dinamalar telegram
Advertisement

தாயை கொலை செய்து அருகில் உறங்கிய மகன்

Share
தஞ்சாவூர்:தாயை கொலை செய்து, அருகிலேயே படுத்து உறங்கிய மகனை போலீசார் கைது செய்தனர்.

தஞ்சாவூர் மாவட்டம், கும்பகோணம் அருகே மாத்திகேட்டைச் சேர்ந்தவர் சரஸ்வதி, 70. கணவர் சில ஆண்டுகளுக்கு முன் இறந்து விட்டார். ஐந்து மகள்கள், இரு மகன்கள் உள்ளனர். கடைசி மகன் பழனி, 36, தவிர மற்ற ஆறு பேருக்கும் திருமணம் ஆகி தனியாக வசிக்கின்றனர். மருந்து விற்பனை பிரதிநிதியாக இருந்த பழனி, ஓராண்டுக்கு முன் பைக் விபத்தில் தலையில் பலத்த காயம் அடைந்து, மனநிலை பாதிக்கப்பட்டார்.பழனி நேற்று முன்தினம் இரவு வீட்டை விட்டு வெளியே செல்ல முயன்றபோது, தாய் சரஸ்வதி தடுத்துள்ளார்.

இதனால் ஆத்திரமடைந்த பழனி, கத்தியால் தாயின் கழுத்து மற்றும் வயிற்றில் குத்தியதில், அவர் இறந்தார். தாய் இறந்தது தெரியாமல், அவர் அருகிலேயே இரவு முழுதும் படுத்து உறங்கிய பழனி, நேற்று காலை தாயை எழுப்பியுள்ளார். வெகு நேரமாக தாய் எழுந்திருக்காததால், அருகில் உள்ள தன் சகோதரி வீட்டுக்கு சென்று, 'அம்மா துாக்கத்தில் இருந்து எழவில்லை' என ரத்தம் படிந்த சட்டையுடன் சென்று கூறி உள்ளார். சகோதரி, வீட்டுக்கு சென்று பார்த்தபோது, சரஸ்வதி இறந்து கிடந்தார்.போலீசார், பழனியை கைது செய்து விசாரிக்கின்றனர்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து

    முதல் நபராக கருத்து தெரிவியுங்கள்!
Advertisement