dinamalar telegram
Advertisement

காங்., தலைவர் தேர்வுக்கு இன்னும் ஒரு வருடம் ஆகுமாம்: வழக்கம் போல் கூடி முடிந்தது காரிய கமிட்டி

Share
புதுடில்லி: 2022ம் ஆண்டு செப்., மாதம் காங்கிரஸ் தலைவர் பதவிக்கு தேர்தல் நடத்துவது என இன்றைய காங்., காரியகமிட்டி குழு கூட்டத்தில் முடிவு செய்யப்பட்டு உள்ளதாக தகவல்கள் தெரிவிக்கின்றன.

டில்லியில் காங்கிரஸ் கட்சி தலைமையகத்தில் நடக்கும் கூட்டத்திற்கு சோனியா தலைமை வகித்தார். கூட்டத்தில் லோக்சபா எம்.பி., ராகுல், பிரியங்கா, அம்பிகாசோனி, மல்லிகார்ஜூன கார்கே, ப.சிதம்பரம், பூபேஸ் பாகேல் உள்ளிட்ட மூத்த காங்., நிர்வாகிகள் பங்கேற்றனர். இந்த கூட்டத்தில், புதிய தலைவர், விரைவில் நடைபெற உள்ள சட்டசபை தேர்தல்கள், உட்கட்சி விவகாரம் குறித்து ஆலோசனை நடத்தப்பட்டது.

இந்த கூட்டத்தில் சோனியா பேசியதாவது: மக்கள் நலன் சார்ந்த எந்த விஷயத்தையும் நாம் கவனிக்காமல் இருந்தது இல்லை. இது தொடர்பாக மன்மோகன் சிங் மற்றும் ராகுலுடன் பேசி உள்ளேன். பார்லிமென்டிலும், வெளியேயும் கூட்டாக அறிக்கை வெளியிட்டுள்ளோம்.

ஒற்றுமை முக்கியம்



விரைவில் பல மாநிலங்களில் சட்டசபை தேர்தல் நடைபெற உள்ளது. இதற்கான ஏற்பாடுகளை துவக்கி விட்டோம். ஆனால், நாம் பல சவால்களை எதிர்கொண்டு வருகிறோம் என்பதில் எந்த சந்தேகமும் இல்லை. நாம் ஒற்றுமையாக, கட்டுப்பாட்டுடன், கட்சியின் நலனை மட்டும் கவனத்தில் கொண்டுபணியாற்றினால், சிறப்பாக செயல்பட முடியும் என்பதில் எந்த சந்தேகமும் இல்லை. காங்கிரஸ் புத்துயிர் பெற வேண்டும் என ஒட்டுமொத்த அமைப்பும் விரும்புகிறது. இதற்கு ஒற்றுமையும், கட்சியின் நலனை முன்னிலைப்படுத்துவதும் அவசியமாகிறது.


நான் தான் காங்கிரசின் முழு நேர தலைவர்




கடந்த 2019 முதல் கட்சியின் இடைக்கால தலைவராக பணியாற்றி வருகிறேன். முழுநேர தலைவரை நியமிப்பதற்கான காலக்கெடுவானது, கோவிட் 2வது அலை காரணமாக ஒத்தி வைக்கப்பட்டது. நான் தான் காங்கிரசின் முழு நேர தலைவர் என்பதை சொல்வேன். வெளிப்படைத்தன்மையுடன் பேசுபவர்களை எப்போதும் நான் பாராட்டுவேன். என்னுடன் யாரும் மீடியா வழியாக பேச வேண்டியதில்லை. எனவே நாம் நேர்மையாகவும், சுதந்திரமாகவும் விவாதம் நடத்தலாம். இங்கு அனைவரும் சேர்ந்து எடுக்கும் முடிவை மட்டும் வெளியே சொல்வோம். இவ்வாறு அவர் கூறினார்.

நம்பிக்கை



இதனிடையே, இந்த கூட்டத்தில் குலாம் நபி ஆசாத், ‛‛ சோனியா மீது முழு நம்பிக்கை உள்ளது. அவரது தலைமை பதவி குறித்து யாருக்கும் சந்தேகம் இல்லை '' எனக்கூறியுள்ளார்.

தலைவர் பதவிக்கு தேர்தல்



2022ம் ஆண்டு செப்., மாதம் காங்கிரஸ் தலைவர் பதவிக்கு தேர்தல் நடத்துவது என முடிவு செய்யப்பட்டு உள்ளதாக தகவல்கள் தெரிவிக்கின்றன.

Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து (38)

  • Ramesh - Dubai,இந்தியா

    அடுத்த செப்டம்பர் மாதம் காங்கிரஸ் காரிய கமிட்டிக்கு காரியம் நடைபெற உள்ளது. அனைவரும் பங்கு கொள்ளவும்.

  • Vena Suna - Coimbatore,இந்தியா

    இந்திரா காந்தி ஜெயித்ததே அவரது பெயரை பார்த்து மகாத்மா காந்தியின் பெண் என்று ஏமாந்து பாமர மக்கள் பலர் ஓட்டு போட்டதால் தான். நேரு பெண் என்றால் நேரு யார் என்று கேட்பார்கள் அந்த காலத்தில்.

  • மலரின் மகள் - EDINBURGH,யுனைடெட் கிங்டம்

    இந்த செய்தி உ பி யின் அரசியல் காட்சிகள் அனைத்திற்கும் மகிழ்ச்சி அளிப்பதாக இருக்கும். காங்கிரசிடமிருந்து தான் ஓட்டுக்களை வாக்காளர்களை பெற்று கொள்வார்கள். காங்கிரஸ் கரைந்தால் தான் அந்த ஓட்டுக்கள் மற்ற கட்சிகளுக்கு செல்லும் அதனால் தான் காங்கிரசை யாரும் ஒப்புக்கு சப்பாணியாக கூட டுவேல்த்மென் ஆகா சேர்த்துக்கொள்வதில்லையாம். பி ஜே பி க்கு ராகுல் குடும்பம் தொடர்வது எளிதான விஷயம். தேசிய அளவில் போட்டிகள் இல்லை என்று மாற்றியது அவர்களையே சாரும். கம்யூனிஸ்ட்களோ கேரளாவில் காங்கிரசின் மோசமான நிலையால் வரலாற்றின் முக்கிய நிகழ்வாக தோசை மாற்றி போடப்படவில்லை. ஒரு பக்கமே இரண்டு முறை வேகவைக்கப்டுகிறது. அது கருகிய தோசையாக இருந்தாலும் பரவாயில்லை என்ற நிலைக்கு அங்கு வாக்காளர்கள் எண்ணம் வர செய்த செயல் அந்த குடும்ப அரசியல் நிலைப்பதாலேயே. காங்கிரஸ் போன்ற பேரியக்கம் நல்ல கொள்கைகளை உடைய இயக்கம் வரலாறு தெரியாத, ஊழலின் மீது அதிக ஏற்புடையோரால் இருக்கிறது என்று சொல்கிறார்கள். காங்கிரஸ் நல்ல கொள்கைகளை கொண்டுள்ளது. நேருவின் கம்யூனிசம் தவிர்த்து விட்டு காங்கிரஸ் புதிதாய் குடும்ப உறுப்பினர்கள் மற்றும் பழைய தலைகள் பங்குபெறாத நிலை உருவாக வேண்டும். உருவாகி வளரட்டும்.

  • மலரின் மகள் - EDINBURGH,யுனைடெட் கிங்டம்

    //இந்த கூட்டத்தில் குலாம் நபி ஆசாத், ‛‛ சோனியா மீது முழு நம்பிக்கை உள்ளது. அவரது தலைமை பதவி குறித்து யாருக்கும் சந்தேகம் இல்லை '' // அப்படியென்றால் அவரையே முழு தலைவராக அறிவிக்கலாமே? எதற்கு தற்காலிகமாக இன்சார்ஜ் எடுத்து கொள்ளவேண்டும்? பிரியவில்லை.

  • a natanasabapathy - vadalur,இந்தியா

    அது ஒரு கட்சியே கிடையாது இதில் தலைவர் ஒரு கேடா

Advertisement