். முடிந்தால் நீதிமன்றம் இந்த வகை லோன்களை தடை செய்ய வேண்டும். நன்றி ஐயா.

Advertisement