வாகனம் மோதி இரவு காவலர் பலி

பள்ளிபாளையம்: வெப்படையில் அடையாளம் தெரியாத வாகனம் மோதி இரவு காவலர் பலியானார். பள்ளிபாளையம் அருகே தெற்குபாளையத்தைச் சேர்ந்தவர் பழனிசாமி, 62; வெப்படையில் உள்ள நிறுவனத்தில் இரவு காவலராக பணி புரிந்தார். நேற்று முன்தினம் இரவு வெப்படை அடுத்த பாதரையில் நடந்து சென்றார். அப்போது அடையாளம் தெரியாத வாகனம் மோதியது. பலத்த காயமடைந்து, ஈரோடு அரசு மருத்துவமனையில் சேர்க்கப்பட்டவர் உயிரிழந்தார். பள்ளிபாளையம் போலீசார் விசாரிக்கின்றனர்.