கொரோனா தடுப்பு நடவடிக்கை ஆலோசனை கூட்டம்

ஊட்டி:ஊட்டி கலெக்டர் அலுவலகத்தில், கொரோனா நோய் தடுப்பு நடவடிக்கை குறித்த ஆலோசனை கூட்டம் நடந்தது.மாவட்ட கண்காணிப்பு அலுவலர் சுப்ரியா சாஹூ, மாவட்டத்தில் மேற்கொள்ளப்பட்டு வரும் கொரோனா தடுப்பு பணி குறித்து கேட்டார். இதில், கொரோனா நோயால் பாதிக்கப்பட்ட வர்கள், குணமடைந்தவர்கள் எண்ணிக்கை; சிகிச்சை பெற்று வருபவர்கள்; இதுவரை மேற்கொள்ளப்பட்ட கொரோனா பரிசோதனைகள் மற்றும் கொரோனா நோயால் இறந்தவர்களின் எண்ணிக்கை குறித்து சுகாதார பணிகள் துணை இயக்குனர் பாலுசாமி விரிவாக எடுத்துரைத்தார்.மேலும், தடுப்பூசி செலுத்துவதன் அவசியம் குறித்து விழிப்புணர்வு ஏற்படுத்தி, மாவட்டத்தில், 100 சதவீதம் தடுப்பூசி செலுத்த முடிவு செய்யப்பட்டது.