dinamalar telegram
Advertisement

நம்பிக்கை அதிகரித்துள்ளது: அமைச்சர் ராஜ்நாத் பெருமிதம்

Share
Tamil News
புதுடில்லி:''முன் தேதியிட்ட வரி விதிப்பு முறையை நீக்கிய பின், அரசுக்கும், தொழில் துறையினருக்கும் இடையிலான பரஸ்பர நம்பிக்கை அதிகரித்து உள்ளது,'' என, ராணுவ அமைச்சர் ராஜ்நாத் சிங் தெரிவித்தார்.

டில்லியில் நடைபெற்ற இந்திய - அமெரிக்க பொருளாதார மாநாட்டில், 'ஆன்லைன்' வாயிலாக பங்கேற்ற ராணுவ அமைச்சர் ராஜ்நாத் சிங்பேசியதாவது:பொருளாதார வளர்ச்சியை அதிகரிப்பதற்காக தே.ஜ., கூட்டணி அரசு பல்வேறு நடவடிக்கைகளைஎடுத்துள்ளது. இதன் வாயிலாக, சர்வதேச முதலீட்டாளர்கள் சிவப்பு கம்பளம் விரித்து வரவேற்கப்படுகின்றனர். அதிகார தலையீடுகள் வெகுவாக குறைந்துள்ளன.

முந்தைய ஐக்கிய முற்போக்கு கூட்டணி அரசு செய்த மிகப்பெரிய தவறான, முன் தேதியிட்ட வரி விதிப்பு முறையை இந்த அரசு அகற்றியதன் வாயிலாக அரசுக்கும், தொழில் துறையினருக்கும் இடையிலான பரஸ்பர நம்பிக்கை அதிகரித்து உள்ளது.இந்தோ - அமெரிக்க ஒத்துழைப்பு நீண்ட நாட்கள் நீடிப்பதன் வாயிலாக, பொருளாதார நிலை மேம்படும் என்பதில் சந்தேகமில்லை.இவ்வாறு அவர் பேசினார்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.
Advertisement
 

Home வாசகர் கருத்து

    முதல் நபராக கருத்து தெரிவியுங்கள்!
Advertisement