dinamalar telegram
Advertisement

நீட் தேர்வு எழுதிய மாணவி தற்கொலை

Share
வேலுார்:'நீட்' தேர்வு எழுதிய காட்பாடி மாணவி துாக்கிட்டு தற்கொலை செய்து கொண்டார்.

வேலுார் அருகே, காட்பாடி அடுத்த தலையாரம்பட்டு கிராமத்தைச் சேர்ந்தவர் திருநாவுக்கரசு, 63; கூலித் தொழிலாளி. இவரது மனைவி ருக்மணி, 50.இவர்களின் மகள் சவுந்தர்யா, 17, வேலுார் தோட்டப்பாளையம் அரசு மகளிர் மேல்நிலைப் பள்ளியில் பிளஸ் 2 படித்து, 510 மதிப்பெண்கள் பெற்று தேர்ச்சி பெற்றார். இவர் மருத்துவப் படிப்பில் சேர, நீட் தேர்வு பயிற்சி பெற்றார்.

கடந்த 12ம் தேதி கிங்ஸ்டன் பொறியியல் கல்லுாரியில் நீட் தேர்வு எழுதினார்; தேர்வு கடினமாக இருந்ததாகவும், சரியாக எழுதவில்லை என்றும் தாய், தந்தையிடம் சொல்லி சவுந்தர்யா புலம்பியுள்ளார். பெற்றோர் ஆறுதல் கூறினர். ஆயினும், மனமுடைந்து காணப்பட்டார்.நேற்று காலை திருநாவுக்கரசு, ருக்மணி வெளியே சென்றிருந்தனர்.

வீட்டில் சவுந்தர்யா மட்டும் தனியாக இருந்தார். சிறிது நேரம் கழித்து பெற்றோர் வந்தபோது, அறைக்குள் சவுந்தர்யா சேலையில் துாக்கிட்டு சடலமாக தொங்கினார்.தோல்வி பயத்தால் துாக்கிட்டு தற்கொலை செய்தது தெரிந்தது. லத்தேரி போலீசார் விசாரிக்கின்றனர்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து

    முதல் நபராக கருத்து தெரிவியுங்கள்!
Advertisement