dinamalar telegram
Advertisement

மிகவும் கீழ்த்தரமான நிலைக்கு பாகிஸ்தான் சென்றுவிட்டது: மத்திய அரசு பாய்ச்சல்

Share
புதுடில்லி : “ஆப்கானிஸ்தான் துாதரின் மகள் கடத்தப்பட்டதற்கு மறுப்பு தெரிவித்து, மிகவும் கீழ்த்தரமான நிலைக்கு பாகிஸ்தான் சென்றுவிட்டது,” என, வெளியுறவுத் துறை செய்தித் தொடர்பாளர் அரிந்தம் பாக்சி சாடி உள்ளார்.

நம் அண்டை நாடான பாகிஸ்தானில் ஆப்கானிஸ்தான் துாதராக பணியாற்றி வருபவர் நஜிபுல்லா அலிகில். தலைநகர் இஸ்லாமாபாதில் வசித்து வரும் இவரது மகள் சில்சிலா அலிகில், 26, சமீபத்தில் மர்ம நபர்களால் கடத்தப்பட்டார். அவர்கள் சில்சிலாவை பல மணி நேரம் தங்கள் கட்டுப்பாட்டில் வைத்து சித்ரவதை செய்தபின் விடுவித்தனர்.

இந்த சம்பவம் பெரும் பரபரப்பை ஏற்படுத்தியது. இந்த சம்பவத்தை தொடர்ந்து பாகிஸ்தானில் உள்ள துாதர் மற்றும் மூத்த துாதரக அதிகாரிகள் அனைவரையும் நாடு திரும்ப, ஆப்கானிஸ்தான் அரசு உத்தரவிட்டது.

இதற்கிடையே ஆப்கானிஸ்தான் துாதரின் மகள் கடத்தப்பட்டதற்கு எந்த ஆதாரங்களும் இல்லை என்றும், உலக அரங்கில் பாகிஸ்தானின் மதிப்பை சீர்குலைக்க, இந்தியா முயற்சிக்கப்பதாகவும், பாக்., அரசு குற்றஞ்சாட்டியது. இந்நிலையில் பாகிஸ்தானுக்கு இந்தியா தரப்பில் தக்க பதிலடி கொடுக்கப்பட்டுள்ளது.
இது குறித்து மத்திய வெளியுறவுத் துறை செய்தித் தொடர்பாளர் அரிந்தம் பாக்சி நேற்று கூறியதாவது: பாகிஸ்தானில் ஆப்கானிஸ்தான் துாதரின் மகள் கடத்தப்பட்டு சித்ரவதை செய்யப்பட்டுள்ள சம்பவம், பெரும் அதிர்ச்சி அளிக்கிறது. எனினும் இந்த விவகாரத்தில் இந்தியாவை, பாக்., அரசு இழுத்துள்ளது.

எனவே, அதற்கு பதிலளிக்க இந்தியா கடமைப்பட்டுள்ளது. துாதரின் மகள் கடத்தப்பட்டதற்கு மறுப்பு தெரிவித்து மிகவும் கீழ்த்தரமான நிலைக்கு பாகிஸ்தான் சென்றுவிட்டது.இவ்வாறு அவர் கூறினார்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து (7)

  • N.Purushothaman - Cuddalore,மலேஷியா

    பாகிஸ்தான் பெண்களுக்கு என்றும் பாதுகாப்பானதாக இருந்ததில்லை ...இல்லைன்னா அங்கு வாழும் சிறுபான்மை சிறுமிகளை மதம் மாற்றி சீனாவுக்கு கடத்தி வைப்பார்களா ?

  • Natarajan Ramanathan - தேவகோட்டை,இந்தியா

    Mani . V - Singapore, ஒட்டுகேட்பது உலகம் முழுதும் நடக்கும் விஷயம்தான். இதே பிரச்சினை காங்கிரஸ் அரசிலும் வந்தது. அப்போது மன்மோகன் சொன்னது: தேச பாதுகாப்புக்காக ஒட்டுக் கேட்டதாக ஒப்புதல் விளக்கம் அளித்தார்.

  • Priyan Vadanad - Madurai,இந்தியா

    இதில் ஏன் பாகிஸ்தான் நமது நாட்டை இழுக்கவேண்டும்? அங்கு எதாவது தேர்தல் வரப்போகிறதா?

  • Priyan Vadanad - Madurai,இந்தியா

    இது என்ன பாகிஸ்தான் சொல்வது, எதிர்கட்சிகளை ஆளுங்கட்சி பேசுவதுபோல இருக்கிறது.

  • Mani . V - Singapore,சிங்கப்பூர்

    நாம ஒட்டு கேட்டதை விடவா?

Advertisement